نصائح لكل عروسة ومتزوجة

♥♥ عدد المساهمات : 21453 تاريخ التسجيل : 08/11/2010

نصائح مهمة لكل عروسة

الى كل عروسة حديثة العهد بالزواج

الأساس الأول

شوفي زوجك بيحب إيه.. واعمليه
حتى لو ما بتحبي الحاجة دي يعني مثلا "لو بيحب
السمك وأنت بتكرهي ريحته إيه المانع إنك تاخدي على نفسك وتعمليه".
وصدقيني الحاجة دي مهما كانت بسيطة، فهي حتفرق معه جدا
لأنه حيعرف إنك عملتيها من اجله

الأساس الثاني

لا تكذبي
خلي دايما شعارك في حياتك الزوجية هو لا للكذب مهما كانت العواقب
وخليكِ دايما صريحة معاه في كل كبيرة وصغيرة.

الأساس الثالث

خليها في سرك

الحياة الزوجية لازم تكون سر بين الاتنين الزوج والزوجة فقط لا غير.
. لذلك ممنوع الكلام
سواء كان مع الأقارب أو المعارف عن عيوب زوجك.
واعرفي أن احترام الناس لجوزك سيكون
من خلال كلامك عنه قدامهم،
وخليها في سرك؛ لأن لا يوجد احد خالِ من العيوب.
وياريت لو فيه عيوب ونفسك تغيريها
لازم يكون بذكاء شديد بعيدا عن النقد والسخرية؛
لأن الرجل الشرقي لا يحب زوجته تنتقد تصرفاته...
يعني مثلا تقولي له بأسلوب لطيف
ما هو رأيك يا حبيبي لو تعمل كده؟
وخليه دايما يحس إن حبك له، وخوفك عليه، هو اللي خلاكِ تقولي كده، وإنك عايزة تشوفيه في أحسن صورة.
واعرفي أنك لو أغمضتِ عينيك عن أخطاء زوجك الصغيرة،
فهو كمان سيغفر لك أخطاءك اللي ممكن تكون كبيرة.

الأساس الرابع

خليكِ مستمعة جيدة لزوجك

وقولي رأيك في كل اللي بيقوله بأسلوب جميل؛ لانه سيقربك منه جدا
وحيخليه يقول لك على كل حاجة كبيرة وصغيرة في حياته
وتبقي أنت موضع كل أسراره، وده طبعا شيء كويس جدا
لأنك ستكوني الشخص الوحيد اللي يلجأ إليه لما يتعرض لأي مشكلة.
ياريت كمان تكوني ذكية، وتعرفي.. متى تتكلمي؟ ومتى تسكتي؟..
يعني لو جاء زوجك تعبان وشكله متضايق
في هذا الوقت تسكتي نهائي، ولا تلحي عليه في السؤال..
مالك؟ مالك؟ اتركيه يهدأ وهو اللي يبدأ يتكلم.

الأساس الخامس

خليكِ فراشة في البيت
خليك مرحة في بيتك.. حاولي تدخلي السرور والبهجة إلى قلب زوجك،
ولا تحاولي تكسبي عطف زوجك بأنك كل ما تشوفيه
تقولي إنك تعبانة ومرهقة؛
لأنه بصراحةالرجل بيهرب من المراة المتمارضة كثيرة الشكوى.
كذلك لا تكوني واحدة تقليدية في لبسك،
بأنك مثلا تظهري بنفس المظهر كل يوم.. يعني حاولي تغيري في لبسك
.. في تسريحة شعرك.. في طريقة كلامك.. حتى في أصناف الأكل اللي بتعمليها.
حاولي تجددي وتبتكري أنواعا جديدة غير اللي هو عارفها،
وده علشان الملل ما يتسرب إلى قلبه.
وخليكِ عارفة إن الزوجة الذكية هي اللي تنجح في كسر روتين الحياة اليومية.

الأساس السادس

ما تدخلي اي شخص بينكم
وده أهم أساس في العلاقة بين أي اتنين..
ولا احد يدخل بينكم نهائي في أي خلاف يحصل،
وخلافاتكم تحلّوها بينكم وبين بعض..
ولا مانع إنك لو كان غاضب وثائر أثناء الكلام
اتركي الغرفة اللي هو فيها وتروحي أي مكان تاني لغاية ما يهدأ
وحيجي لوحده يعتذر لك، ويقول لك حقك عليّ
وخلي دايما صوتك واطي أثناء أي خلاف بينك وبينه وفكري كويس
في كل كلمة بتقوليها ولو حسيتي إنك حتغلطي
تسكتي وتركي الغرفة اللي هو فيها، وإياك تطلبي الطلاق.

الأساس السابع

إياكِ والمقارنة

اياك تقارني بين زوجك وأي راجل تاني مهما كان..
أو بين عيشتك في بيت أهلك وبين عيشتك في بيت زوجك،
وخليكِ دايما راضية باللي ربنا كتبه لك ولا ترهقيه بطلبات تفوق إمكانياته؛
وبكده ممكن يمد إيده لكي يحقق طلباتك..

الأساس الثامن

الدنيا يوم حلوه ويوم عكس
خليكِ زوجة عاقلة واعرفي إن الدنيا مش ماشية على وتيرة واحدة
يعني حتلاقي يوم حلو ويوم مر لذلك اصبري
وكوني عوناً لجوزك وقت الشدة، واياك تتخلي عنه وخليك دايما بجانبه.

الأساس التاسع

استشيريه في كل حاجة
استشيري زوجك في كل حاجة تخصك
وفي كل خطوة قبل ما تعمليها..
خليه دايما يحس إنه هو صاحب القرار والرأي..

الأساس العاشر

اهتمي بأهله
لا تنسي إنك تهتمي بأهله، وتزوريهم دايما،
وتجامليهم في أي مناسبة
حتى لو كان هو مش فاضي أنت اذهبي واطمني عليهم؛
لأن الموضوع ده حيسعد زوجك جدا

منقول للافادة

مشكورة

» حمام عروسة
» عروسة جديدة
» زيني حاسوبك ليصبح عروسة