واش طيبتي اليوم ((( الجزء الثاني )))

 

بما اني انا فتحت الموضوع رايحة ندشنو حتى يجيب ربي هههههههههههههه


هدا واش طيبت البارح لي ترد تشوف خخخخخ

فيلي دو صول باني بصوص حمرا ورز وسلطة مشكلة وحساء البطااطا بالجبن والمطلوع مشري تقولو طاحت عليا الفحالة خخخخخخخخخ

بلا ما نشوف فحلة
تبارك الله

مبروك الافتتاح والله غير كنت نخمم فيه حاجة مليحة هاكذا نتعاونو سيرتو احنا رانا وحدنا والله غير تحصلي واش تطيبي 
ماشفتش الصور الانترنت راهي ثقيلة مانيش عارفة علاه

السلام عليكم لبنات
النت راهي ثقيلة رد ما حب ايجوز
وأخيرا وليتو الحمد لله
ان شاء الله الرد هذا يجوز

سااااارة ربي يبارك فحلة كيما بكري نستعرف بيك 

و الله توجور نطيّب محسوب راني نوجّد في روحي باه كي نروح مانتبهدلش ههههههه 

و كل يوم نقول نصوّر مباعد تسماطلي نقول حلّي برك لشكون رايحة نصوّر 

مي بربي ان شاء الله نعود نصوّر و نجيب مي ماش كل يووم  " longdesc="28" /> فنيانة شوية

شكرا سارة على الموضوع
الله يبارك اطباقك روعه بصحتكم
نتمنى الاخوات يشاركوا
انا للاسف مانقدرش نشارك اسمحولي

مرسي لبنات على الردود ديالكم وتشجيعاتكم كيما قالت خليدة والله صح مرات لوكان مايدبرش اعليا واش نطيب نقعد غير ندور فالكوزينة ههههه

وان شاء الله نتوما تاني تشاركو بلي قدرتو عليه انا كي نطيب راني نصور ونحطلكم وعد مني كل ماندير حاجة شابة نحطلكم خخخخ ادا قلينا البيض اكيد مانحطلكمش ههههههههههههه

اهلا بيك شمس عودة ميمونة راه جاز ردك ان شاء الله راكي مليحة

-----------------------

سمسومتي صح عندك الحق تحسي روحك مهبولة تصوري لروحك خخخخخخ انا كنت نصور وندي لدارنا وهاد اليامات كي راني نزوق قالي سور راكي تصوري باينة ههههههههههههههههههههه 

هجورتي علابالي بيك راكي مسامحــــــــــة ،،،،،،

ههههههه سارة و الله هكاك نحس روحي مهبولة تعرفي واش طيبت السمانات لي فاتو خير ربي 

و نصوّر و مباعد ماتفوتش ربع ساعة نسيبريمي كلش هههههههه نقول و أنا لمن صوّرتهم ؟؟ 

نقولكم واش طيّبت: في محرّم درت الكسكسي بالعصبان و فالليل زدتلهم مرقة حلوة و كسرة 

و درت المحجوبة بالجمعة ، درت شخشوخة ... و درت فطير في عاشوراء 

مع أني مانيش في وقت إبداع راني خدمة و خياطة و قضية تاع الدار ... ربي يعينا برك

ايه الله ابارك شاطرة شوفي نقولك حاجة قدما تشطاري في دراكم قولي قليل عن تجربة والله اليمات الاولين ديالي تلفتلي قاع كيفاش نطيب تقول جامي طيبت في حياتي وحد الخلعة جيك تقولي رايحة جوزي امتحان وانا فيا ديغفو جامي ندوق ماكلتي من ريحتها ولا كي نشوفها نعرف بلي راهي بيان مي هنا ديفوا نكمل نص تيبانة وانا ندوق ونعاود ههههههههههههههههه 

هدا قاع من الخلعــة ايا من بعد انطلقت وليت غير نخلط كرهت وانا نعس روحي كي تبقاي تعسي مايجي والو بنين خاصة الامور لي ماتعرفيهمش مثلا في داري تعلمت حاجت جامي توشيتهم في دارنا ........ الخرشف مانعرفش اصلا منين ينقوه وتعلمتو """ نص تعلمتو ونص رميتو"" خخخخخخخ

القرنون ---- وحد العفسة جابهالي مرة يتمسخر بيا اسمها القرنينة والله ماعرفت راسها من رجليها كي قتلو نت موالف تاكلها كيفاش يطيبوها قالي مانعرف سمعت بيها وقالي واحد مليحة ولقيتها رخيسة شريتها ههههههههه  

ايا طيبتها حلف لا يزيد يشريها   

وهاد الخضر تقريبا كي يكون باباه يشريهم هو ماياكلهمش 
البسباس لوبيا ماشطو وزيد لي ضيعك ماعكنش النت موالفة نتكل نقرا ونطبق ههههه  

هنا صح حصلت والله شريت قاع الكتابات تاع سميرة وهكاك مرات ماتلقايش قاع واش طيبي المهم حصـــــــــــــــــــــــلــــــــــــــة 


