حمام عروسة

سلام عليكم

بنات جبتلكم اليوم صور تاع حمام بنت خالتي

بسم الله بدينا

هاذي صورة لجزء من البلاصة لي نقعدو فيها بعدما تدوش العروسة وفاميلتها وصحاباتها

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي صينية القهوة 

[ندعوك للتسجيل في المنتدى أو التعريف بنفسك لمعاينة هذه الصورة]

وهذا السكر ههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي صينية القاطو تاع الفقيرات لي جاو يغنيو

[ندعوك للتسجيل في المنتدى أو التعريف بنفسك لمعاينة هذه الصورة]

وهذا القاطو مقروظ + مقرقشات + عرايش + قنيدلات

[ندعوك للتسجيل في المنتدى أو التعريف بنفسك لمعاينة هذه الصورة]

وضرك لحوايج تاع العروسة

هذا القبقاب تاع الحمام

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي الكرباية فيها بشكير و سوغتيدبان وبانتوف وعكسة تاع راسها  كي تدوش تلبسهم وتخرج تبرد شوية ومن بعد تلبس قندورة

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي قفة فيها الفوطة والخزم والطاسة والشومبوان وجال دوش والشمع لي ندخلوها بيهم للحمام

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي لعروسة كي تولي خارجة من الدار تلبس قندورة تاع أمها ولا جداتها ولا أي وحدة من العايلة أزوزت قبلها

بنت خالتي لبست قندورة تاع خالتي وكي ولات خارجة لبست البرنوس فوقها

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي كي تولي داخلة تتدوش تلبس هك وتغطي وجهها والفقيرات تغني وراها والبنات هازين الشمع ونزغرتو

[ندعوك للتسجيل في المنتدى أو التعريف بنفسك لمعاينة هذه الصورة]

وخسارة مصورتهاش كي خرجت من الحمام ولبست قندورة أخرى

وهذا هو الحمام

عادة قديييييييييييمة ياسر وخالتي رجعتنا ليها

نتمنى يعجبكم 

في انتظار ردودكم

كوكي شكرا عالصور وكل شيء مبروك لبنت خالتك ربي يزين سعدها

ان شاء الله 

حنا مكاش هاد العادات قع ياحسرااااه 


والله حطة كي يكون لملمة تع الحمام 

شكراااا لك

كلش مبروك على بنت خالتك و لعقوبة ليك ان شاء الله و لكامي البنات 

عادة الحمام هادي حتى عدنا يديروها بص الحق انامانحبهاش 
اوووووهخخخه الزغاريد و الغناء و القهوة نفس العادات


عجبني غير السكر هههههههههههههههههههه


ربي يحلي ايامها و يسعدها و يهنيها

مرسي أمينة ولينا

إيه لينا أنا تاني منحبش الحمام بصح خالتي دارتو منقدروش منروحوش

أمينة هو صح عادة قديمة ومبقاوش يديروها خلاه على هاذي بالاك متعرفيهاش

أنا منحبوش بصح بصراحة عقبناه روعة ضحك وتمسخير روعة روعة

يعطيك الصحة كوكي ماشاء الله تبارك الله والله رووعة كي غير جيت للحمام ومانجيش للعرس ههههههههه والله حطة حنا ناس العاصمة تان يديرو الحمام مي دوك تبدلت الحالة رجعو يكروه غالي ونص الغاشي رجعو مايروحوش لحمام العروسة يعني يروحو اقرب المقربين ولا العروسة تدي صحاباتها برك تاع صون سمير باش ماتغليش اعليهم مولات الحمام

مي التقاليد يبقاو تقاليد ومكانش ماخير منهم شكرا مرة اخرى ولعقوبة ليييييييييك ان شاء الله

شكرااااا كوكي على الصور 

اييييييه عدّا رووووووووووووعة هههههههه

شكرا على مروركم بنات

حاجة باينة مننساكمش وأي حاجة تصرا نقول نصورها للبنات هههههههههه

إيه حنا تاني العادة هاذي تقريب مكانش لي يديروها غير القليل القليل

وزيد هاذ الحمام تاع خال جداتي محبش يسلك على خالتي تسمى من عندو 

بصح منعرف بقداه يكريه

الحق القعدة فيه ترد الروح وزهينا ياسر والله خير من العرس

الله الله كلش بالطبع
مع اني مانحبش الحمام بصح عجبني كيفاش درتو رووووعة
ربي يهنيها ويعطيك الصحة على الصور والمجهودات كوكي