هل اسامح من خانني مرتين متتاليتين

مرحبا سبق و ان تعارفنا يا بنات انا دنيا من قسنطينة و عمري 20 سنة
خطبني واحد وعشنا نورمال و حبيتو و حبني بصح بدا يتبدل عليا و شكيت فيه بلي بدا يكرهني درت اكونت فالفايسبوك باسم طفلة اخرى طبعا تعارفنا و مبعد قلتلو بدت نحبك قالي انا تاني ما تصدقوش يا لبنات كيفاه نزلت عليا هذيك اللحظة كالصاعقة مبعد كشفت روحي و قلتلو صار هكا يا واحد الخاين و قلتلو ماكش راجل طبعا هو طلب مني السماح و كي محبيتش بقا يلوم فيا كي قلتلو ماكش راجل و زدت حبيت نتاستيه و درت فايسبوك واحد اخر و صرات كيما المرة الاولى    " longdesc="27" /> هل هذا معقول 
ارجووووكم ساعدوني او قاعد يبعثلي في صحابو باه يطلب مني السماح نسامحوا ولا لالا  " longdesc="19" />

و عليم السلام دندونة اسمحيلي بلا نون قاسية في لامي مي نقولك اذا انت تحبيه صح صح ما تشكيش فيه و انا عارفة هذا من باب الغيرة بصح كي درتي كيما هاك واش استفدتي غير المشاكل ليك و ليه و الشيء الثاني قلتي جربتيه المرة الاولى علاش عودتيها؟ غلطتي بزاف كي تحبي يا صديقتيثقي ب اللي تحبيه و ثقي بنفسك و بربي اولا صفي نيتك معاه و اذا خدعك راه ربي يشوف اما اذا ما تكلمنا عن خطيبك هذا اولا الفايسبوك هو سبب المشاكل من الافضل ان لا تتواصلا فيه هكذا تتهناي و ماتبقايش تراقبي فيه و ثاني تصرفه ما يبشرش بالخير سيرتو كي عاوددها المرة الثانية لكن الحاجة اللي مافهمتهاش قلتي خطبني كيفاش يزيفطلك اصدقاءه و ما يزيفطلكش اهله مثلا لكي يراضيك؟؟الحب و الزواج يا غلية بعيدة جدا عن هذه التصرفات المراهقة على كل حال اجلسي و فكري مليا قبل ان تصالحيه و صلي صلاة الاستخارة و اذا كنت تدرسين فاهتمي بدراستك هي الاولى و ان شاء الله نسمع اخبار سارة عنك و بالتوفيق

شكرا يا عروسة الجزائر صح كنتي قاسية شوية في كلامك بصح عندك لحق

نتي لي جبتي لروحك المشاكل مدام خطبك يعني خيرك من قاع الناس وجا لداركم اما الفايسبوك لوكان تعانديه يما رايحة تخسري احباب واصحاب ووو باسك الرجال قاع يحبو يتمسخرو ببنات الناس كيما هو جربتيه ممكن كان يتمسخر برك مي كنتي نتي هي الصح لكن لوكان تبقاي جربي عندك ماراح تزيدي تتعذبي قدما تقولي راجل ملايكة جامي تلقايه كيما تخيلتيه امالا نقلك اخطيك من لعب الاطفال هذا رايحة تندمي

أختي ياخي قلتي قبل بلي راح وخلاك وقالك عقليتك صامتة

كيفاه ضرك قلتي أو هو خانك وحاب يرضيك؟؟؟

من فضلك أختي أحكيلنا الحكاية مليح وبصراحة وكيما فالواقع باه نقدرو نعاونوك صح

وننصحك نصيحة تفيدك عمرك كامل الثقة راهي أهم شيء فالعلاقة

يعني كي تروح الثقة بين 2 كيفاه راح يقدرو يكملو مع بعضهم؟؟؟

أصلا مفهمتش هو خطبك صح والله ناوي يخطبك فالمستقبل؟

يعني جاو الأهل تاعو لداركم ولا لا؟؟؟؟

نتمنى تتحل مشاكلك في أقرب وقت

كوكي نظن هذا المضووع الاول ديالها قبل لخرين

آآآآآآآآآ معباليش نحسب لخرين قبل هذا

معليش في انتظار توضيح أكثر من الأخت دندونة