كيفاه تعبري على رفضك لشخص حاب يخطبك

سؤال صعيييييييييييييييييييييييب يا أميرة

صدقيني أنا ضرك خايفة غير من هاذ الحاجة أنو يجي يخطبني واحد قبل ميجي الميسيو تيعي

خاطر مش عارفة واش رايحة نلقى سبب مقنع نقولو

أنتي قولي رايك بصراحة الحاجة لي مش عاجبتك فيه قوليها وبربي أهلك يقنعو

أنا ممكن نقول باشع معجبنيش وكون يظهر مليح نقول كي هدرت معاه لقيت عقليتو متوالمنيش

نهدر أي حاجة المهم نرفض وبرك

في انتظار البقية باه يحلى النقاش

لي عودة

بالنسبة لتقدم شاب لبنت بالمواصفات اللي قلتي عليها و هي ترفض نقلك راكي تهدري عليا مي الله غالب انا رفضت 
و بالنسبة لاهلي عادي قلتلهم لالا وخلاص لكن ماما كي ماشافت حتة سبة الحت كتييييرا لكن عيات معايا و حبت تعرف السبب 
مس انا قلتلها لالا واخلاص مالا سكتت 
وعلى كوكي يخااااه و الله صح موقف صعيب ربي يكون معاك 
انا راني براسي و جاتني شوية صعيبة ياوين كون كان موسيو 
ربي يسترنا و يعطذينا على حساب قلبنا 
وان شااااء الله نفرحو بيكم كااااامل

أميرة اعطينا نتي رايك فالموضوع ؟

أميرة صح نتي واش من سبة تخلّيك ترفضي؟؟ 

شوفي الأساسيات فالراجل مادام متربي مصلّي متخلّق يخاف ربي و مثقف وعلاه ترفضي ؟؟؟؟

خلّينا مالهدرة هادي تاع مادخلش لقلبي و ماعجبنيش و ماحبيتوش

نتي كنتي بانية حياتك على راجل و على شكل معيّن لكن ربي مكتّبش 

ماتبقايش تسناي يجيك واحد فوطوكوبي تاع الأوّل 

أنسايه أصلااا هداك و خمّي للبعيد ماتخمّيش في الحب من درك و مانقدرش نعيش معاه

لاكان عندك سبب مقنع قوليه بصح هادي تاع مادخلش لقلبي و ماعجبنيش و ماشو هو لي حلمت به فارس أحلامي غير أنسايها الهدرة هادي

الصح فالتربية و الأخلاق و الصلاة. 

أمّا الحب و المودة يكونو بعد الزواج و الله تتبدلي خلااااه مع العشرة و الولف تعودي تحبيه و تعودي تشوفيه هو أحسن راجل فالدنيا 

و الله راني ننصح فيك من قلبي أوّلا لازمك تعيشي الواقع و ماتعيشيش فالمسلسلات التركية 

تاع لازم يعجبك و قلبك يضرب و تعشقي فيه باه تقبلي بيه. هذي كلها مسلسلات 

على خاطر الحياة الزوجية مباعد ماشي راح تكون غير حب و و و و 

مايبقا غير الأصل و التربية و الصلاح

و زيد والديك ماش راح يرضاولك الهلاك و يعرفو مصلحتك أكثر منك و كون شافو فيه عيب هما الأوّلين مايقبلوش 

و كيما قلتي بفمك راكي 26 سنة ماكانش حاجة حاكمتك على الزواج أداك هو الوقت 

و ماتسنايش كل يوم يجيك واحد كيما هو (على حسب قولك أنا منعرفوش) الرجال تاع الصح قلّااااااااال

خمّي مليح في هدرتي و راني ننصح فيك خاطر شفت ياااسر تجارب تاع ناس من هذا النوع 

و قبل ماتتخدي أي قرار قوليلنا 

و ربي يجيب لي فيه الخييييييييييير

وييييي عندك حق أميرة 

مي أنا هدرتلك هاديك الهدرة باه ماتظلميش نفسك 

و باه البنات الكل يستفادو 

و أحسن حاجة صلّي صلاة الاستخارة 

و لاكان فيه خييير راكي ترتاحي وحدك وحدك

و لاكان ماشو مكتوبش يجيك سبب و تتهناي منو 

ربي يسهلك ان شاء الله

انا ننصحك تصلي صلاة الاستخارة اكثر من مرة وربي يجيبلك اللي فيه الخير

أميرة والله كيما قالولك لبنات صلي استخارة وشوفي 

وزيد جربي أهدري معاه بالاك يعجبك وترتاحيلو

شوفي الطفلة يجيوها يخطبوها يااااااااااااسر بصح مباعد يتقطعو ضربة وحدة

وتولي تقولي واش أداني مقبلتش بيه

سيرتو كي يكون كلش فيه مليح

خمي ملييييييييييييييح قبل متعطيه ردك وإن شاء الله ربي يكتبلك لي فيه خير