موضوع خاص

السلام عليكم 
علئ بالكم لبنات راه عندي 3 اشهر زواج الحمد لله كلشي لباس بيناتنا بصح حاجة وحدة ترددت بزاف فيها باه نقولها بصح مقدرتش راني حابة اي وحدة عندها معلومة تقولها 
هاذ الموضوع ماهوش مخل بالحياءء يعني قادر اي وحدة يحصل معاها 
اسمحولي طولت عليكم 
المهم انا قبل الزواج رحت للطبيبة درت شهادة العزوبة وقاتلي راكي عذرة والحمد لله وقاتلي عندك غشاء نورمال خفيف يعني ساهل 
المهم نهار عرسي رحت لداري وحدي وفي ذيك الليلة ماصرا والو نورمالمو راكم فاهميني يعني ماتفتحتش قالي هاذ الامر يقعد بيناتنا وصح ماقلت لحتئ الواحد من غيركم فالصباح عاودنا رحنا لدار عمتي وقلت كاشي فات نورمال وراحت ماما مرتاحة راكم عارفين الوالدين فهاد الامور فاتت من بعد 17 يوم وقتلو لازم نروح للطبيبة نعرف واش كاين لما كشفت عليا قاتلي مازلتي عذرة وماتنفتحيش لانو الغشاء خفيف مايتقطعش قعدت هكاك شهرين بصح كنت نتوجع كل مرة ..... فهمتوني 
عاودت رجعت ليها قاتلي مازلتي سقسيتها علئ الحمل قاتلي ممكن تحملي نورمال بصح انا راني خايفة 
قولولي كاش معلومة عندكم وواش ندير توسوست ممكن الطبيبة فسرتهالي علئ اساس علمي برك مليت لخطرش مازلت نتوجع 
اسمحولي طولت بزاف

ممممم خليدة هذا وين تحكي ؟؟؟ ههههه ماتخافيش ماشي حاجة تخلع

سمعت بياسر صراتلهم هك على خاطر الغشاء تيعهم خفيف و مطاطي و مام تكوني تحليتي مي قادرة ترجعي تتقفلي 

و على الحمل كيما قاتلك تقدري نورمال تحملي المهم هذاك السائل يفوت ........

و على حساب علمي تبقاي هكا حتى كي تولدي بإذن الله تتحلّي مليح و تعودي ماتتوجعيش 

نعرف وحدة نفس الخالة تيعك مي نسيتها شكون هي هههههههههههه عندي خلل فالذاكرة 

المهمّ هذي المعلومة فاتت عليّا و ان شاء الله نكون أفدتك و لو بالقليل 

و زيدي سقسي وحدة متزوجة ماتبقايش مخبية الحكاية على الأقل احكي لأختك أو أقرب انسانة ليك 

بالاك هي تلقالك الحل.

ربي يسهللك خليدة و ربي يهنيك ان شاااء الله

خليدة بلاكي راكي مربوطة ياك فهمتيني حاولي حلي الرباط و احكي لطبيبة و لكن عادي تقدري تحملي لكن نصيحة مني لي الرباط بخيط النيرة بزاف بنات كيفك صراولهم هكذا

مرسي سمسومة والله هاد الحالة راهي مخوفتني علئ هاذا اللي ماهدرتش هادا وين هههههه وماقدرتش نحكي لدارنا خفت الهدرة تمشي وكاين ناس مايحبوش الخير وماما تقتلني تقولي هادا وين 
عروسة الجزائر جات فبالي هاكا مع اللي بينولي بزاف ناس هاذ الشيء ونهار اللي عرفو فصباحي بلي فاتت ليلة نورمال غاضتهم مع اللي انا تزوجت بولد عمتي وراكم فاهميني

