شــات 2014 !!~ لن اتخلى عنكــ حبيبي،،،♥ جَـرِيمَتِـي / حُبُّـك

salam عليكم صافا 
صحا عزيزة وش راكي ربي ينجحك ان شاااء الله واش خدمتي شوية ف لي كومبو
انا مور العطلة نبداو ببببف عطلة بلا عطلة يعيو ربي يقدرنا واخلاص
البقية صافا شوية 

حقا تعرفو فلم switchers فيلو روعة و بقتل بالضحك مع جويدة خخخ ابا شوفوه وقولولي 

كوكي وش راكي توحشناك وش راكي ديري من غير لقعاد راكي اطيبي ولا لالا؟؟؟؟؟؟؟
سمسومة هاجر اميرة  صافا

سلام البنات 

واش راكم لاباس شوية ؟؟ مع البرد صافا ؟؟ 

أمينة ربي ينجحك أو كلش يعدّي ان شاااء الله 

أمينة باين مليح الفيلم بربي غدوا نتفرجو درك ماعنديش الوقت

سلاااام
اسمحولي  مادخلتش

اني شايفة بلي اجماع على افكاري مام انا هدي فكرتي لكن حبيت نحكي كل الجوانب يعني مانحكيش غير واش نشوف انا صح فهمتوني

عجبتيني كوكي قلتي نلومك درتي معاه والله تموتي بالضحك صح قادر يكون شافني مع الاول خفيفة بصح  منين شاف صحبتي تشوكاتلو هكاك في وجهو وقاتلي وش هدا فهمها بلي مانيش من نوع لي يظل يدور 
ومانيش نبرر هي صح غلطت بصح في البحر هههههههههههههه مانعرف كيفاه جاتني الجراة  ونص ساعة برك ماهيش نهار يعني ماحكينا ماعندو مايقرا فيا ولا يفهم ناقص
وعلى البعد نورمال بالعكس انا باغية نبعد 

وكي على يومين يقول نحبك هههه هديك هي حبستلي راسي فيلم هندي زعما خصنا غير القطار ههههه هو مكانش بعيد علينا من تم كون تورنيناه وتهنينا

امينة كي يكتب ربي نتلاقاو والله نجي على حاجة محددة ونرجع مباشرة ماشي ندور في خروبة الكار والدار هههههه 
ندور شوية في ساحة الشهداء

المهم عليه مانيش نحكي معاه بزاف وماتخافوش ماراحش نتعلق بيه يعني حتى وماكتبش ربي نورمال 
شفتو ماراح ندير فيها والو صليت استخارة راح نخليها على ربي كيما جات تجي لن احرك ساكنا  نفوت نخمم في هد الحكاية راسي يدور نرجع الى عادتي القديمة احسن ضاربة زواج بكوتبي وعايشة حياتي هكاك راح ندير
لي كتبهولي ربي يصرا يصرا سوا درت حاجة والا مادرتهاش

سلام بنات وشراكم

شهرة ربي يجيبلك اللي فيه الخير
خليها على ربي سبحانو وماتخافيش مدام درتي استخارة

هههههههههههههه شهرة قتلتيني ضحك

صح خليها على ربي بصح متضربيش الزواج بكوتبي خليه في بالك أطفلة

أمينة أنا راني مع الخياطة لا طياب لا والو

عزيزة أختي ربي يعينك ويوفقك أقراي برك ومتقلقيش روحك مزال في يدك الوقت

كاين شوية تطورات حبيت نخبركم هههههههه
كي تكمل الحكاية نحوس مخرجة ومنتجة كل وحدة منكم تحكم خدمة ههههههه
والله ماتعرفي هد الحاجة تخليك مهمومة والا تضحكي  المهم انا راهم في زوج مع بعض وربي يجيب الخير

اسما كون عليا خلاوني والله مانزيد نخمم فيه
دارنا لي راهم عقابي يما كل يوم وكل دقيقة وهي تشكرلي في الاستاذ وخاصة من يومين راحت لزوجة عمي وشكرتهولها راهي كل دقيقة تتفكر حاجة تجي تقلي حقا راي قاتلي هك حقا قالت هكا  صباح ربي تخيلو جاتني تقلي اني تفكرت اسمو ههههههههههههههههههههههه

وزيد كل مرة تقلي انا مابغيتش براني وبعيد مانعرفوش وش يصرا وماعمبالنا بعد زواج كيفاه يتبدل وراكم تعرفو 

هوما عمرهم ماقالولي اقبلي بهدا وماتقبليش بهدا بصح من هدرتها وتعليقاتها باينة

وعمرها ماتحكم حاجة في قلبها لبارح وصلت لحكاية لبابا قاتلو هاو وش كان وهاي لحكاية قالها كون يجيو نمدها علاه ماهيش قابلة
تقلي بابا مادي همكم لبنات كثر من لولاد عمبالي تقصدني انا لانو نبانلهم كبرت بزااااف لانو في عائلتنا 17 .18 يزوجو جدهم هههههههههههههههههه



