السلام عليكم
[ندعوك للتسجيل في المنتدى أو التعريف بنفسك لمعاينة هذه الصورة]هاذي التحلية من اروع مايكون
مانقدرش نوصفلكم بنتها لازم تجربوها وتذوقو بأنفسكم
نحتاج ل
كمية من biscuit boudoir
2 علب ياوورت ذوق فراولة
4 م ك شونتيي غبرة
كمية من الفراولة
شراب الفراولة: 100 غ فراولة + 1 م ك سكر قلاص
نطلع الشونتيي مع كمية من الحليب البارد جدا
نضيفلها 2 علب ياوورت فراز ونخلط من تحت لفوق
مكلاه تضيفي السكر لانو الياوورت حلو
بصح اذا تحبي الحلو ممكن تضيفي نصف ملعقة كبيرة سكر قلاص
انا نحب الحلو زدت شوية سكر قلاص غير على راس المغرف زدتها للشونتيي قبل مانطلعها
من جهة اخرى ندير 100 غ فراز مع 1 م ك سكر قلاص في الميكسور نتحصلو على شراب الفراولة
نجيب الكؤوس نتاوعي
نحط كمية قليلة من الكريمة في اسفل الكيسان
ثم نحط البودوار في شراب الفراولة ونخليه يتشرب ويطرا شوية ونستفو فوق الكريمة
نعاود نحط طبقة اخرى من الكريمة ثم فوقها فراز مقطع قطع صغيرة ثم طبقة اخرى من البودوار المشرب واخيرا طبقة من الكريمة
نغطي الاكواب بورق شفاف ونحطهم في الثلاجة من 3 الى 4 ساعات
وعند التقديم نزين حسب الرغبة
[ندعوك للتسجيل في المنتدى أو التعريف بنفسك لمعاينة هذه الصورة]هو من الاحسن تخليه في الثلاجة 24 ساعة
ذقتو في الحالتين بعد 4 ساعات مليح بصح كي زاد بات وعاودت ذقتو من غدوا هذاك ولى خير يزيد يتنكه اكثر