بيتزا من مطبخي

السلام عليكن يا اميرات المنتدى

جبتلكم لا روسات نتاع البيتزا لي وعدتكم بيها جربتها وجات روعة خيرمن نتاع البيتزيريا  

المقادير1:
1كلغ فرينة
كاس زيت ميش معمر ياسر
كاس ونص حليب تقريبا
3ملاعق صغار سكر
3ملاعق صغار خميرة خبز
******
جيبي عميقة وحطي فيها الفرينة والخميرة والسكر
اضيفي الحليب والزيت واجمعي المكونات باليد لتتحصلي على عجينة طرية وملساء
ضعيها على سطح مرشوش بالفرينة ولميها كيما الكسرة وقسميها على اربع كويرات
ضعي الكويرات تتخمر في جو سخون (امام الفرن)حتى تنتفخ
*********
حضري صلصة الطماطم العادية
وزيني كما تشائين باستعمال اللحم المرحي المحمس و الزيتون والفرماج الرابي والطون ....

***********
ثم حلي العجبنة بالحلال وضعيها في سينية الفرن وزينيها وحطيها ترتاح في جو سخون مرة اخرى مدة 15او20دقيقة
اثقبيها بالشوكة قليلا وادخليها الفرن

ملاحضة:اذا كنتي حابتها رقيقة اثقبيها بالشوكة واذا حبيتها طالعة ماتثقبيهاش
وفي الحالتين تجي خفيفة بزاف وجي لونها من الاسفل روعة من التحت 

****
                             جربوها وماتندموش والله تجي رووووعة

يمي يمي شهيتيني مريومة
بصحتكم ويعطيك الصحة على الوصفة

اممممممم والله غير اليوم درت كوكا للعشاء جات روعة مي ماصورتش عندي وحد الوصفة تاع كوكا 

ياو سر المهنة ماما شافتها فلاتيلي سياتها جاتها روعة من هديك الخطرة وانا غير نتوحش نديرها 

اليكم الوصفة


فرينة حسب العائلة عينك ميزانك + ملح 



نخلطهم + 2 مغارف صغار خميرة الخبز+ ماء يكون دافئء ديري الماء تكون يعني معلكة يعني ماتخافيش الماء

و خليها تخمر ملييييح كي تتطلع فرشيها بيدك فالصنيوة مدهومة بالزيت و مشيها بالزيت فرشي عليها صلصة طماطم لازم تكون مرحية 

هدا مكان خسارة ماصورتش بصح بنة و همة

شكرا ليك مريومة علئ الوصفة 
امونة النشيطة مرسي علئ لكوكا

يعطيك الصحة مريووووومـــــة


وامينة تان شكرا ليك

شكرا ليكم لبنات
خسارة ماصورتهاش بصح لازم جربوها وتردولي خبر

امينة يعطيك االصحة
مالفا ندير الكوكا بصح  بلابات فويتي تجي فووووور بزاف 
ولابات لي ديرها ماماك نخدم بيها لي سوفلي تجي هايلة بصح نزيدلها نص كاس زيت حسب كمية الفرينة باش تجي خفيفة وتتقرمش من التحت

ايه راح نقولك ميرم خسارة ماصورتيهاش 

مي ماعليش بانة جاتك رووووعة صحيتي 

شكرا على المقادير و الوصفة الدقيقة

مرسي أمينة على الوصفة 

يعني مافيهاش الزيت ؟؟

بلا مزية لي في ايه سمسومة مافيهاش الزيت مي السر كي تكون شوية جارية ماشي بزاف بصح تكون جد طرية 

كي تخمر فرغيها فالصنيوة ومشيها بيدك اجي ماعندي مانقلك

للتزيين زيتون فرماج

merci semsoma w nihal

مرسي مريومة على الوصفة يعطيك الصحة 

بربي نجربها

وشكرا أمينة على الوصفة