السلام على احلى اميرات
لقيت وصفة في وحد المدونة تاع الشوفلور تقريبا انا نديرو غير اوملات
جامي جربت وطيبتو مانعرف نحس ان ريحتو قوية مايليقش للطياب والمرة هاذي كان عندي راس شوفلور صغير والله صغير تقول تاع الالعاب خخخخخخخخخ قلت هذا مايليق خبزة مايليق والو واش ندير بيه " longdesc="64" /> بقيت ندور فالنت باش نلقى حاجة جديدة وبراتيك وزيد زاكية
ليقت هاذ الوصفة صدقوني كي قريتها قلت امبوسيبل جي بينينة ومافيهاش مذاق الشوفلور مي كي جربت والله جات زاكية وبنينة وحتى راجلي بدا يسملي يقلي هذا طاجين الخوخ خخخخخخخخخخخ
"""""""" اصلا هو لاعلاقة بالتسميات كي يشوف حاجة مدورة يقول طاجين الخوخ """"""""" ههههههههه المفيد هاذي صورة للطبق وبعدها جي المقاديرانا غيرت شوية فيها على حسب كيفاش نحب نطيب
المقادييييييييييير:
هاذو مقادير لي بولات:
نحتاج صدر دجاج يكون مرحي فالروبو """"" انا كان عندي داند مرحي ""
5 زهرات شوفلور بدون طهي مرحي بالروبو
01 بيض
2 الى 3 ملاعق فرينة على حسب الحاجة
2 سنينات ثوم """ انا نسيت ماضفتهمش للخليط
معدنوس
ملح وتوابل لي تحبوها """ فلفل اسود + راس الحانوت وسكنجبير مع الدجاج يجي رائع"
++++++++++++++
التحضير :
نديرو الشوفلور المرحي + الدجاج المرحي + كل المقادير المذكورة اعلاه
صور الطريقة منقولة من المصدر انا ماصورتش المراحل
نضيف لهما بيضة + ملعقتين الى 3 فرينة """ هنا على حسب الخليط حتى يتماسك شوية
+ هريسة اذا حبيتي ومعدنوس مقطع رقيق + ملح وتوابل + ثوم ونخلط وهاهي
نحصل على هاذ الخليط
[ندعوك للتسجيل في المنتدى أو التعريف بنفسك لمعاينة هذه الصورة]
ثم
نشكلها كويرات بهذا الشكل ونوعا ما كبيرة باه تعطي فخامة للطبق ونرمدها في الفرينة ونضعها في الثلاجة مدة نص ساعة تشد روحها لانها رايحين نقلوها
للصلصة انا غيرت فيها
درت درسة عادية ثوم فلفل عكري ودرت لحم غنمي ممكن ديري فقط العظم تاع الدجاج لي رحيتي منو او قطعة فقط مع هريسة وفلفل اسود وشوية ملح وزيت طبعا وبعدها قلي ومرقي
وخلي يطب مع اللخر ضفت حفنات زيتون وحميصة كانت عندي طايبة وخليتها تنقص
**********
ثم قليت حبات الشوفلور ورميتهم فالمرق مباشرة وخليتهم يطيبو شوية وحتى تشوفي الصلصة ديالك عقدت وولات ثقيلة طفي النار
وهاذا الطبق جاهز وان شاء الله جربوه
[ندعوك للتسجيل في المنتدى أو التعريف بنفسك لمعاينة هذه الصورة]
ومن هذاك الراس صغير باقالي ودرت بيه اوملات شوفلور هههههههه
[ندعوك للتسجيل في المنتدى أو التعريف بنفسك لمعاينة هذه الصورة]