ايه وقتلكم خلاص مانزيدش نحكي معاه اليوم عيط سقسا على الاحوال كالعادة وقالي وش بيك كاش ماخصك كاش مكان تحبي نعاونك قوليلي وش خص نعاونك قتلو مكان والو قال لا كاينة حاجة قتلو الحكاية وباختصار 
قعد يندب على راسي انت قابلة؟ كيفاه تتزوجي واحد ماتحبيهش وانا كيفاه حبتيني نكون كيفاه ناكل ونشرب كيفاه نعيش  والفلسفة لي تلحقها قتلو عادي ايام وتكون مليح
المهم تقلق خليتو هكا بدا يقول خلاص تقودت انا راسي راح فيها كوبيت عليه خفت يبدا يكفر والا حاجة 

خلااااص
شحال رقم هد الجزء؟ لمتتبعي الفيلم هههههههههههههه 
ياربيييي
زعما قررت اليوم نقلها قوليلهم يجيو وخلاص
بصح نخاف نكسر قلب واحد والله نحس بتانيب الضمير ديجا قبل واحد يموت عليا هداك عمبالي بيه كون نقلو موت يموت بصح شخصيتو ضعيفة وماعجبنيييييش هو كان صديق فقط عليها نعرف شخصيتو باه مايروحش فكركم لبعيد وكي نتفكرو نقول ربي راح يعذبني على جال قلبو لي جرحتهولو
هام راح يوليو زوج
زعما نتهنى من بعد في حياتي نورمال؟؟؟

سلام بنات وشراكم

شهرة حكايتك رايحة تولي صح مسلسل ههههههه
شوفي انا ننصحك ديري خطوة للامام ماتبقايش معلقة روحك
قلهم يجو يتقدمو وخلاص
قصدي هذا اللي قاتلك عليه عمتك
شوفي بالاك يعجبك وترتاحيلو
وربي يجيب اللي فيه الخير

كوكيتا توحشتك شتي الخياطو العام ليفات ماما هبلتني بيها مي انا خاطيني نكرررهها 
ربي يعاونك 
و الله يا شهرة ههههه
شوفي اختي شهرة نتي قلتي

شكرا حبيباتي ربي يخليكم

امينة لي قلت شخصيتو هداك واحد اخر خلاص ماقرتيش مليح برك

المهم اخر الاخبار راني قلت لعمتي اوك قوليلهم يجيو ونحكي معاه ونشوفو واش يكون

خلاااااص الجديد راني نقولهولكم ان شاء الله

أيا الحمد لله علييك شهرة كي رضيتي و قبلتي تشوفيه 

ربي يسهللك أمورك ان شاااء الله 

راني مزروبة رايحة نقرا الخياطة 

سلاااام بنات شراكم

واخيييرا شهرة اتخذتي القرار
ربي يجيبلك اللي فيه الخير

صباح النور 

وينكم يا الخاواا ؟؟؟ 

هاذي غيبة ؟؟ لا حس لا خبر ؟؟ 

حنا مع البرد و الأمطار 

لي تقدر تتصل بسارة تعيطلها و الله توحشتها كل يوم ندخل نقول بالاك نلقاها جات

صباح الخير لبنات كااامل توحشتكم بزااف ما دخلتش بسبّة الكونكسيون
المهم ان شاء الله تكونو بخير و بصحة و عافية
شهرة قريت المسلسل تاعك هههههه يبان حكايات ألف ليلة و ليلة
أنا عجبتيني كي قبلتي يجي يشوفك المهم هاذي أول خطوة و الباقي يسهل ربي ان شاء الله
هاذي هي حياة الطفلة لازم يجيو يشوفوها و هي تشوف و تقرّر
ربي يسهللك ان شاء الله و يقدم اللي فيه الخير

أنا جا السيد شفني و شفتو
يخدم مراقب عام فالليسي سقسا بابا مليح عليه و شكرولو العريس
مي قالولو بلي ماليه ناس صعاب و متشددين بزاف
هو قال بلي رايح يمدولو سكنى كي يتزوج يعني نسكن وحدي
قال بلي الليامات اللولين يكري حتى يكملو الإجراءات تاع السكن الوظيفي
والله راني محتارة بزاف كي قالو بلي ماليه صعاب و خفت يديرولي مشاكل في حياتي

السلام عليكم
وشراكم بنات

اميرة شوفي مدام ماكيش رايحة تسكني معاهم ماتخافيش
راهم خاطيينك وان شاء الله مايكون حتى مشكل معاهم
المهم العريس ياك عجبك وارتحتيلو؟
ربي يجيبلك اللي فيه الخير

أميرة صلّي صلاة الاستخارة و عاودي 

و ربي هو يسهللك الأمور 

لاكان فيه خير ليك راهو يكتبو ربي ان شااء الله 


البرد قاااااااااااارص 

سلام بنات

واش راكم؟؟ واش مدايرين مع البرد؟؟؟

أنا عادي هاذ المدة شوية مش قاعدة عندي قضيات وزيد الخياطة 

وزيد نخيط بيدي مزال معنديش ماشينة والله تحكم اليد يااااااسر

شهرة هههههههههههههههه المسلسل تيعك وحدو خلالالالالالالالالاه

بصح درتي مليح كي قلتي لعمتك يجيو والله تاع وهران مش عاجبني

وزيد معندك وعلاه يأنبك ضميرك واحد هدرتي معاه 3 مرات صايي معادش قادر يعيش بلا بيك؟؟؟؟

