حضرت جينواز خفيفة عاللي نديرها
شربتها مليييييييييييييييييييييييييح
و درت كريمة القارص ما بين الطبقات
و للتلاجة جات هبال
[ندعوك للتسجيل في المنتدى أو التعريف بنفسك لمعاينة هذه الصورة]الوصفة
شكرا
الوصفة كالتالي
الجينواز
5حبات بيض كبار نفصلو الصفار عن البياض
فال5 بياض نضع ملح و فانيلا دوق ليمون او اللي عندك ونطلعوه بالباتوغ مليح ثم نديرو 90 غ سكر و بالتدريج مورانغ و نخلوه على جنب
فال5 صفار فانيلا نطلعوها ب 3 م كبار ماء ساخن و نطلعوه مليييييييح ب 90 غ سكر
تم نضفو للصفار خليط تع(180غ فرينة مع 1/2 باكي لالوفوغ )مغربلين بالتناوب مع البياض يعني مرة بياض مرة فرينة
نخلطو مالتحت للفوق وللفرن
[ندعوك للتسجيل في المنتدى أو التعريف بنفسك لمعاينة هذه الصورة]نقسموها على 3 طبقات و نضعها على جنب
نوجدو الشاربات ب 3كيسان ماء و كاس سكر عالنار حتى يعقد كي يعقد لازم يبرد و نضيفولو عصير قارص ونشربو بيه الطبقات من الجهتين مليييييييييح
و طبقة من كريمة الليمون
كريمة هي
250 زبدة دايبة
3 حبات بيض نضربوهم مع 200 سكر و 3 مغارف كبار مايزينة و عصير القارص قد ماحبيتو 5 حبات هكاك ادا تحبة زاست القارص + الزبدة المدابة و نرجعة للنار
حتى تعقد مع التحريك نخلوها تبرد
وبس
بصحتكم
[ندعوك للتسجيل في المنتدى أو التعريف بنفسك لمعاينة هذه الصورة]مالتحت
[ندعوك للتسجيل في المنتدى أو التعريف بنفسك لمعاينة هذه الصورة]و ممكن نصنع لي كوب
[ندعوك للتسجيل في المنتدى أو التعريف بنفسك لمعاينة هذه الصورة]
