اطباقي واطباقكم خلال شهر رمضان من مطبخكم الخاص

مبرووك الافتتاح يا حراير الجزائر،،،


[ندعوك للتسجيل في المنتدى أو التعريف بنفسك لمعاينة هذه الصورة]

سنعوود بعد قليل

والله يا سارة نتمنى انى نشاركك فى كل الصور لكنى ماعنديش الكابل باش نبعتهم من البورطابل الى الجهاز

انى نشرى بلوثوث فى اقرب وقت و انشاركك بالطابلة كامل



والله موضوع ايحمس




صح رمضانكم

صح رمضانك

ان شاء الله لميس تشري وتشاركينا العام هذا تقريبا راهم كامل يشكو من البلوثوت خخخخ ربي يجيب الخير


دوك نحط حتى انا ماضورتش كلش فال للبداية والاتي اجمل ان شاء الله

والله البارح فالحقيقة ماطيبناش بزاف باسك اليوم الاول

ماحبيناش نخلعو ليسطوما

درنا شربة فريك بوراك وشلاظة فلفل برك

والطيق الجانبي راني صورتو درت روز


[ندعوك للتسجيل في المنتدى أو التعريف بنفسك لمعاينة هذه الصورة]


ودرنا شطيطحة جاج ماصورتش المرقة صورت البطاطا بالدرسة برك والجاج ماما قاعدة تزرب فيا تبا



[ندعوك للتسجيل في المنتدى أو التعريف بنفسك لمعاينة هذه الصورة]

بصحتكم سارة ماطيبتو


ان شاء الله نقدر نشارككم

بصحتكم سارة
هكا نغيرو ونطيبو حتى احنا ههههههه

لبنات الموضوع بدون مشاااااااااااااااااركات لاقيمة له

عندي استفسار سارة الشطيطحة كيفاش اللحم وحدو والمرقة وجدها


احنا الشطيطحة نتاعنا مش هك كاش نهار نطيبوها ونحطهالكم

انا تاني كنت مزروبة درنا طاجين زيتون والشربة مي طابو وتسكبو ومشاو لمائدة ملحقتهمش

[ندعوك للتسجيل في المنتدى أو التعريف بنفسك لمعاينة هذه الصورة]

عنب ديسير
[ندعوك للتسجيل في المنتدى أو التعريف بنفسك لمعاينة هذه الصورة]

هدو بوراكاتي هههههه
[ندعوك للتسجيل في المنتدى أو التعريف بنفسك لمعاينة هذه الصورة]

اليوم ان شاء الله نصور قبل الوقت

حرام عليكم شهيتونى وقتلتونى


اسماء عندى 2 استفسارات


1 الشهدة تع النحل تفطرو بيها؟ انا انموت عليها نهبل

2 البوراك كيفاش اتديروه اقصد الشكل اتطبقيه على زوج برك؟ ولا كيفاش


صح ليكم

والله شهيتونى

وغدوا انصور طابلتنا

حمستونى


صح فطوركم
[ندعوك للتسجيل في المنتدى أو التعريف بنفسك لمعاينة هذه الصورة]

يعطيك الصحة اسماء ومرحبا بيك فالتجمع العام لي فات كنتي غايبة الحمد لله

لراكي هنا العام هذا وان شاء الله يجو البنات تاع المنتدى لي غايبات كامــــــــــــل


---------------------

على شطيطحة جاج راني رفدت الجاج برك باش نصور خخخخخخخخ

تلفاتهالي ماما سورتو النهار اللول كامل جيعانين



صورت برك بالزربة رفدت الجاج وصورتو مع البطاطا

------------------------

ممممم ومايدتكم تشهي

لي فالصورة اللولة واش هو ؟؟؟

لاخر خبز فالطبق ولا خر مافهمتوش خخخخخ كبة سورية ههههههه

سمية ولمييييييييس ان شاء الله تشاركونا نتوما تانيك باش يحلى الموضوووووووووع،،،،،،،


نور وهاجر وشهرة وان شاء الله هنادي والبقية تاع يشاركونا كي يدخلو ويحلى الجو

---------------

اسومة خبز كوشة لنتي طيبتيه حطي الوصفة نوريلك خخخخخخخخ

بصحتكم بنات اوكي راح نصور الطاولة تاعنا و نحطهالكم كل يوم مي اليوم الاول قاتلي ماما صوري بصح انا كنت تعبانة بزاف ديما اول رمضان نتعب فيه .انا درت شوربة فريك+ طاجين لحلو بشباح الصفرا+ بوراك باللحم مرحي و فرماج الغريار +اوردوفر + ديسار( خوخ + عنب+دلاع) . و السهرية تاي +عصير + فلان الشوكولا+ حلوة الترك + الصنوبر ( نوع من المكسرات) + الياؤرت خدمتها ماشي مشرية.

