اهلا بيكن
اليوم جربت وصفة كيك الكسكاس وجدتها فاحد المنتديات عجبتني الفكرة جربتها وحبيت نشاركم بيها
هي حلوة اقتصادية وماتديش وقت بزاف 15 دقيقة وتكون جاهزة بدون اطالة المقادير
2 حبات بيض
3 ملاعق زيت او زبدة انا درتها بالزبدة
3 ملاعق حليب
3ملاعق سكر ناعم
4 ملاعق فرينة
نصف ملعقة صغيرة خل
ملعقة صغيرة ممسوحة خمارة الحلوة
فانيليا اوقشور الليمون
نخلطو كلشي مع بعض مليح ونديروهم في قوالب المادلين اوكؤوس او فناجين هذه مقادير لكمية قليلة جربوها ولما تعجبكم ضاعفو المقادير نملاو القوالب للنصف ويكون الماء يغلي نحطو القوالب فالكسكاس ومن بعد نغطوه بقطعة قماش ونحطو غطاء الكسكاس من فوق انا ماصورتش هاد الخطوات خفت الئ ماتنجحش معايا
المهم ونحسبو 15 دقيقة ونحلو عليها ونثقبوها بموس الئ نضجت ايكم الصور
هنا لما نضجت
[ندعوك للتسجيل في المنتدى أو التعريف بنفسك لمعاينة هذه الصورة]وهنا لما نزعتها
[ندعوك للتسجيل في المنتدى أو التعريف بنفسك لمعاينة هذه الصورة]وهنا انا قصمتها فالنص ودرتلها المربئ لان ذوقها ماشي حلوة بزاف يعني عدلتلها الذوق بالمربئ و غربلت فوقها السكر الناعم
وانت واختيارك او ممكن تغطسيها كامل فالمربئ او الشوكولا وترمديها فالنواة كوكو
[ندعوك للتسجيل في المنتدى أو التعريف بنفسك لمعاينة هذه الصورة] شهية طيبة