حملة دعاء بالشفاء للطفلة علا

السلام عليكم خواتاتي 


الكل علابالكم بلّي عندي بنت أختي مريضة من رجلها 


و بإذن الله غدوة الجمعة رايحة تعمل عملية صعيبة و دقيقة يااااسر 


نطلب منكم تدعيولها بالشفاء على قد ماتقدرو و ماتنساوهاش فالسجود 


و ان شااء الله ربي يشفي كل مرضانا و مرضى المسلمين أجمعين 



عندي صورة تيعها مي كي كانت صغيرة ماعنديش كي كبرت درك 











ربي تحفظهالنا و تشفيها و تعافيها ياااا ربي 


ان شااء الله تولّي تمشي كيما الدّراري الكل

بسم الله الرحمن الرحيم
أسأل الله العظيم رب العرش العظيم ان يشفيها يا رب 
اللهم رب الناس اذهب الباس اشف علا شفاء لا يغادره سقما انت القادر على ذلك
أسماء ان شاء الله ربي يشافيها ويردها سالمة معافاة ان شاء الله يا رب وكي اليوم ان شاء الله تشوفوها تجري قدامكم 
قولي برك لأختك تخلي ثيقتها في ربي كبيرة وتعي ربي وهي متأكدة من الإجابة قلي لها تستغفر بزاف وتذكر ربي بزاف راه ربي ما يخليهاش ان شاء الله
ان شاء ربي يفرحها بيها وتولي بخير وعلى ألف خير ان شاء الله يا رب

ياعمري
ان شاء الله تنجح العملية وتبرا وترجع كيما الذراري تمشي
اسال الله العظيم رب العرش العظيم ان يشفيها
اللهم رب الناس اذهب الباس واشف انت الشافي لاشفاء الا شفاؤك شفاءا لا يغادر سقما

شكرا بنات وربي يحفظكم ويعطيكم ما تتمناو

اليوم دارت العملية ومزلت نسنا في أسماء تعيطلي 

إن شاء الله تنجح العملية وتولي تمشي يااااااا رب

أسماء طمنينا ان شاء الله خير
ان شاء الله العملية نجحت

سمسومة كي تدخلي طمنينا عليها رانا نستناو

بارك الله فيكم ربي يحفظكم و يعطيكم ما تتمناو 

الحمد لله العملية نجحت و فاتت على خير 

و درك راهي تفيق بالعقل راكم تعرفو لانيستيزي 

و عندها شوية الوجاع في رجلها و هي صغيرة مسكينة تحب تتحرّك 

مي كي تلقى رجلها بالبلاتر ماتقدرش تتحرك تقلق شوية 

مي هذا الكل بفوت المهم كي نجحت العملية 

ربي يكون معاها برك صغيرة مسكينة

الحمد لله ياربي ،،،،،،،،،،،، والله فرحتلها ربي يشافيها ويعافيها يارب والحمد لله لي نجحت العملية

الحمد لله كي نجحت العملية
ربي يشافيها ويقومها بالسلامة

ربي يشافيه ويحفظه لوالديه

يا ربي قطعتيلي قلبي ا اختي اسماء صغيرة مسكينة و انا ما نحملش على الدراري الصغار 
المهم الشيء لي من عند ربي مرحبا بيه
ربي يشافيها و يعافيها ن شاء الله عاجلا غيراجل امين

ياااااااارب يشفيها ان شاء الله وترجع تمشي
ربي يكون معاكم

اه سمحيلي اسما والله هذا وين شفت الموضوع ربي يشافيها ويقومها بالسلامة ان شاء. الله