لميس هديك شهدة العسل حطيتها برك مش نفطرو بيها ديما

وبوراكي هههههه على خاطر منحبش هاداك السيقار وندير 2 ورقات ونطبقو باش في النص تجي خشينة متتقطعش لما نقسم فيها حبة البيض

سارة خبس الدار خااااااااااااطيني هههههههه
ياك قلتلكم ماما طيبت كلش


في انتضار المشاركات
شوفوني معاكم نصور لاشتات بورتابلي مش مليح

بصحتكم الفطور راه قريب يدن

موووووووون بصحتكم واش طيبتو جيت نضرب طلة وان شاء الله تشاركينا


اسماء المهم الافادة والاستفادة ونتبادلو الاطباق ان شاء الله ماتخلونيش


وحدي نصور كيما العدد الاول خخخخخ


وصح فطوووووووووركــــــــــم،،،،،،،،،،

سلام

ميرسي على صوركم

مالغري صعيبة عليا بزاف باش نحط صورة في المنتدى درك من بعد ما فسدلي البلوتوث بصح في خاطركم نغلب روحي و نحطلكم صور من اطباقنا



باش واحدة ما تقول نور ماشاركتش و الله نحكيلكم كيفاش ندير باش ندخل صورة,,نصورها ببورطابلي و من بعد نبعتها لبورطابل اختي باش نبعتها لل بي سي و نهز الصورة في فلاش و نديها للميكرو الكبير باش نحملها و نحطها يا الهي غلبت من الهدرة برك ههه



ميعادنا غدوة ان شاء الله درك غلبت و رايحة نرقد

اني قادمة با بنات ان شاء الله .....بصحتكم مسبقا و صح فطوركم عن كل يوم .............ان شاء الله نولي نحط واش نطيبو مكانتش على بالي ............

اهلا نور والاخت dadou مرحبــا نورتو التجمع ان شاء الله نستناو اطباقكم

نور علاش ماتصوريش بالبورطابل تاع ختك ديركت

ماعليش عندك حسنة كي تتعبي




من بعد نحط واش صورت هذا وين فطنت

بصحتكم لبنات
في انتضار مشاركاتكم

[ندعوك للتسجيل في المنتدى أو التعريف بنفسك لمعاينة هذه الصورة]
كلش من السوق سارة باش متقوليش لاغوسات نتاع الخبز ههههههههه

والديسير دلاع والعنب
[ندعوك للتسجيل في المنتدى أو التعريف بنفسك لمعاينة هذه الصورة]
والبوراك
[ندعوك للتسجيل في المنتدى أو التعريف بنفسك لمعاينة هذه الصورة]

والسلاطة معلاباليش علاه خرجت باشعة ههههه
[ندعوك للتسجيل في المنتدى أو التعريف بنفسك لمعاينة هذه الصورة]
هدا ملحقت نصور الاطباق المرة الجاية نصورهم في القدرة بعد باش ميهربوش للمائدة بحماية بابا نحشم نصور قدامو ههههههه تبهديلة
درنا اللوبيا الخضرة و البكبوكة بالحمص بالاك نتوما تقولولها طاجين الشوا
والقازوز والفلو نوارة ياك الموضوع برعاية نوارة



لبنات راكم تاكلو ولا كيما تتحط المائدة ترجع???????
احنا غير السلاطة والقازوز اللي يمشيو

والصحور واش تصحرو???????? ?احنا شي اللي يبقى من الفطور نصحروه

البارح درنا شربة وبواك فينداشي وبكبوكة فريت ماسيدوان ديسار فلان وبنان

ومزية ماناش نطيبو رانا طايحين غير على الماء







[ندعوك للتسجيل في المنتدى أو التعريف بنفسك لمعاينة هذه الصورة]

بصحتكم اسما

ههههههههههه حتى انا نصور وكي نجيبهم للميكرو نحس بلي راهم قدم يبانو ماشي شابين ههههههههه



والله حنا رانا ربعة فالدار برك انا وختي وماما وبابا والله ماناكلو حاجة بابا بكري كان غير يبلع العام هذا والو شربة ويحبس من بعد يسحر وحنا كيف كيف والله مانلحقو يرجع كلش داخلينها غير ما وقازوز وشاربات