امالا غير اتعلمي من كل جيهة ايه ونسيت الكبيرة قاع الزليف وااااااااااااااع جامي طيبتو يعني ماخلاونيش نزلفو قتلهم في قلبي حتى انا مانعرفش خخخخخ

كي جبتو هنا و الله ربي برك ماحشمنيش طيبتو اول مرة وجا بنين  


اما الدوارة ماتضحكوش اعليا ديتها لدارنا طيبتهالي ماما " longdesc="150" /> 

وجبتها كي الشاطرة مي خلاص شفت كيفاش يطبوها هههههههههههه  

العام الجاي نطيبها حتى نتعلم نقيها بففففففففففففففففففففف " longdesc="203" />

درت تارت نهار السبت كنت بلا نت قتلني ديقوتاج كان راجلي صايم عاشورا السبت وجمعة قلت نديرلو مسكين

 جات شابة ياك انا وحرت فيها هههههههه







دوك راني مع العشا اني ندير شلاظة باستا غدوة نحطلكم مدام مورالي راه بيان وماشي عيانة 

سمسومه الله يبارك راكي شاطره واصلي

ساره لاتارت تهبل يعطيك الصحه
حبيت نسقسيك على حساء البطاطا كيفاش تخدميه
انا راجلي يكره البويون يقلي تاع المرضى
اذا هذا بنين نديرو

مرسي هاجر حتى انا كان بكري يمسع على la soupe بلي ماشي بنينة مي هي السر قاع فالتقلية قدما تقلي مليح قدما يجي بنين

المهم شوفي هدا راه ساهل ماهل مافي والو

ديري 3 حبات بطاطا متوسطين مقطعين مكعبات + 2 جزر مقطعين كيف كيف + حبة بصلة مقطعة مع شوية كرافص الحق انا منديروش ندير معدنوس مع ملح وفلفل اسود تقلي مليح بشوية زيد وحد 10 حتى 12 دقيقة من بعد مرقي قيس الخضر فوقهم 2 سنتم برك باسك كلش يطيب بلخف وخليهم على نار متوسطة كي يطب يا ترحيهم باش تشوفي الكثافة ديالهم المهم ماتزيديش الما زيدي نص كاس حليب + جبن شاف تاع 50 دج ولا فرماج حبات وحد 6 ولا 8 المهم هو الفرماج لي يرجعو بنين وكريمي وارحي كلش ويقدم .. 

وهادي مقرونة تاع البارح مكانش اسهل وابن منها تاع الفنيانين خخخخخخخ

شكرااااا سارة بربي ان شاء الله نسييه

ايه المقرون تاع الفنيانين فكرتيني كي كنت في دارنا كنت دايما نديرو بالجمعة في الليل ههههههه
بصحتكم

الله اسلمك هاجر صح والله تسلك الراس وتشبع ليه ليه

السلام عليكم لبنات
يعطيكم الصحة راكو جايبينها انا تعرفوني الطياب خاطيني
بصح LA SOUPE لي مدتها صارة راني معتمدتها ديما انديرها وبابا يموت عليها خير من البيون جربيها هاجر ما تندميش

شكرا شمس
ان شاء الله نجربها

الله الله عليكم بنات

سارة قتلتيني أطباقك ما شاء الله ولا طارت  " longdesc="204" /> تهبل 

أنا منعرف واش بيا نخاف من الكوزينة ربي يستر 

أمي تعيط عليا ياسر ونولي نكره ومنحبش نطيب

بصح القاطو خاطر متجيش توقف عند راسي نلدع فيه كيما نحب

ربي يقدرني برك والله خايفة

كوكي ماتخافيش غير ازدمي برك هههههه
حتى وتكوني شاف في داركم بصح كي تتزوجي تحسي روحك في الاول ماتعرفي والو تحسي روحك مكتفه سبحان الله

هههههههه صح حتى سارة مع أول ما تزوجن قاتلي حاسة روحي جامي طيبت

ربي يستر برك ضرك ندير القلب ونزدم

ايه اهلا زارتنا باركة ههههههههههه

وين تروحي راني نتبعك بالردود هههههههههههههه

مرسي كوكيتا يعيشك حنونتي الابداع المجال ديالك مكانش لي ينفاسك فيه

مي نقلك حاجة غير ازدمي يابنتي اهرديها في داركم ولا في دار الناس

والله كيما تقلي ماما الراجل على كرشو يخلي عرشو هههههههههههه

والله كي تتزوجي براجل وكال يعني يحب ياكل وموالف ماكلة بنينة راهي صعييييييييييييييبة باش ترضيه امالا غير اتعلمي وراهي اسهل من القاطو والله قضية برك كي تحبي الحاجة وانا القاطو ماعنديش فيه مرة نجيبها ومرة كور واعطي العور 

مي الطيبا هو الصح وهاذوك حسنة في سنة حسابتلك كي دار باباك كل ماتحبي تشري تشري هههههههه 

هوما يحبو ياكلو مي يشوفو جيبهم برك قبل الكرش خخخخخخ

واقيل نبدل العنوان ونكتب واش طيبت اليوم ههههههههههه

تبا لكم