للامانة الوصفة منقولة من منتدى اخر والله غير جربتها و جات هايلة صح ربي يجازي مولاتها
المداق دك نقلكم شتو ماشطو سوتي يشبه لهداك الدوق
اليكن الوصفة
شكشوكة بقشور الجلبانة
هادوما 2 طرق تاع يما الله يرحمها
المقادير
قشور جلبانة + بصل مقطع رقيق + معدنوس + بيض + فلفل + ملح
لطريقة
1.نقي الغلاف الدخلاني للقشرة بهاد الطريقة
يعني تلقاو قشرة اخرى بيضاء اجي نحوها
2.أغسليها مليح و فوريها بالملح
3.قلي البصل في شوية زيت زيديلو الملح الفلفل و كي يتقلى زديلو القشرة المفورة
4.قليها واحد الربع ساعة و زديلها المعدنوس مقطع رقيق
5.كسري عليها حبات بيض و زينيها بالقارص و المعدنوس و قدميها ( و البنة مانقولكش جي هايلة، جربي و قوليلي)
لطريقة الثانية
المقادير
قشور جلبانة + ثوم مرابي+ حبة طوماطيش مرابية+ مغيرفة صغيرة تومات كونسونتري + شوية قصبر + بيض + فلفل + كمون+ ملح
الطريقة
1.نقي الغلاف الدخلاني للقشرة ، أغسليها مليح و فوريها بالملح
2.قلي الثوم في شوية زيت الزيتون زيديلو الملح، الفلفل و الكمون و كي يتقلى زديلو القشرة المفورة
3.قليها شويا و زديلها الطوماطيش و القصبر مقطع رقيق و زيدي قليها واحد الربع ساعة
4.كسري عليها حبات بيض و زينيها بالقارص و القصبر و قدميها
الطريقة التانية ماجربتهاش
