السلام عليكم
[ندعوك للتسجيل في المنتدى أو التعريف بنفسك لمعاينة هذه الصورة]لتحضير هاد لاموس رايحين نديرو 4 خلطات
نحتاجو 2 حبات بيض
نفصلو الصفار عن البياض
الخليط الاول
نضربو الصفار مع 2 م ك سكر قلاص ورشة فاني حتى يبياض الخليط
الخليط الثاني
طلعي البياض مع رشة ملح حتى يولي مورانغ وزيديلو 2 م ك سكر قلاص وضربي
الخليط الثالث
طلعي 100 غ شونتيي مع كاس حليت صغير باش تجي خاثرة
انا الحليب مانكيلش ندير عيني ميزاني
الخليط الرابع
ارحي 100 غ فراز مع 2 م ك سكر قلاص ممكن تزيدي او تنقصي حسب الذوق
[ندعوك للتسجيل في المنتدى أو التعريف بنفسك لمعاينة هذه الصورة]الان نحكمو خليط الصفار ونضيفولو مرة خليط الفراز اللي خدمناه مرة المورانغ مرة الشونتي ونخلط بسباتيلا من تحت لفوق حتى نكمل كامل الكمية
في كيسان التقديم ديري شوية فراز مقطعة قطع صغيرة
ومنبعد عمري لاموس تاعك وزيني حسب الرغبة
وهاذي هي النتيجةذ
[ندعوك للتسجيل في المنتدى أو التعريف بنفسك لمعاينة هذه الصورة]انا هذا النوع من لي موس نغطيه بورق شفاف ونخليه من الاحسن يبات باش يجي بنين
كل مايطول يجي خير