كيف اكون قوية و استرجع حيويتي

السلام عليكم فكرت مليا قبل ان اطرح مشكلتي لكنني تعبت كثيرا و الله و حائرة جدا جدا جدا اولا من ناحية الدراسة انا ادرس الدراسات العليا لكن تدنى مستواي الدراسي جداا حتى زميلاتي لاحظو هذا الشيء و حتى الاساتذة وجهولي هذه الملاحظة فكثيرا ما فكرت ان اتوقف عن الدراسة و اتوجه الى الحياة العملية و لكن اخاف ان اندم مالسبيل الى ذلك؟؟ و المشكل حتى مظهري اهملته لم اعد اهتم بمظهري لربما انعكس هذا على نفسيتي؟؟ و المشكلة الاخرى كانت قبل ايام خطيبي تغير كثيرا كثيرا و دائما في وقت الامتحانات يتخاصم معي و يتركني ايام و لوكان مانتصلش بيه انا ما يتصلش ما يحوسش عليا ماشي دايرلي كامل اعتبار يمنعني من الخروج و يصرخ عليا امام امه و هذا الذي اغضبني و مؤخرا تخاصمنا قال لا تتصلي بي ابدا و اغلق الهاتف في وجهي و قال لي انسي رقمي و انا اتصلت مرارا لم يرد بل قطع سكة الهاتف في وجهي ثم غلقه احسست كرامتي انهدت ياااااا شحال صعيبة انا نتصل بيه و هو يغلق في وجهي الهاتف على اساس انو غضب مني و دائما عندما يذهب لدارهم( يعمل بعيد على دارهم) يولي يديرلي هكذا حتى شكيت و قتلو على احساسي قالي لا راني خادعك ربي وكيلي و لا راكي ظالمتني ربي وكيلك و قالي ما تتصليش بيا انسي كامل اللي كان اول مرة انا نتصل بيه هو مايردش انا راني حاسة كاينة حاجة شاغلة بالو و دائما مؤخرا يصرخ عليا هل اكرر اتصالي؟؟ام لا؟؟ و الله هاذو الايام راني مدمرة والله ساعدوني ؟و في الامتحان ما خدمتش في مادة خسرتلي كلش مارانيش قادرة نراجع المواد الباقية فكيف السبيل ارجوكم ساعدوني

شكرا اميرة ربي يجازيك و الله راني تائهة هادي المرة مافهمت والو و ماعارفة كيف نتصرف

أختي سمية ربي يفرج عليك إن شاء الله

شوفي على القراية ندبر عليك كملي واش مازالك ومتحبسيش

باه متندميش يعني وصلتي للعين أشربي منها فهمتيني؟

أما خطيبك أنا حسب محكيتي قبل هو يحبك ياسر وقابلك مالغري مريضة ووقف معاك و مسمحش فيك

وقلتي تاني بلي ماكيش راضية على شكلو وهاذيك الحكاية كاملة صح ولا لا؟

يعني فكري مليح مع روحك مغلطتيش معاه؟ ولا قستيه بالهدرة ولا حسستيه بلي مش عاجبك؟؟؟؟

متبداتيش معاه أنتي ورا مشفتيه؟؟؟؟

يعني واش السبب لي خلاه يدير هك؟ 

لاكان مكانش سبب مقنع صح من حقك تقلقي وتحيري واش بيه متبدل معاك

فكري مليح أختي واش درتي وشوفي لاكان هو ظالمك ولا أنتي لي غالطة؟؟؟؟

خاطر محال واحد حبك ووقف معاك في كل الظروف يتبدل بلا سبب صح ولا لا؟؟؟

أنا ننصحك متخليهش بعيد عليك يعني حاولي تفهمي منو واش صرا قربي ليه وشوفي وين راه المشكل 

وربي يفرج عليك إن شاء الله ويرجع المياه لمجاريها

سلام اختي  ممكن مكان حتى سبة فترة وتفوت انشالله بالاك عندو مشاكل في خدمتو ويرد عليك القلقة
نقولك حاجة اختي قرايتك متخليهاش خلاص مهما كان ديبلوم في يدك سلاح في اي وقت تلقايه و المشاكل يروحو ويجيو لو كان نتبعوهم ما تفراش
و قرايتك هي مستقبلك ..
انا عن تجربة و حكيتلكم مشكلتي مع خطيبي دار فيا حالة ديما نتقابضو يكوبي عليا ما يخليليش بصح كي وصلت للنقطة وين ما قدرتش نزيد
خليتو سمانة ما عيطلي ما عيطلو
من تم الحالة ركحت ولالي وحدو
امالة ختي ما تعيططيلوش حتى يفيق مع روحو وتتنحالو القلقة دوك هو وحدوالا يحبك يتوحشك و يعيطلك ويطلب منك السماح
انشالله ميكون غير الخير و متقلقيش روحك والتهاي مع قرايتك بش تطلعي العام نتاعك و تكملي قرايتك وتتهناي و نفرحو بيك انشالله