حاولي ترقي و تفكيه ربي يفرحك يالحبيبة

ساعوووووووووووووووووووووود انني اقرعج

كنت راح نقول البارح كيما قالت عروسة الجزائر و نسيت 

خاطر صحيبت أختي بقات مدة كيما هك و مباعد سقسات أمها أو خالتها نسيت

المهم ظهرت كانو مصفحينلها (حنا نقولو هكا) حتى حلولها بالحمص أو الزبيب 

راكم تعرفو عادات تاع بكري و مباعد نورمال تحل المشكل

خليدة هذا موضوع ماتسكتيش عليه لازم تسقسي أمك أو أختك كبيرة لاكان عندك 

لازم تتأكدي لاكان داروهالك بكري ولا لا باه تعرفي كيفاه تحلي المشكلة تيعك 

سينون تبقاي في دوامة وحيرة. و تعرفي الراجل دوريلو بكلش غير الرقاد 

عندك تسكتي على الموضوع ماتفوتيش الوقت 

و ان شاااء الله ربي يفرّج عليك و تتهناي في حياتك

مرسي لبنات 
سرسورة عمري علئ سلامتك اندهي حكيلي توحشتك بزاف 
صح سمسومة والله الراجل تلعبيلو بكلش غير الرقاد علئ هادا راني نستحمل فالوجع غير باه مانكرهوش فيا 
هاد المرة لما نروح لدار نقول لماما وخلاص

ايييه قوليلها 

تلقالك حل خير من تبقاي اطلعي و تهبطي بلا فايدة

ربي يسهلك خليدة

خليدة أختي أنا عندي نفس المعلومات تاع سوسومة

كنت رايحة نهدرلك على صحبت أختها 4 أشهر باه تحلت وهاي سبقتني سمسومة

متخافيش برك وكي تروحي لداركم أحكي لماماك ووصيها متخرجش الهدرة من بيناتكم

خاطر هاذ المواضيع الناس يموتو على الهدرة فيهم

كاين لي يقول بلي راجلك مش راجل وكاين لي يقول بلي أنتي مش عذراء (بعيد الشر)

على هاذي وصي ماماك مليح متهدر لحتى واحد وبربي المشكلة تتحل متخافيش برك

راهم ياسر صراتلهم هك شفت وحدة مرة في عندي منقلك صراتلها هك بقات عذراء وهزت بالكرش 

راجلها جاهل محبش يفهم وطلقها وهي ولدت سيزاريان باه كي يكبر ولدها يبقى عندها دليل بلي مزالت عذراء وبلي حاجة علمية برك

متقلقيش روحك مدام راجلك متفهم الوضع متقلقيش خلاه وبربي تتحل المشكلة

رقي روحك تان ممكن كشما دارولك كاين ناس ميخافوش ربي أوك؟؟؟

ربي يهنيك اختي وتعدي الحكاية على خير

شكرا ليكم لبنات 
ايه كوكي الحمد لله راجلي متفهم قالي نورمال المهم راكي معايا بصح انا تقلقت سيرتو خفت علئ الحمل مي هاد المرة ان شاء الله نقول لدارنا ونرقي

مع العلم اذا راقي مربوطة ممكن ماتحمليش لهذا فتحي الرباط لان فالصغر كامل كانو يربطوهم انا امي قالتلي

والله عندك الصح نسقسي ماما من بعد الله يجيب الخير مرسي حبيبتي

سلام اختي خليدة
اسمعي ما تقلقي روحك ما والو 
انا صراتلي هكذا 12 يوم باش جزت
وحتي رحت للطبيبة

خليدة ربي يفرج اعليك حبيبتي وكيما قالولك البنات وكيما قصرنا راكي علابالك الحالة كيفاش ماتوسوسيش برك وربي يعطيك على حساب قلبك ويرزقنا بالذرية الصالحة عاجلا غير اجل

خليدة ان شاء الله مايكون غير الخير
سمعت بلي كاين بزاف اللي ماينفتحوش حتى بعد الولادة على حساب الغشاء تاعهم
وهذا مايمنعش الحمل تقدري تحملي نورمال

ننصحك كيما قالولك لبنات خبري يماك برك بصح شاوري راجلك قبل بلي رايحة تقوليلها
وثاني حاجة ارقي روحك

وان شاء الله مايكون غير الخير
وربي يرزقك الذرية الصالحة

ان شاء الله ياااااااااارب 
مرسي لبنات ربي يحفظكم ويعطيكم كل حاجة شابة والله غيردرتولي الكوراج