راتب الزوجــة ... ؟؟ هل للزوج الحق في راتب الزوجة؟

♥♥ عدد المساهمات : 21453 تاريخ التسجيل : 08/11/2010

السلام عليكم

كما نرى مأخرا ان المرأة تحظى بفرص العمل اكثر من الرجل وهذا يطرح اشكالية للشباب العازف عن الزواج بسبب البطالة وعدم توفر السكن وغيرها من مشاكل اجتماعية...

ونرى ان مختلف شبابنا اليوم يبحثون عن امراة قبل الدين والخلق عن منصب عملها اذا كانت عاملة او لا ويفضلن العاملة على الماكثة في البيت

وهذا راجع لعدم تمكنه من توفير الحاجات الضرورية للمنزل او للمرأة نفسها ويفضل ان تكون له شريكة تدعمه في اكمال مشاريعه ثم الزواج بها

وهناك رجال بعد الزواج يتسلطن على راتب الزوجة بدون رحمة ولا شفقة ولا ينقفون على زوجاتهم وعلى اولادهم اذا لم توافق على ان تعطيه من " الشهرية"

هذا الموضوع واسع وكبير وفيه مشكلات كثيرة والراتب اصبح مثل القنبلة الموقوتة في البيت الجزائري

اذا كنتي عاملة ومتزوجة كيف سيكون تعاملك مع الزوج هل ستعطيه راتبك الشهري او تحتفظين به لنفسك

وهو من سيصرف عليك وهذا واجب عليه شرعا وقانونا

؟؟؟

هذا موضوع واااااااسع وكاين ياااااسر لي يطلقو على الحاجة

أنا بصراحة منخدمش وهك لي رايح يتزوجني ما راهوش طامع في صواردي

وأنا قبل منتخطب خممت في هاذ الحاجة وقلت أنا نحب المرأة الماكثة بالبيت لي عجبتو هاني عجبتو

ولي معجبتوش يروح يشوف وحدة أخرى

وبربي مش ناوية نخدم غير لاكان صراتلي ظروف تستلزم أني نخدم

المهم في انتظار ردود البنات

انا في رايي مشي من حق الزوج انو يتصرف في راتب الزوجة وهاذي حتى من الناحيه الشرعية
راتبها حقها الشخصي وتتصرف فيه كيما تحب
بصح من باب الاحسان انها تعاون زوجها وتنقص عليه وإلا علاش راهي تخدم
على الاقل تنقص عليه مصاريفها الشخصيه كيما اللبسه والكوسميتيك وووو وشويه مصاريف الاطفال
المهم يكون كلش بالتفاهم بين الطرفين

انا من راي هاجر الرجل ما لازمش يدي شهرية مرتو
غير اذا هي حبت تعاونو
انا شخصيا نخدم بصح راجلي جامي طلب مني دورو ولا سقساني وين راحت لاباي تاعك
اصلا ما علابالوش شحال نخلص هههه

ربي يحفظلك زوجك أختي ريتا خاطر قلييييل لي كيفو

أنا مش ضد لي تعاون زوجها بصح المهم بإرادتها

لي يطمع في مرتو مش راجل بصراحة

♥♥ عدد المساهمات : 21453 تاريخ التسجيل : 08/11/2010

شكرا لبنات على الردود ديالكم وحتى انا نوافق انو المرأة ماتحتفضش بالدراهم لنفسها فقط خاصة انو نعرفو بلي مصاريف المرأة اكثر من الرجل واذا كانو الاولاد اكثر يعني تنقص عليه اذا حبت وحتى هاذي ماشي مفروضة عليها لكن اذا كان اجلها شهار وراتبه قليل وممكن كاري هي تخليه يدير مصاريف البيت كالايجار و الفواتير الخ وهي تستكلف بامور اخرى مي هو ماشي مفروض انو يدي راتب الزوجة برفضهآ..

::::: عدد المساهمات : 765 تاريخ التسجيل : 25/04/2012

الخدمة كل واحد ورايو فيها انا عن نفسي نخدم
بصح راجلي مايدخلش اصلا في دراهمي
انا عن نفسي نشري الحاجة الي نشوفها خاصة ونصرف على روحي
وهو مايقولي لامديلي لا اصرفي لاحاجة اخرى
لكن حتى المراة كي تخدم وتخبي وهي تشوف راجلها ماقدرش يكفي ماتخرجش

عندك حق أختي سماح

حاجة باينة كي يكون الراجل مش قادر وقاعد يبذل في مجهود والله غالب ملحقش

معليش مرتو تعاونو المهم مش يطمع في صواردها برك ويولي يعول عليها

::::: عدد المساهمات : 1409 تاريخ التسجيل : 06/12/2012

هذا صح مشكل كبير وزواج اللي يقوم على مصالح مادية من بعد يكون مثل الجحيم مايقدروش يتفاهمو وتكون بيناتهم مثل المعركة النفسية كل واحد يجبد لجيهتو
وهادي فالشريعة الزوج معندوش الحق في مال زوجته وهي من جهتها تعرف حدودها وتعاون راجلها هادي حياة وراهي تكلف
انا محبيتش نخدم من نهار الاول وتفهمنا مع بعض والحمد لله موفرلي كلش الله يخليه ليا

انا صح راني نخدم مع العلم راجلي ميسور الحال والحمد لله وماباغينيش نخدم بصح انا كان شرطي الوحيد الخدمة وفي نظري اذا كان الراجل محتاج ماديا عادي جداا المراة تعاونو الزواج لازم فيه المساعدة ودليل ذلك السيدة خديجة رضي الله عنها ساعدت رسولنا الكريم ماديا ومعنويا و نتمنى التوفيق للجميع

الجواب على السؤال: ليس للزوج الحق في راتب زوجته

و على رأيي راهو كيما رأيكم الكل

أنا نخدم و خطيبي قالي بعد الزواج كيما تحبّي و لي يساعدك ديريه تحبّي تخدمي أو تحبسي

::::: عدد المساهمات : 1987 تاريخ التسجيل : 04/09/2012

وحتى أنا رايي من راي هاجر لأنو فالشريعة الراجل مش من حقو يتصرف في مال الزوجة تاعو

يعني مش يجبرها و يسيّف عليها تمدلو مصروف

مي هي إذا تفهم و كان راجلها مش كافي جميع النواحي المادية و لاّ مالحقش تعاونو و هذا فيه أجر ليها

أنا مثلا نخدم و راجلي يخدم لاباس يعني شهرية مكفيتنا و الحمد لله

عايشين على قد حالة بما اننا عايلة صغيرة و مازال ماكانش الولاد

و هو الحق جامي حوس على شهريتي و حتى كي نبغي حاجة يقولي

هزي الدراهم معاك كاش ما تسحقي يعني من دراهمو هو

كيما أنا صح شهريتي قليلة مش حاجة لكن ما نصرفش منها بزاف نخليها للحاجة

و قتلو لازم نخممو شوي نديرو حاجة و نخدمو شوي صوارد بالاك ربي يفرج

يرزقنا سكنة خاطر كاريين

المهم أنا نشوف بلي المرا الخدامة لازم عليها تعاون راجلها تنقص عليه شوي

و حتى اللي مش خدامة تعاونو كيفاه يسيرو ميزانيتهم و مصاريفهم و مايبذروش بزاف

و ما يحتاجوش

ربي يقدرنا ان شاء الله

::::: عدد المساهمات : 1987 تاريخ التسجيل : 04/09/2012

شكرا سارة عى طرح الموضوع

و شكرا للبنات على التفاعل

» واش تقولو عندي الحق ولا لالا