ما رايك في الزواج المبكر للبنات

السلام عليكم و رحمة الله و بركاته

كل وحدة فينا يكتبلها ربي في يوم من الايام وتتزوج

كاين بنات يجيهم مكتوبهم و هوما صغارات
كاينة اللي تقبل و تتزوج و كاينة اللي تكون عندها اعذار كيما الخدمو و القراية و تاجل الموضوع

واش تشوفوا انتم فالبنت اللي تتزوج بكري حتى قل من 20 سنة
هل الشي هذا في صالحها ولا العكس يرجع عليها ؟


الموضوع للنقاااش

يعطيك الصحة اميرة على طرح الموضوع بتلنسبه ليا راني ضد وحدة تتزوج بكري الوقت تبدل ماشي كي زمان لمرا فالدار برك لاخدمة لاقراية غير الشغل وتستنى فالمكتوب وتتزوج وخلاص مي دوك اصلا الناس فالقراية برك راهي تفوت 23 سنة باش تكمل وقتاش تلحق تخدم ولا تتعلم الطياب المهم فيها بزاف امور والزواج والله صح مسؤوليه ماتدريش تتزوجي باش يقولو ناس تزوجت وتتهناي من الهدرة والله صعيبة غير ادا وحدة سكنت هي وراجلها برك حد ماشاف حد ماسمع ولا ماتفاهمين يخدمو لزوج الخ
وهي مليحة من جهة الدراري المرا كل ما تكبر كل ما تنقص فرص الانجاب المهم فيها وعليها مي ماتفوتش العشرينيات يغني مابين 24 حتى 30 مليحة تكون قادرة على شقاها اما صحاب 18 هادوك رايحين يلعبو ماشي يتزوجو

صح كيما قالت سارة صحابات18 والله راهم غير يلعبو وخلاص المراهقة وما كملتهاش تصيب روحها في مسؤولية كبيرة هما عمبالهم زواج رقاد برك بصح هو شيء. اخر والوقت ماشي كيما بكري ناس زمان كان اعقلهم كبير يعني قادر واحد في عمرو 20 سنة يمشي جيش بصح درك تصيبيه يلعب عادي لهذا من الاحسن من فوق 24 او 25 خير للمرأة الزواج

صح كلامكم لبنات و انا من رايكم

بالنسبة ليا الطفلة مليح ليها الزواج في عمر من 25 حتى 30 يظهرلي هذا هو العمر اللي تقدر فيه تتحمل مسؤوليات الدار و الراجل و سيرتو الولاد
خاطر التربية مش ساهلة ولازملها عقل
و كيما قلتو مش الوحدة تتزوج لمجرد زواج و خلاص
كاين حوايج بعد هذا الزواج لازم اديرلها حساب
و سيرتو اذا تزوجت صغيرة بزاف و من يومها و هي تولد ما تحبسش والله صحتها تروح و هي صغيرة

شكراااا البنات على مروركم العطر و الطيب

في انتظار مزيد من المشاركة للبنات