السلام عليكم ورحمة الله تعالى وبركاته
اليوم جبتلكم طريقتي في تحضير البغرير اللي راني معتمدتها من سنوات
ويجيني خفيف وبنين وكامل يعجبهم
مقادير العجينة
3بول سميد رطب
فنجان سمن ذايب
حبة بيض
2 م ص خمارة الخبز
ماء دافئ
ملح
فانيلا
نطمنو السميد بالسمن مليح مليح (السمن لازم مايكونش سخون)
ثم نضيفو حبة بيض ونكملو نطمنو مليح مليح مانخلوش الحبيبات
نضيف الخميرة ونديرو عليها شوية ماء دافئ ونخلطو
نضيفو الملح ثم الماء الدافئ شيئا فشيئا بلا ماندلكو العجينة
نبقاو نفتحو فيها غير بيدينا نبقاو نضيفو في الماء ونخبطو فيها (يديك يكونو بوكس) حتى تذوب كامل العجينة ونتحصلو على خليط قوامه ثقيل
نجوزوها في كسكاس حتى نتخلصو كامل من الحبيبات تاع العجينة اللي تبقى (انا ماتبقاليش باسك نذوبها مليح بيديا)
نغطوها ونحطوها في مكان دافئ حتى تتخمر حوالي ساعة او ساعة ونصف
كي تخمر نضيفو الفانيلا ونخلطو
من جهة اخرى نكونو حطينا كارلاجة فوق الطابونة تسخن
وهنا سر نجاح البغرير وهو انو نطيبوه على كارلاجة
استعملي وحدة تاع 25سم على 25سم وخليها غير للبغرير
انا هاذي نتاعي
[ندعوك للتسجيل في المنتدى أو التعريف بنفسك لمعاينة هذه الصورة]مركز تحميل الصورنحضرو قطعة صابون حجرة (صابون الطرف) وقطعة قماش
كي تسخن الكارلاجة نمسحوها بالصابون غير لفوق لفوق وثم ثم نمسحوها بقطعة القماش باش انحوا كامل اثار الصابون
بهاذي الطريقة تضمني بلي البغرير ماهوش رايح يلصق
نخلطو مليح الخليط نتاعنا
[ندعوك للتسجيل في المنتدى أو التعريف بنفسك لمعاينة هذه الصورة]مركز تحميل الصورونعمرو غراف ونفرغوه فوق الكارلاجة بشكل دائري بسرعة
نلاحظو بلي بسرعة تنشف
[ندعوك للتسجيل في المنتدى أو التعريف بنفسك لمعاينة هذه الصورة]مركز تحميل الصوربعد ماتنشف كامل نزيدو نخلوها شوية ونطلو عليها ملتحت
نخلوها حتى تاخذ اللون الذهبي من التحت اما ملفوق تبقى بيضة
[ندعوك للتسجيل في المنتدى أو التعريف بنفسك لمعاينة هذه الصورة]مركز تحميل الصورمركز تحميل الصوركي تبداي تفرغي في الخليط اذا حسيتو قوامو بزاف ثقيل وماهوش يمشيلك مليح ممكن تضيفي للخليط شوية ماء دافي بصح بالاك تجريها
ومع الممارسة تولي تعرفي القوام المانسب للخليط وتعرفي كيفاش تمشيها بسرعة فوق النار
وفي الاخير ليكم الاختيار كيفاش تسقوه كل واحد وذوقو
واي استفسار انا في الخدمة