تطبيقي للمحلبي

سلاااام عليكم لبنات درت لمحلبي 
ان شاء الله يعجبكم و راني صورتهولكم خطوة بخطوة 

اولا المقادير 


عندنا  1ل حليب+ 4 مغارف اكل  روز مدروس مليح وانا كي نعجز نرحيه في الروبو aprés  ندرسو شوية فالمهراز

8 مغارف كبار سكر و شوية قرفة و 5 مغارف كبار نشاء يعني مايزينة مخلطة مع شوية حليب مي مع التحضير ديريلها

الحليب باسكو تولي كتلة 




الروز هاوليك كيفاش يكون 



نحط الحليب في كسرونة عالنار نزيدو معاه السمر و الروز و القرفة حوالي مغرف صغيرة انا نكتر منها باسكو

نحبها  كامل على نار هادئة  مه التحريك حتى يسخن الحليب بيان و يطيب الروز يعني اصبرو حوالي 10 د هكاك

كي يطيب الروز نفرغو عليه المايزينة مخلطة مع شوية حليب و الحليب اكيد ماشي هداك اللي طيبتو منو حليب اخر 






ماصورتش كي درتلها المايزينة اففففف نسيييت    


حركو او ماتنساوش على نار قليلة     a petit feu 

كي يتقال نحيه مالنار و ديريلو شوية ماء زهر للدوق

فرغية في les ramquettes 

وزينيه بالعسل و النواة كوكو والقرفة و كي يبرد ديريلو اي نوع نكسرات متوفر

باسكو ادا درتيه وهو سخون المكسرات تتشمخ وتتعجن 




هاديك ماشي قهوة هههههه نواة كوكو البلارة صح تاع قهوة عجبتني درنا فيها النواة كوكو 







رايكــــــــــم لبنات ايه ماتنساوش اكيد ديره فالتلاجة

امينة لوكان تزيدي جربي تكبتي اسم عضويتك على الصور باش مايدوهمش 

https://kaserchooe.yoo7.com/t1684-topic


هذا موضوع بسيط يشرحلك كي نقعد راني نعاود كامل المواضيع 

شكرااااااا أمينة على الوصفة و الله راكي فحلة 

هو يشايه لتيعنا مي كاين بعض الاختلافات

مثلا حنا مانديروش النشاااء خلاااه هكا يجي معصّد عاقد يعني 

و زيد القرفة نحطوها غير من فوق للتزيين برك مانديروهاش فالخليط

شكرا علّمتينا لقطة جديدة 

سارة يا سارة شكرا عالرد ايه جربيه انا نحبو سورتو كي نديرلو الكاوكاو كي يبرد ايجي روعة

سمسومة ميغسي عليك قانا ايييه كل واحد كيفاش يديرو خاصة قسنطينة مشهورين بيه

سارة و الله كنت دايما نسيي كيفاش نكتب اسمي في mes recettes

واحشمت نقلك كترت مالاسئلة قلت راكم مشغولين ايا ابقاو على خير باي je te bousse hhhhh