مادا لو طلب منك خطيبك.......

السلام عليكم عندي موضوع شاغل بالي مادا لو طلب منك خطيبك ان لا تعملي وان تبقي في البيت حتى قبل ان تكون في بيته يعني مازالك في دار باباك مع العلم انك وجدت منصبا يتمناه جميع من لهم شهادة وعاطلون عن العمل علما انك قبل ان يخطبك كنت لا تعملين وفتح معك الموضوع واستهزات بالامر لعدم وجود عمل او منصب هل تتخلين عن المنصب الي رزق من ربي تعاوني به روحك واهلك او تتخلين عن الشاب الدي مشكلته الوحيدة والكبيرة الغيرة

اختي انا راني مخطوبة وقبل مانكمل قرايتي قالي مكانش خدمة
ودرت سطاج وخدمت وكي جاو قالي حبسي حبست بدون نقاش
اذا قادر اعليا يوكلني ويشربني علاش نزعفو ونخلي علاقتي معاه
دائما متشنجة وماشي مريحين اذا كنت برا ديما العياط والتليفون والدواس وهذا شكون وهذا علاش هدر الخ راني خدمت ونعرف واش هي الخدمة وواش هوما الرجال مع خطيبك اذا غيور انا ديالي بدون اوصاف مكانش منو قاع قدما توصفيه

لكن بعدما حبست الخدمة تهنيت ووليت كبيرة في عينيه صح غاضتني عمري حبيت نكمل باش نجهز روحي ويكون مصروفي في جيبي مي الله غالب وفالاخير خطيبك اذا دارلك ولا طلب منك حاجة معنتها في مصلحتك انتي المهم شهادتك في يدك اذا وقدر ربي هاذي دنيا ربي يبعد اعلينا المصائب ان اشاء الله لكن عندك سلاحك المهم كملتي الشهادة ديالك
واذا درتي واش يقولك خطيبك رايحة تكبري بزااااااااااف في عينيه صدقيني توالفي مع الوقت

وهذا رايي

موفقة حبيبتي
،،

باينة بللي حابة تخدمي بزاف ..الخدمة تحسسك بلي تعبك في قرايتك ماراحش في الباطل و تحسسك بقيمتك و استقلاليتك و كيما قلتي تعاوني روحك في التجهيزات
بصح خطيبك غيور و مش حابك تخدمي من درك شوفي حاولي تهدري معاه بالعقلية و تقنعيه و صلي صلاة الحاجة باش ربي يعاونك ..هدا رايي

لكان ماكيش عارفة واش تديري و محتارة صلي صلاة الاستخارة و ربي اكيد يبينلك واش لازم تديري و يسهلك امورك
لكان خطيبك عصبي و مستحيل يقنع و خايفة تتضرر العلاقة بيناتكم امرك لله ما تخدميش و عسى ان تكرهو شيئا و هو خير لكم بالاك ربي شايفلك خير كيما تخدميش

المهم ختي ضلي و ادعي ربي ينور بصيرتك هادي اهم حاجة تديريها

ربي يوفقك

امييييييييييييييييييييييييين هو يقعد يقعد وتجيه الحالة على الخدمة والله كيما قلتي جربت بلا الخدمة وجربت بالخدمة هكا راني نعاون في روحي ومانتقلش على والديا وقلتهالو صراحة واقتنع نوعا ما بصح ادا عيطلي وسمع صوت راجل في المحيط قريب يخرجلي من التليفون ويرجع ال بطلي الخدمة

هذاك هو البروبلام المحيط لي ياثر عليك اكثر باسك
تقدري تريحي تخدمي نورمال مي اذا عيط وهدرو معاك
تخلاص اعليك ماااااااال
ماتقدريش تتجنبي واحد يهدر معاك في افار خدمة مديرك
ولا اي واحد المهم في ظروف خدمة
ونتي ماترديش
وزيد اعيطو غير فالوقت
لي يكون فيه خدمة المهم باش
ربي يكشفك وتولي في حل واربط
ويقلولك خلي التليفون مفتوح نسمع

المهم عايشين بالخلعة

------------

والله تقول عليك معايا صح يعيط غير في الوقت لي نكون فيه حاصلة مع الخدمة ولا في اجتماع ونخلي البورتابل مفتوح

RÈÐ PËÃRŁ كتب:

اختي انا راني مخطوبة وقبل مانكمل قرايتي قالي مكانش خدمة
ودرت سطاج وخدمت وكي جاو قالي حبسي حبست بدون نقاش
اذا قادر اعليا يوكلني ويشربني علاش نزعفو ونخلي علاقتي معاه
دائما متشنجة وماشي مريحين اذا كنت برا ديما العياط والتليفون والدواس وهذا شكون وهذا علاش هدر الخ راني خدمت ونعرف واش هي الخدمة وواش هوما الرجال مع خطيبك اذا غيور انا ديالي بدون اوصاف مكانش منو قاع قدما توصفيه