البارح شريت هذوك اميلا جو تاع صاشي عجبني دخلت اعليه هههههههه

درتو تاع قارص اليوم نديرو تاع فراز انا مانشربش قازوز يوجعني والجو لي يشروه تاع دار عمتي مانحبوش كل عام بيه تبا



والسحور نضت قاع مزبلة ماكليت والو شربت الما والفلان نوارة تاع فاني يمي يمي هههههه


ورقدت كي نسحر نجوع

ايه حتى انا بابا راه اريح فالطابلة يقرى الجرنان مانقدرش نصور فالطابلة هههههه

كل مرة وين راني نصور نهرب بالطباسة ونروح وين جات المهم نصور ههههههه

هههههههههههه شفتي تبهديلة

سارة بصحتكم كي العادة ماكلتكم تشهي
وكي العادة انتي فقط اللي تحطي الصور
كامل قالو ملييييييييييييح ضرك نرجعو بالصور وماكانش

انا بعمري مانضت لسحور غير نسهر حتى 2 وناكل كاش حاجة ونرقد

وانتي الماء والفلو برك ....... وكي تاكلي تجوعي هههههههه

في انتضااااااااااااااااااااااااااااااااااااااااار المشاركات اللي يجو يطلو ويهربوا

الله اسلمك اسما ماعليش راكي مونستني مابيد يحطو الباقي


حنا بكري جامي نضنا قالك سنة رجعنا نوضو المهم نوضو ونرقدو مرات ماناكلوش نفطنو برك هههههههههه


انا رمضان نرقد بكري ننعس يطيح اعليا العيا ماعلاباليش قاع كيفاش خخخخ


شفتي ليسطوما ديالي راهي فيها اخر مشاركة فلون وما ههههههههه

سلام



سارة نصور ببورطابلي بويسك الكاليتي تاعو زعمة خير على تاع اختي ,, ولازم نبعت الصور لبورطابلها بويسك البيسي الصغير ما يستقبلش الصور من بورطابلي ,, حتى الميكرو عندو شخصية و يقبل على اللي يحب



حتى انا ماقدرتش نصور مليح و يظهرولي الصور باشعيييييييييين سورتو السلاطة و الجاري يعني الشربة بصح معليش نحطهم كيما يكون الحال



انا مش قاعدة نطيب بالبزاف غير باش ما تقعدش الماكلة و هكداك كلش يفضال تبا وش نكره حاجة كيما تبات .. نحب كل يوم بماكلتها الجديدة



انا ما نتسحرش نشرب الماء برك ولاكان كترت ناكل تمر .. و الباقي يسهرو و ياكلو وش بقى من الفطور سورتو الحلويات

السلام عليكم
اعذروني على الغياب ماكانتش عندي النت
يعطيك الصحة سارة على فتح الموضوع

شكرا لكامل لبنات اللي شاركونا يعطيكم الصحة اطباقكم يشهو بصحتكم

مالة رانا كامل كيف كيف الماكلة ناقصة
حتى حنا رانا نطيبو حاجة خفيفة برك ماكاش اللي راهو ياكل
وزيد اليامات اللوالة مزال مادخلناش في الريتم تاع رمضان

وقيل ضربولنا المنتدى بعين ههههههههههه حتى انا بورتابلي خسر
والبورتابل تاع الدار مايخرجش مليح
مي معليش نصور وش قدرت

لي عودة

رجعت بصوري

هدا حميص صورتو بالزربة و راكم تشوفو في الصورة كيفاش فلو

[ندعوك للتسجيل في المنتدى أو التعريف بنفسك لمعاينة هذه الصورة]


هدا القاطو اللي درتو ..راهو بنين ما تشوفوش للشكل ربي ينوب " longdesc="28" />

[ندعوك للتسجيل في المنتدى أو التعريف بنفسك لمعاينة هذه الصورة]


هدا نقولوله طاجين العين اللي هو طاجين الحلو ..ماخلاونيش نعدل الصحن صورتو بالخطفة تاني

[ندعوك للتسجيل في المنتدى أو التعريف بنفسك لمعاينة هذه الصورة]

هادي سلاطة تبان معوجة مافهمتش علاه

[ندعوك للتسجيل في المنتدى أو التعريف بنفسك لمعاينة هذه الصورة]

و هدا jus تفاح بالحليب جربتو البارح و خرج هااايل

[ندعوك للتسجيل في المنتدى أو التعريف بنفسك لمعاينة هذه الصورة]


الصور اللولين مخربشين ...ان شاء الله القادم افضل

كل واحدة قالت تصور و تحط رانا نستناو فيها ...لازم تكون عند كلمتها