واش رايك؟؟

ههههههههههه بصراحة راني لاعلاقة بهاذ لحوايج

جامي دخلت فهاد المواضيع ولا حكيت فيهم

ولهذا معنديش راي 

في انتظار البقية

شكرا كوكي يعني حيادية تماما هههههه
نشوفو البقية هاي وحدة ماطلت علينا

ماعندي حتى فكرة عليهم مي نسمع يقولو تع الربا و حرام و منا والله اعلم هي صح كيفاش تسجلي و دسري عفايس يجوك دراهم 
يخي اليهود هدا وش حبو يعلمو لعرب

شوفي انا ماكنتش نعرفهم مليح هاذو الشركات و جامي قريت عليهم أو بحثت فيهم

لكن مؤخرا خويا حكاولو عليها و حاب يدخل مع شركة فوريفر 

مالا سقسا عليها ملييح و سقسا حتى شيوخ كبار على الحكم الشرعي

أمينة نفهّمك في حاجة :

كي ادّخلي معاك واحد يخدم و تدّي عليه صوارد فسروه بلّي راكي ديتي عليه أجر

كيما حديث النبيّ عليه الصلاة و السلام (فيما معناه):

 كي تهدي إنسان إلى الصلاة مثلا و هو بدورو يهدي إنسان آخر و يعود يصلّي

 راكي تدّي الأجرين.على خاطر الفضل يرجع ليك نتي بالدرجة الأولى 

و حاجة أخرى: هذاك المال لي تديه على الإنسان لي دخلتيه معاك منين يجي؟؟ 

هاذي الشركات ماتعملش إعلانات يعني الموزعين همّا لي يديرو إعلانات بأنفسهم

و المنتوجات تجي من الشركة إلى يد المستهلك مباشرة عن طريق هذا الموزّع

يعني الصوارد لي نورمالمون تروح فالترونسبور و من الشركة إلى الموّزع بالجملة 

و من الموزع بالجملة إلى الحانوت و من الحانوت إلى المستهلك 

همّا اختصروهم و يمدّوهم مباشرة للموزّع حق ما جاب يد عاملة للشركة و هكذا....


أنا اقتنعت بالتفسير هذا و زيد المنتوجات مجرّبين ملاااح يااااسر و فعّالين 

و كلش طبيعي في طبيعي

و أنا بربي ان شاء الله راح ندخل مع شركة فوريفر ربي يقدّرني و يعينيّ برك


هذا رايي ان شاء الله نكون على صواب

شكرا على ارائكم يا بنات
صح وش قلتي اسما
وهدي بعد تاع حلال وحرام
الناس تحكم عليها على التسويق الشبكي بصفحة عامة مايحوسوش يفهمو على كل شركة سيستام تاعها كيفاه
1 كيما قلتي لي تمدهولك الشركة راهو تعبك جهدك لانو بعتيلها الحجات وكانك تعمليلها اشهار لمنتجاتها لانها تخلات على الطريقة الكلاسيكية لي شرحتيها

2 الربح لي ندوه على كل واحد فينا لانو انت تتعبي معاه راكي تفهمي فيه وتسجليه وكل مرة مايفهمش حاجة يرجعلك وتبعيه وتوريلو ولا ماقعدش انت تروحي تجبيلو سلعتو

وبالنسبة لحلال والحرام والله كل منا يعرف هدا حاجة باينة
تعبتي وشقيتي على حاجة = حلال
ماتعبتيش وجاتك بالساهل = حرام



نسناو البقية

السلا عليكم واش حوالك شهرة لاباس

انا نسمع بيه و شفت عليه ياسر اعلانات خاصة في الفايس بوك لكن بصراحة ما جربت ما حاولت نفهم عليه ولا نحوس نفهم

و بغض النظر عن حلال او حرام الناس ضرك راهي تتماشى و التكنولوجيا يجي نهار و يولوا كامل يتعاملوا بيه

حتى انا خاطيني ماعندي حتى علاقة بيهم

 

انا مدام نص يقول حلال و الاخر يقول حرام كيما يقول حديث الرسول صلى الله عليه و سلم ابتعدوا عن الشبهات 
كنت راح ندخل في اوريفلام لكن نبتعد خير لي و الله الرزاق

والله حتى انا لاعلاقة بيهم ومانفهمش فيهم اصلا
المهم ربي يوفق كل واحد يخدم معاهم ويبعدو على الحرام