عرس بنت خالتي (كوكي وسمسومة ) عنابة

سلام عليكم

بنات كيما وعدناكم أنا وسمسومة صورنالكم كلش قدرنا عليه 

وضرك نحكيلكم بالتفصيل الممل العرس كامل

أولا راح نحطلكم تشوفو الصالة والديكور تاعها

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي وين تقعد لعروسة والعريس 

[ندعوك للتسجيل في المنتدى أو التعريف بنفسك لمعاينة هذه الصورة]

بالنسبة للغناء فالنهار دارت فقيرات وفالليل ديسك جوكي وهاذي بلاصتهم

[ندعوك للتسجيل في المنتدى أو التعريف بنفسك لمعاينة هذه الصورة]

وضرك نبداو بالعرس

كيما يويلو الناس داخلين فالباب أسماء مدتلهم كورباي صغيرة فيها شوكولا + حلوة + دراجي + بوقالة

[ندعوك للتسجيل في المنتدى أو التعريف بنفسك لمعاينة هذه الصورة]

ومن بعد جاو دار العريس 

حطينا الجي وقاطو باتيسري خسارة مكفانيش الوقت باه نصورو

دارت جي كاراجو قراعي صغار وقاطو باتيسري غلاصي 2 أنواع واحد كرامال ولاخر سيترون

ومن بعد دارت القهوة وقاطو وخسارة مصورتوش كنت نزرب خلاه

[ندعوك للتسجيل في المنتدى أو التعريف بنفسك لمعاينة هذه الصورة]

هاذو السرافت لي بحد الفنجان تاع القهوة ولخرا هي والفرشيطة تاع الجي

القاطو تاع القهوة دارت قطايف + كعك نقاش + تشاراك + مقرقشات + قريوش

أو مفضش بربي نروح عند جداتي نصورهولكم

*****

من بعد أصدرت بنت خالتي 

هاو طبق الحنة لي جابوه دار العريس

[ندعوك للتسجيل في المنتدى أو التعريف بنفسك لمعاينة هذه الصورة]

حنات العروسة على محزمة مشبكة و2 لويزات

*****

من بعد العشاء

صورت لحوايج الأولين كل ومن بعد بدينا ناكلو نسيت مصورتش لي بلا الأساسيين خسارة كنت جيعانة ياسر

[ندعوك للتسجيل في المنتدى أو التعريف بنفسك لمعاينة هذه الصورة]

شوفو العشاء دارت مشيمشة + فطير + شباح الصفرة

وكي كملنا لعشاء مدينا لي بواط تاع القاطو، هي دارت طواجن

[ندعوك للتسجيل في المنتدى أو التعريف بنفسك لمعاينة هذه الصورة]

أنا خيرت البيضاء وأسماء خيرت الخضراء

زوووووووووم

[ندعوك للتسجيل في المنتدى أو التعريف بنفسك لمعاينة هذه الصورة]

وهاذو دارتهم للرجال

[ندعوك للتسجيل في المنتدى أو التعريف بنفسك لمعاينة هذه الصورة]

وهذا القاطو لي في نصهم

[ندعوك للتسجيل في المنتدى أو التعريف بنفسك لمعاينة هذه الصورة]

*****

فالسهرة دارت مكسرات وطارطات صغار تاع سيترون خسارة مصورتهمش

ورمع المكسرات نورمالمون التاي بصح راح الحال مدتهم وحدهم

[ندعوك للتسجيل في المنتدى أو التعريف بنفسك لمعاينة هذه الصورة]

وفالأخير دخل العريس لبس لعروستو الخاتم وقصو لابياس مونتي

[ندعوك للتسجيل في المنتدى أو التعريف بنفسك لمعاينة هذه الصورة]

وبربي تروح لدار راجلها في 19/09/2013

نتمنى يكون عجبكم العرس 

هك تسماو حضرتيو معانا كلش

في انتظار ردودكم

ههههههههههههههههه عينيا صحيتي 

ان شاء الله سارة العقوبة ليك نتي ثاني

مرسي سرسورة ربي عيشك لعقوبة ليك أنتي تاني 

إن شاء الله تعملي خير من هك

عينيا أضحكي مليح خليتيني حاصلة وحدي فالموضوع وأنا كي الفحلة كاتبة أسمك معايا 

ههههههههههههه نضحك برك أنا وأنتي واحد

واش هذا راني حاسة روحي في كاش بالصة موش عنابة
الله يبار الله يبارك وش هذا  كل
ربي يهنيها ان شاء الله
كوكي واسماء كلش كلش فووووووووووووووووووووووووووور
عجبوني ليبواط ولي قاطة والمكسرات ياو كلش هايل
هبلت خلاص ههههههههههههههههههه

**************
لعقوبة ليكم كوكي واسماء ونفرحو بيكم ان شاء الله

كوكي والا اسماء قولولي نهار 19 /09 كي يجي يديها تلبس لاروب بلونش ؟؟
تديرو عرس في الدار   ولا كيفاه فهموني

شكراااا نهال و ربي يفرّحك 

19 فالشهر عرسو هو يعني أمّو تزيد تعرض ناسها و ادّيرلهم عرس في صالة و يجيو في كورتاج يدّيو العروسة

