أريد رأيكم لبنات

مرسي سارة و شهرة ربي يخليكم صح عندكم حق

انا بحم تجربتي تزوجت عن حب
ومانقدرش ندي واحد مانعرفوش
وهو من حقو يهدر معاك
واذا شفتيه ماشي اتاع زواج اكيد تعرفي صلاحك
وتعرفي المليح من لقبيح
اقطعي علاقتك معاه

سلام أختي

والله هذا الموضوع كل واحد ورايو

وكاين حالات ياسر متقدريش تقيسي كل حالة بأخرى

ضرك مثلا هذا الراجل تعرفيه من بعيد أكيد راح تكون عندك عليه فكرة

يعني تعرفيه لاكان ولد فاميلا ولا تاع تمسخير

المهم كاين حوايج متقدرسيش تعرفيهم في الراجل غير لاكان حكيتي معاه أنتي

يعني مهما سقسيتي عليه ومهما حكاولك عليه مش راح تعرفيه لاكان يوالمك كيما كي تحكي معاه أنتي

شوفي أختي كيما قالت سارة أنتي تستيه شوفي نوع الهدرة لي حاب يحكيها معاك

يعني لاكان شفتيه من الأول حاب يدخص ويهدر حوايج مش وقتهم أخطيك منو 

ولاكان لقيتيه يسقسي حوايج باينين ويهدر بقدر أو ناوي لحلال صح

وأنتي تاني أعرفي واش تسقسي باه تعرفي حوايج ياسر عليه في مدة قصيرة

ومتكثريش الهدرة يعني مش في كل وقت

وربي يسهلك إن شاء الله

ربي يخليكم البنات مشكوراااااات بزاف على النصايح الله يكتبها في ميزان حسناتكم ...جزاكن الله خيرا

انا من رايي يجي قبل للدار يتقدم رسميا
وبعدها تبداو تهدرو مع بعض باش تتعرفو على بعض اكثر
اذا تفاهمتو الله يبارك تكملو في هاذي الطريق
واذا ماتفاهمتوش كل واحد يشوف طريقو ماعندكم ماخسرتو لانها مجرد خطبة
وفترة الخطوبة اندارت باش الخطيبين يتعرفو على بعض يعني اذا ماتزوجوش في الاخير ماهيش نهاية العالم
ربي يجيبلك اللي فيه الخير اختي اميرة

بلا مزية أختي

هاجر بصح حنا في بلادنا

لي تتخطب وتبطل تخرج عليها 100هدرة

جامي يقولو بالاك الطفل مش بيا

دايما ترجع فالطفلة أي سير كشما بيها

مرسي هاجر ربي يخليك 
و الله يالبنات ما بخلتوش عليا بنصايحكم حسيتكم صح خواتاتي و كل وحدة تمدلي في رايها 
ربي يكتبها في ميزان حسناتكم انشاء الله 
و إذا صار خير راح نبشركم انتوما اللولين

عندي مانقولك في هذا الموضوع

لي عودة ان شاء الله راني مزروبة

الله يخليكم لبنات مرسيييييييييييييييي راني شوية مزروبة بارك الله فيكم وصراحة عجبوني نصايحكم بزاااااااف

سلاام أميرة

نبدالك مالجملة الأخيرة لي قلتيها نتي: إذا كان حابك و عجبتيه صح يجي لداركم يخطبك رسمي

شوفي لوجيكمون إذا كان حبّك صح و عجبتيه أكيد يكون سقسى عليك و عرف بلّي راكي بنت فاميلة و تصلحي باه تكوني زوجتو مستقبلا

و إلاّ ماكانش يجي ليك. أنا مانيش ضدّ أنّك تتعرفي عليه بصّح ننصحك خليّها تكون بطريقة رسمية خير باه تتفاداي المشاكل لي حكاو عليها البنات 

تاع زعمة يضمّنك بلّي راكي تيعو و توالفي بيه و يبقى يوخّر يوخّر و تلقاي روحك في وضع: ماتقدري تبطلّي على خاطر تعلقتي بيه

و ماتقدري تكملي خاطر هو ماشو حاب يتحرّك.

و كيما قالو البنات بهاذي الحاجة نتي جربيه قوليلو أرواح أخطب و مباعد نحكيو. و زيد نقولك حاجة: 

و الله على قدّ ماتحكي و تتعرفي ماشي راح تعرفيه على حقيقتو 100 بالمائة و هو كذلك على خاطر العشرة هي لي تبيّن كلش

 بالمختصر المفيد أنا ضدّ فكرة تتعرفي عليه قبل ما يجي لداركم. على خاطر مازلتي ماتعرفيش نواياه.

 خلّيه يجي لداركم أوّلا و أحكي معاه بعلم أهل الدار في النّقاط الأساسية و المواضيع الكبيرة و الخطوط العريضة و سقسي عليه مليح مليح 

إذا لقيتي إجماع بلّي راهو ناس ملاااح توكّلي على ربّي

و قبل كلّ هذا صلّي صلاة الاستخارة. 

و المواضيع الصغيرة خلّيها مع الوقت العشرة تعرفيها و تتريقلا.

و ان شاء الله يكون لي فيه الخير

خبرينا كي تفريها برك باه نزغرتولك ههههههههههههه

أميرة كي تقراي الردّ تيعي تلقاي تناقض في : أنا ضدّ فكرة تتعرفي عليه و أنا مانيش ضد الفكرة

لكن كي تقراي مليح راح تفهمي واش قصدي

و درك نبعثلك رسالة خاصة نوضّحلك أكثر

يعطيك الصحة سمسومة والله كفيتي و وفيتي بارك الله فيك تعيشي حنونتي ربي يخليك
ربي يجيب الخير برك ، أنا ما عطيتلوش الرقم تاعي يعني مانيش نحكي معاه بالتلفون مي 
من خلال تواجدنا مع بعض فالخدمة هو راهو تحت عيني و انا راني نتاستي فيه 
قالي نعرف باباك وذرك نهدر معاه بصح مازال ما قالوش 
المهم راني قريت رسالتك و الله هاذيك هي صح اللي يكون ناوي الحلال ما يلف ما يدور 
يقدم طول ، و الله أنا نخاف لحكايات هاذو على بيها مازال ماحكمتش