والله متدخل العقل صح ولا غالطة؟؟؟

إن شاء الله لي فيها خير ربي يديرها

أهلااااااااااا بالسيدة نهال و الله زارتنا باراكة 

ربي يقدّرك أختي على الأولاد صح ماشي ساهلة التوام سقسي المجرّب 

أمي مسكينة كانت الرقاد قريب ماتعرفوش يقولولها نتي مجاهدة 

ايه عليها الجنة تحت أقدام الأمهات و لا تحسابيها هدرة برك ؟؟ هههههههههههه

و الله ما عندي حتى جديد من غير أني تخرّجت و الحمد لله تهنيت مالقرايا 

و درك راني مبرونشيا مع الخياطة خلي كشما نعود خياطة المنتدى أنا و كوكي 


و البنات كيما قريتي كل وحدة لاتية في روحها و مع الجديد تيعها 

ربي يهنينا أجمعين 

أحكيلنا نتي شوية توحشناك و توحشنا حكاياتك و ضحكاتك

سلاااااام بنات وشراكم

نهااااااااال اهلا عاش من شافك
يا الستوتة ماطلي علينا ماتقولي نشوف صحاباتي تاع المنتدى
عندي قرن ملي بعثتلك رسالة مارديتيش عليا
احكيلنا كيفاش راكي مع حياتك الجديدة
الزواج مليح ولا غير نقعدو عازبات خير هههههههه

ايه انا تخطبت وبالاك السمانة الجاية ان شاء الله الخاتم
الامور راهي متعسرة شوية مي الحمد لله على كل حال

semsouma d'or كتب:

أهلااااااااااا بالسيدة نهال و الله زارتنا باراكة 

ربي يقدّرك أختي على الأولاد صح ماشي ساهلة التوام سقسي المجرّب 

أمي مسكينة كانت الرقاد قريب ماتعرفوش يقولولها نتي مجاهدة 

ايه عليها الجنة تحت أقدام الأمهات و لا تحسابيها هدرة برك ؟؟ هههههههههههه

و الله ما عندي حتى جديد من غير أني تخرّجت و الحمد لله تهنيت مالقرايا 

و درك راني مبرونشيا مع الخياطة خلي كشما نعود خياطة المنتدى أنا و كوكي 


و البنات كيما قريتي كل وحدة لاتية في روحها و مع الجديد تيعها 

ربي يهنينا أجمعين 

أحكيلنا نتي شوية توحشناك و توحشنا حكاياتك و ضحكاتك

اهلا بيك سمسومة حنونة وشراكي  مرسي ختي والله صح راني في جهاد معاهم  " longdesc="18" /> " longdesc="18" /> " longdesc="18" /> 
وعلى التخرج الف الف مبروك ولعقوبة للخدمة ان شاء الله  وان شاء الله تولي خياطة المنتدى خخخخخخخخخخخخخ انت وكوكي حقا وش حوالها ؟؟
وعلى الوحش والله انا تاني توحشتكم مي الله غالب مانيش نجي ياسر لدارنا وحتى ونجي نجي تعباااااااااااااااانة     نديها غير رقاد في رقاد   وثم ثم نروح ومنطولش في دارنا ففففففففففففففف والله عيت معاهم وانا نربي بزاف يابنتي 
وش نقلك والله انا تاني توحشت القصرات والحكايات ومرات تغيضني روحي نقول كون غير متزوجتش وراني هنا في القصر ندور معاكم خخخخخخخخخخخخخخ

شمعة ضياء كتب:

سلاااااام بنات وشراكم

نهااااااااال اهلا عاش من شافك
يا الستوتة ماطلي علينا ماتقولي نشوف صحاباتي تاع المنتدى
عندي قرن ملي بعثتلك رسالة مارديتيش عليا
احكيلنا كيفاش راكي مع حياتك الجديدة
الزواج مليح ولا غير نقعدو عازبات خير هههههههه

ايه انا تخطبت وبالاك السمانة الجاية ان شاء الله الخاتم
الامور راهي متعسرة شوية مي الحمد لله على كل حال

 يعيشك هجورة والله راكي عارفة مع التربية راني قلتلكم واععععععععععععععععععععععععع 
صح بعثتيلي بصح والله عند بالي رجعتلك سامحيني حنونة 
وش حيلاتي راهي مع التربية وخلاص خخخخخخخ نوض الصباح مع الشغل والتربية حتى نرقد 
 الحمد لله والف مبروووووووووووووووووك على الخطبة  بصح قولي ياك هذاك هو لي كنت تسناي فيه ولا ؟؟ 
واذا كان هو قوليلي كيفاه ولاو قبلو    
التقرعيج مزال فيا خخخخخخخخخخخخخخخخخخخخخ

حقا قولولي واش كاش خبر على سارة ؟؟