و هي لابسة لاغوب بلونش  و نروحو حنا معاها

نعقبو عشّية كاملة عندهم و فالليل خلااااااااه يدخل هو يدّيها لدارهم و يروحو يزوّزو ههههههههههه

قبل هذا كاين الفراش أو الجهاز كيما تقولو نهار 16 سبتمبر يجيو الرجال يدّيوه من دار أمّها لدارها هي 

ثاني يجيو غير لافامي القراب يشوفو الفراش و نديرو قهوة برك و نزغرتو و نشطحو و و و 

و قبل الفراش بنهار يعني 15 سبتمبر أمّها دارتلها كيما عادات بكري "الحمّام" يعني تروح العروسة للحمام و نروحو معاها حنا لافامي 

و رايحة ادّيرلها فقيرات فالحمام يدخلوها بالغناء و كي تدوّش و يدوّش الغاشي نديرو قهوة تمّ بعد فالحمام و الفقيرات يغنّو 

عابالي تخربيط كبييييييييير مافهمتيو عليها والو مي حنا هكا عاداتنا مخلّطة يااااسر و خالتي زادت خلطتها 

على خاطر زعمة عندها طفلة وحدة لازم تعمللها كلش

ههههههههههههههه نهال طارلك القرمود؟؟؟

مرسي حنونتي 

نهال أسماء راهي شرحتلك كلش نورمالمون مفهومة

حنا منديروش كيفكم 

عندنا العرس تاع الطفلة تحني فيه وتتصدر بقش تقليدي تاعنا 

تلبس الدلالة بالقندورة الزرقاء

وتزيد اللفة بالقندورة البيضاء

وتزيد حاجة أخرى كل وحدة واش تحب تلبس 

ومن ورا يزيد الراجل يدير عرسو هو في صالة

يجيو يديونا في كورتاج والعروسة تلبس لا غوب بلونش وتبقى بيها حتى لليل

نشربو قهوة ونتعشاو وفالليل خلالالالالالالالاه يجي العريس يدي مرتو 

هاذي هي عاداتنا حنا

ايييييييييييييييييييييييييييه هذا وين فهمت
صار راكم تتزوجو كيما بكري خخخخخخخخخخخخخ
ايه صح كي عادت عندها غير طفلة حقها تديرلها مااكثر
ربي يهنيها

لعقوبة ليكم

كوكي ايه فهمت بصح قوليلي وين يديو العريس العروسة

ههههههههههههه نهال 

لي عندهم دارهم وحدهم يروحو لدارهم هاذيك الليلة 

و لي رايحة تسكن مع عجوزتها تروح للفندق 

ساهلة هاذي نهال مايحكيوش فيها 2

و نتي وين رايح يدّيك الميسيو ديالك هاذيك الليلة ؟؟

ههههههههههههههه نهال طارلك القرمود؟

يديها لعش الزوجية هههههههههههههههههه

لي ساكينين وحدهم يروحو لدارهم باينة خلاه

بنت خالتي رايحة لدارها خاطر ساكنين وحدهم

ياو علبالي زعما من نيتكم ههههههههههههههههه
    
**************
اسماء انا راح نسكل مع دار شيخي
وانشاء الله راح نروحو للفندق
 
خير من الدار فيها سمير بزاف
خخخخخخخخخخخخخخخ

هههههههههههههههه نهال خيرو فندق مليح وفوووووووووووور

أشبعي دلال أبنتي هذا هو وقتك

الله يبارك داروا كلش فوووووووووووور
عينيا داروا
ربي يهنيها والعقوبة ليكم لبنات
واااااااااااااااااااااااو مقدرتش نهدر حسيت روحي فلبنان
الله يستر من العين

ههههههههههههه ضحكتيني خليدة

لالا مشك في لبنان في عنابة برك

مرسي حنونتي لعقوبة ليك إن شاء الله

لاااااااااكلااااااااااااصصصصصصص نتاع الصصح الله يباااااارك
علابالك حسيت تقولي  عرس في مسلسل و لا كاش فيلم ان شاء الله تكون حياتها كيما عرسها ربي يهنيها ان شاء الله
و مرسي عليك على المشاركة

مبروك عليهم لعقوبة ليك ولكامل بنات المنتدى لي مزالو ربي يهنيكم و الله يبارك برك باسيلي باطة حلوة

ماشاء الله كلش حطة وكلاص الله يبارك
ربي يسعدها ويهنيها ولعقوبة ليكم ان شاء الله
شكرااا على الصور

شكرا بنات ربي عيشكم ولعقوبة ليكم إن شاء الله

الله يبارك ما شاء الله تحفففففففففففففففففففففففففففففففففففة

الله الله على عراس عنابة ديما الحطة و الهمة و الشان يعطيكم الصحة 

ربي يهنيها بنت خالتك و يرزقها بالذرية الصالحة و العاقبى لكل عازية يا رب

ربي يعطيك صحتك كوكيتا تقولي رانا معاكم في لاصال

مرسي لينا ربي عيشك

لعقوبة ليك إن شاء الله تعملي عرس خير من هك

machallah classe, rabbi yhaniha nchallah

حوايج تع العرس كل روعة هايلين ربي يبارك لعقوبة لبنات الي مازالو