لكن بعدما حبست الخدمة تهنيت ووليت كبيرة في عينيه صح غاضتني عمري حبيت نكمل باش نجهز روحي ويكون مصروفي في جيبي مي الله غالب وفالاخير خطيبك اذا دارلك ولا طلب منك حاجة معنتها في مصلحتك انتي المهم شهادتك في يدك اذا وقدر ربي هاذي دنيا ربي يبعد اعلينا المصائب ان اشاء الله لكن عندك سلاحك المهم كملتي الشهادة ديالك
واذا درتي واش يقولك خطيبك رايحة تكبري بزااااااااااف في عينيه صدقيني توالفي مع الوقت

وهذا رايي

موفقة حبيبتي
،،

عندك الحق سارة ادا حبيت لازم تضحي على جالو
لازم تكون المفاهمة من الاول
موفقه انشاء الله

والله صعيبة بعد مالقيتي خدمة بطلوع الروح يحبسك هو عابالو قداه جريت علاها هدي الخدمة بالصح ماتقبلش معاملتي مع الرجال ادعيولي برك ربي يسخره لي ويهدينا امين

salam alikom walah c'est un sujet très intéressant moi personnellemnt manich makhtouba wrani khadam mais koun yeketeb rabi lazem netfahem maah fe début ala khedma lazem houwa yakbel wana tani

nadjetn كتب:

salam alikom walah c'est un sujet très intéressant moi personnellemnt manich makhtouba wrani khadam mais koun yeketeb rabi lazem netfahem maah fe début ala khedma lazem houwa yakbel wana tani

وعليكم السلام ان شاء الله اختي الوحدة لازم من الاول تعطي شروطها باش ماتتكلخلهاش مع التالي

ربي يرزقك بالزوج الصالح

شوفي أختي أنا عندي شهادة ليسانس علم النفس قبل ما نتخطب كنت نخدم و حاجة ما خاصتني و نهار اللي تخطبت قاللي خطيبي حبسي الخدمة حبست الخدمة بلا نقاش ونزيدلك والله غير أتهنيت في وقتنا هذا ما ينفع المرأة غير الدار أتخيلي كنت على السابعة تع الليل مازال ما دخلت الدار والسرقة دايرة حالة واليوم راني مهنية تخدي رايي أرضي زوجك تتهناي وربي يهنينا كامل ان شاء الله يا رب.

سلام اختي و كامل لبنات صح واش رايو عليك الاخوات علبالي راني وحدي في هاد الحالة حتى لقيت شكون يونسني مي الحمد لله شرط عليا منخدمش و انا وافقت و حتى ذرك في نقاش ولا يجي كونكور نقلوا يجيبها بتمسخير معايا روحي و منا و مي في الصح يقلي تفاهمنا النهار الاول و انا مرات نقول علاه مخدمتش درت شحال من حاجة مع انو مكانش معارض خدمتي قبل الزواج قالي كي تجي خلاص مكانش خدمة و هكذا هو لي يهموا نهار واحد اخر يقلي تهلاي فيا و في اولادنا خير من لي ناكل ماكلة بايتة ولا نجيو في وقت واحد من الخدمة نشوفوا بعضانا بالوقت و صح كي تكون لمرا خدامة مسؤولية كبييييرة و انا وحدة متخلية عليها داري خيرلي و ربي يخليه ليا و ربي يهني كل لبنات يا ربي انت اذا حاولتي و متصاوبش مكلاه تكبريها اختي ديري لي تريحكم في زوج و متعكرش عليكم حياتكم و انت تبري في عينوا

انا نقلك خلي عندك استقلالية ومازلتي مش في ذمتو باش يحكم فيك على الخدمة وبالاخص اذا كان المكان لي تخدمي فيه محترم لانو يوالف بيها ويبقى اي حاجة يحب يدخل فيها انت من الاول فهميه باسلوبك انو مادامك في دار باباك ماعندوش كلمة عليك وانا هذا رايي

سلام يا حبيبتي اذا هو قادر يعيشك و بخدمتو و لاباس بيه بمعنى اخر اذا هو تاكل على روحو حبسي و هذا بعد ما تتناقشي معه بهدوء و فهميه و قوليلو رغبتك هي حابة تخدمي لكن اذا ماحبش و انتي ماحاباش تخسريه ماتخدميش و شوفي الراي اللي يخرج عليك و بالتوفيق