شكـــــووووووون اللي تواسيني و تحس بيـــــا

الليلة هاذي ليلة الدخلة للشخص اللي حبيتو هذا زمان ......
ماكتبهاش ربي بيناتنا مي الحرقة في قلبي قاتلتني و الدموع ماقدرتش نحكم فيهم بزاااف تعلقت بيه و اليوم هو راهو عايش أجمل ليلة في حياتو مع اللي راح تكون مرتو تاعو و بسمو و أم ولادو و أنا رايحة نبقى هكذا نتعذب حتى بالاك ربي يكتبلي شخص آخر نكون حلالو و يقدر ينسيني فيه ........
راكم حاسين واش معناها حبيب بلاصتو محفورة فالقلب بيناتنا حكايات ضحك و زعاف و حنين و شوق عشناهم من بعيد لبعيد من اليوم هو تاع مرا أخرى ، من اليوم كاينة شكون اللي تشاركو حياتو و يتوسدو مخدة وحدة و يحكيو و يضحكو و يلعبو و ...........
آآآآآآآآآآآآآآآآآآآآآآآآآآه تبا لتعاستي الأبدية و مليون تبّ لهذا القلب المحرووووووووووووق
مالقيت واش نعمل ومابقاتلي ضحكة و مابقاتلي ونسة و مابقاتلي حكايات كل شي سااااااااامطلي ... أأأأأأأأأأأأأأأأأأأأأأأأوووووووووووووووففففف

" longdesc="27" />   " longdesc="18" /> 

   قطعتيلي قلبي أميرة والله راني حاسة بيك

أصبري برك حنونتي فكري في اي حاجة أخرى حاولي تنسايه وبرك

ربي مش مكتبهولك وإن شاء الله ربي ميخيبكش ويكتبلك ما خير منو

عسى أن تكرهوا شيئا وهو خير لكم وعسى أن تحبوا شيئا وهو شر لكم

متبقايش تفكري في كل دقيقة واش قاعد يدير وواش راح يعيش مع مرتو وووو........

ربي يسهل عليه ويهنيه وبرك

ربي يصبرك أختي وتعيشي متبكيش برك ماهيش راح تفض الدنيا اليوم

إن شاء الله تلقاي راجل تعيشي معاه أيامات خير من لي عشتيهم مع هذا وتنساي كلش عدا عليك

لاحول ولا قوة الا بالله
والله ياختي راني حاسة بيك
ربي يصبرك
ماهوش من مكتوبك عسى ان تكرهوا شيئا وهو خير لكم بالاك ربي سبحانو شافلك فيها الخير انو مايكونش من نصيبك
ادعي دايما في صلاتك باش ربي يخرج حبو من قلبك وينسيك فيه وان شاء الله ربي يعوضك باحسن منو اللي يحبك ويعوضك على كامل هذا الحزن اللي راكي فيه وينسيك فيه

بالاك انا اكثر وحدة نحس بيك
مشي نفس الوضع حكاية مختلفة بصح انا ثاني قلبي راهو محروووووق وراني نموت في اليوم ميات موتة 
ربي يفرج علينا كامل

بكيتيني والله

أميرة أختي و الله راني حاسة بييك يااااسر و موقف صعيب صح

لكن حياتك قبل كلش 

ننصحك ديما خلّي إيمانك بربي قاوي و ديما تأكدي بلّي ربي يحبك 

و راح يعوّضك أحسن و أحسن منو ان شاء الله 

نعرف يااااسر صراتلهم كيما حكايتك و تزوزو و راهم هانيين في ديارهم 

و الله يجي النهار لي تفرحي و تضحكي و تنساااااي اللي فات كامل مدّة و تفوت ان شاء الله 

كيما قالتلك كوكي حاولي تنسااااي بأي طريقة 

و ربي معاك و حنا ثاني راني معاك

يا اختي اللي بدلك بالفول بدليه بقشوره
مدام ربي مكتبوش امالا هذا مايصلحلكش الحياة تعيشيها غير خطرة برك ماتتعاودش راني حاسة بيك يا اختي وربي يكون معاك 
والحاجة اللي كتبها ربي فيها الخير استغفري وصلي وقراي القران ربي ينسيك فيه

ماعليش العيب خرج منو و عسى ان تكرهو شيئا و هو خير لكم
صح تتالمي بصح اايام كفيلة باش تنساي الماضي و باش تبداي صفحة جديدة
و نسال الله ان يعوظك خيراااا