الى زوجي المستقبلي ...

ههههههههههههه مليحة فيه زيدي اقطعيلو نفس واتهناي من جدو

انا كرهت الفايسبوك راني دايرتو باش نقرعج برك على بوليتيك ونكرهووووووووووو ونكره لي يحبو خخخخخخخخخخخ

هههههههههه أنا قلتهالو ديجا 

شوفي أمينة المشكل ماشو فالفايسبوك بل المشكل فالإنسان في حدّ ذاته

كي يعود واحد خبيث أو حلاّب كيما نقولو بالعامية تاع درك 

و الله حتى كون ماعندوش كونت فايسبوك مي مايراطيش يا تيليفون يا برّا يا فالخدمة 

و إذا كان إنسان محترم و يحب مرتو صح و متربّي راهو وحدو مايديرش حاجة تغضّبها و تغضّب ربي

أنا ماسمعتش بوحدة تدمّرت حياتها الزوجية بسبب الفايسبوك 

الفايسبوك وسيلة كيما السكايب كيما التيليفون .... الخ يعني قادر يحكي مع البنات عن طريق الهاتف و يعمل رايو

هذا رايي و هذه نظرتي 

شكرا على الطرح امينة

موضوع مليح

أنا بصراحة ضد الفايسبوك خلاه خاطر مش الناس كل يقدرو يتحكمو في رواحهم

وزيد الفايسبوك مش كيما السكايب والبورطابل.. أني ضدك عينيا هههههههههههههه

أنا معنديش فايسبوك والميسيو تاعي معندوش كونيكسيون خلاه وماهوش من النوع لي فارغ شغل وميحبش هاذ لحوايج خلاه

يعني من هاذ الناحية راني متهنيا ربي يدومها برك

وكاين ناس ياسر صاريتلهم مشاكل بسبب الفايسبوك فيه غير قالي قتلك 

ومعضم الناس ضرك مدمنين عليه لدرجة لا تصدق

يحلو عينيهم من النوم يشعلو الميكرو ويحلو الفايس قبل ميغسلو وجوهم حتى

وقليييييييل لي عندو فايس وفيه دي زامي قلال 

والله داخلين عليها معزة وعتروس يحكيو كلش ربي يهديهم برك

المهم لي داروه ناواياهم مستحيل تكون مليحة

شفتيو أردوغان تاع تركيا أو منع الفايس وتويتر وقالهم طز فالغاشي كل

شكرا امينة جزيلا انا جامي سقسيت خطيبي لا عندو فايسبوك على خاطرش على العام في التيليفون معايا لكن نعرف وحدة صحبتي خيرت حبيبها بينها و بين الفايسبوك لكن لم يبالي بها لانه اصبح مدمن فايسبوك كاين اللي الفايسبوك دمر حياتهم خاصة الزوجية يجيب البلاوي نعرف نماذج حقيقية لكن عن نفسي لا اترك الفايسبوك يخرب علاقتي الزوجية سيرتو اذا كنت عندو في دارو مي مخطوبة و نقولو فاصي فايسبوكو ما يحبش اعيد النظر من الاول في الزيجة ايييييييييييييييييه امينة و الله فكرتيني نغدا نسقسي المسيو لا عندو فايسبوك ليوم نحيلو عققلو و اذا شميت في هدرتو شوية كذب يا ويلو مني ديجا راني على سبة باغية غير نلصق

هههههه شتو بلي الفايسبوك ولا ظاهرة متفشية في الاونة الاخيرة ولاو كبار فالربعينات بالفايسبوك
ويتمسخرو يديرو رواحهم ضغار ربي يهديهم 
اما عنك عروسة الجزائر لالالالالالالا ادا داربتو ماشي بسبتي ياااك بركاي ماديري للسيد فالسبايب مسكين 
يعني ادا نحيتيلو الفايس يقولك نحي المنتدى يعمرولك راسك خخخخخخ


شكرا لبنات عالمشاركة

الحمد لله انا ماعندي فايسبوك والميسيو ماعندو
يعني مهنية من هاذي الجيهة