اريد مشورتكم

البنات انا تفاهمت مع خطيبي انو هو يدير حنتو و انا ندير حنتي يجو فيها مواليه يجيبولي الخاتم و نعشيهم و في الليل يديرولي الحنة و يروحو و الصباح يجيبلي طونوبيل وحدة برك و نروحو شهر عسل هكدا نقصو مصاريف عليا و عليه

المشكل انو بابا رفض هادي الفكرة تماما و قالي لازم يديرلك كورتاج كيما الناس
راني حايرة وش نرضي و راني نظل نخمم في حل يرضي الطرفين انا تان مارانيش حابة ندير عرس
دبرو عليا البنات يكاش راي شباب راني نستنى ما تطولوش عليا

انت عندك الحق وباباك عندو الحق

ماعرفتش وش من حل يرضي الطرفين

حاولي تقنعي باباك ولا قولي لامك تحال معاه

واذا مكان حتى امل باه يقتانع وراجلك مش حاب يدير العرس لانو صح مصاريفو بزاف وزيد شهر العسل خير
يتفاهم هو وصحابو يجو بالتاكسيات يصونيو ويجو دارهم يخرجوك
وانتوما كملو وين تحبو تروحو وخلاص
واذا على صحابو يتفاهم معاهم يديرلهم عرضة كي يروح ولا حاجة ترضيهم وخلاص
ولا تروحي لدارهم تبدلي قشك وتروحو انت وراجلك وهوما يديرو عشا خفيف بيناتهم برك ويعشيو صحابو لي جاو دارو الكورتاج
طبعا ماراحش تكون المصاريف كيما عرس كامل

هذا ماقالي مخي درك

مشكورة شهرة
انا تان جات في بالي هادي الفكرة بصح قوليلي و مواليا يروحو معايا ولا لالا و يقعدو يتعشاو ولا كيفاش ههههه راني ضايعة

والله صح

بصح اذا ماكمش رايحين ديراكت لشهر العسل وراح يديرو عشا خفيف كيما قلت يروحو معاك يتعشاو لهيه
ويجو مروحين وانت تطيري مع راجلك
ههههه

لازملها تفكير مليح
ان شاء الله تلقاي حل

مرسي شهرة نزيد نشوف البنات كاشما يدبرو عليا

اسمحيلي سمية والله ماشفت الموضوع وعجبتني الفكرة بزاف وممكن نننقل منك هههههههههههه حتى هنا ورايحة ننقل والله نقلك حاجة اذا راكي حابة ديري هك غير ديري والله عجبتني الفكرة بزااااااف حتى انا ماحبيتش ندير عرس ولا حنة ولا والو شر يعطي النعمة هههههههه والله والو برك لوكان نلقى مانجيبش النسا قاع لعرسي ندير غير رجال


نتي سيي قنعي باباك بيماك لازم هي لي تقولو بلي مكانش دراهم وهك وهك وتبدا تحسبلو الراجل غير يسمع دراهم يقلك خلاص دبر راسها واذا حب ادير كورتاج قوليلو الكورتاج وين رايح يديني ياك يديني للصالة وانا عرسي نديرو ليلة الحنة يجي هو يزمر شوية ويديني

برك نتي لازم تقنعيه انو هكا تفاهمتي مع راجلك

كاش جديد قوليلنا اوكتيو ربي معآآك

وعلى داركم وين اروحو معاك



هههههههههه تتقاسمي راجلك معاهم

شوفي اذا رحتي روحي نتي وهو نورمال كي القور ولا تحبي عفسة شابة اذا رايحين ديركت لشهر العسل هذا مي عمريلنا وين رايحة تروحي باش نحسبو الطوموبيلات لي يروحو معاك هههههههه منها تقرعيجة تان



ادي خواتاتك وبنات خالتك ولا عماتك المهم غير صغارات في 4 طوموبيلات + نتي وهو في طوموبيل اوصلوك ومنها تحويسة ومنها تبلغي بلي رحتي عروسة

هذا هو الحل الوحيد لي كاين

جاني ع الايقونات هههههههههههه

هههههههه
سارة عطاتك المفيد مع التقرعيج

لالا صارة على ماليها كي قلتلها صحابو يدوك قاتلي اذا يروحو ماليا

يبالي مع الاول دارتلها حساب انو يجي يهزها ويروحو ديراكت لشهر العسل وخلاص

ايه في الاول كنا ناويين نروحو ديراكت شهر العسل انا و هو و بس بصح كي ما قبلش بابا بالاك ندير كيما راكي قلتي سارة يروحو معانا 3 و لا 4طونوبيلات يوصلونا و يولو و خلاص

يصح قولولي باه نروح لازم بلا غوب بلونش ولا نقدر نروح بحاجة اخرى؟

مليح سمية كي لقيتي حل
عادي روحي بلاغوب بلونش
على الاقل تحسي بلي راكي عروسة
هههههههه

عادي روحي بيها وكي تجي تنزلي للوتال والا الدار لي رايحينلها البسي البرنوس واهبطي بيه

يا اختى اخرجى بالكوطاج والسيارات و الكلاكسون وكلش هادو ماش حاجة تكلف الدراهم وباباك عندو الحق


واش صاير حتى تخرجى سكوتى ا لالا

شكرا البنات على النصائح