خطيبك بالنسبة لك ؟

كي نتخطب راني نقلك ميار

نبدا انا بسم الله اليوم نفرغ قلبي .انا وخطيبي عرفنا بعضنا مدة تاع 9سنين والحمد لله علاقتنا خرجت لنور وتخطبنا بعد قصة حب تقدرو يقول رميو وجوليات من المشاكل والعقبات لي كان يصراو.

المهم انا خطيبي هو كل شي في حياتي بعد العائلة طبعا وهو راس مالي في هدي الدنياوماكاش لي يجي في بلاصتو مهمل كانت صيفت وراني معاه حت لدقيقة الاخيرة معاه في الحلوة والمرة وموحال نفرط فيه ولكان العمر يتمد نمدلو من عمري والحمدلله هو تان يبادلي نفس الشعور .

ولا قدر الله والموت بعدت عليا بعيد الشر نموت معاه يعن نموت جسديا يدي كل حاجة مليحة كانت فيا وما نحوس حت علي حاجة من بعد.


هدا رايي وكل واحد واريو وبلاك تقول راكي تبالغي مي هدي هيا الحقيقة .وانشا الله ما يحرم حتي واحد من انسان عزيز عليه .


شحال كتبت اسمحولي فرغت قلبي هدي الهدرة ما قلتهالوش ......................راكم تعرف باش ما يتلعش فوق راسي.

يعطيك الصحة ميار جاري الاجابة
،

انا نحب خطيبي باسك تعرفت اعليه من مدة طويلة الله ابارك



يعني مانقدرش نيماجيني روحي بلا بيه

واذا تحتمت وتفارقنا بعيد الشر مكانش لي يدي بلاصتو

ومانتزوجش اصلا ....



ماشي الرجال لي خاصين لكن قلبي مديتو لواحد برك ومانقدرش نحس مع غيرو بنفس الشي



شغل نخدع السيد برك وانا مانقدرش نعيش مع واحد مانحبوش باسك نبان

والزواج مبني على حب انا مانقدرش نتزوج مع واحد مانحبوش
يعني ماشي علاجال نكمل نصف ديني هات نتزوج برك

وكاين لي يخمم هكا المهم تزوجت علاجال الناس

انا نشوف واش يساعدني انا ماشي الغاشي

باسك لوكان عيني نتزوج لوكان راني دوكا بذراري


مي القلب وما يهوى والقلب توجور يحب الحاجات الصعبة ولي ماجيش بالساهل



وانا نستناه ونساعفو يالوكان نولي عجوزة



+++++++++++

اما على العقد لبنات كامل يخلوه لاخر دقيقة صح هاذي دنيا الضامن ربي
تخافي تعقدي وبعيد الشر ترجعي ارملة ولا مطلقة بدون دخول وتخسري حياتك اذا كنتي قادرة تتزوجي غيرو بعد هاذ الشي

واذا راهم اعمرولك راسك كي عقدتي اخطيك من الهدرة يابنتي وربي يزين سعدك

باسك كل وحدة وظروفها وكل وحدة وتخمامها وكل وحدة والراجل لي راهي معاه يعني راهي فيها اختلافات كبيرة

وربي يخليلنا ازواجنا ويهنينا ويجمعنا بيهم عاجل غير اجل امين

*****************

او لوكان عرفتو نهار تخطبت ممكن يكون جوابي مغاير


-----------------------
مشكوورة على الموضوع

من بعد كي تزيدي تردي نتناقشو خخخخ

واذا ماتفاهمناش ندير محامي شهرة

رد ديالي طويل على الموضوع

والله انا تان رايي من راي البنات و كون نقلك حاجة انا جامي خممت نكون لاخر حتى راكي انتي طرحتي هادا الموضوع
انا زوجي ما عرفتوش من قبل يعني عرفتو سمانة قبل الخطبة و مدة خطبتنا راهي ماشية في العام مي صح حبيتو و صح تعلقت بيه بزاف و في حياتي ما خممتش نكمل مع اخر و نتمنى ان شاء الله ما نتحطش في موقف كيما هادا نموت انا قبلو و هو يدبر راسو هههههههه

شكرا على الموضوع ميار

SOUMIA كتب:

والله انا تان رايي من راي البنات و كون نقلك حاجة انا جامي خممت نكون لاخر حتى راكي انتي طرحتي هادا الموضوع
انا زوجي ما عرفتوش من قبل يعني عرفتو سمانة قبل الخطبة و مدة خطبتنا راهي ماشية في العام مي صح حبيتو و صح تعلقت بيه بزاف و في حياتي ما خممتش نكمل مع اخر و نتمنى ان شاء الله ما نتحطش في موقف كيما هادا نموت انا قبلو و هو يدبر راسو هههههههه

ربي يحفظكم لبعضاكم و يسعدكم يا رب

انا صح طرحت الموضوع لكن لم احدد اذا كانت هناك معرفة مسبقة

بالخطيب او لا لان الحب ما علبالكش وكتاه يجي المهم كيفاه زيو الحب هذا

( مقداره) ربي يهنيك اختي معاه و راني معاك و مع البنات ف واش قلتو كامل و ظهر

عندنا نفس التخمام هههههه الله يبارك و بصح راني معارضتك في حاجة صغيرونة

الجملة الاخيرة تع نموت قبلو و الله نتمنى نموتو انا واياه مع بعض ما يخليني وراه

و نخليه ورايا هههههههه الله غالب هذه بيد ربي

ههههههه ميار يا سيدي ربي يطول في عمركم مع بعض على طاعتو و تشوفو ولادكم و ولاد ولادكم يا رب

هههههههه مانجيبلكش شهرة ماتخافيش

+++++++

هي كي جاوبو بالنفي ماشي قضية مايحبوش خطيبهم ممكن الظروف ماتساعدهمش ولا عقلياتهم هكاك

راني قتلك العقد راه على حساب الظروف وكل وحدة وواش حابة دير

----------
نستناو ردك ونشوفو واش حابة تقولي

يعطيك الصحة ميار و الله كيما يقولو ياهيك الستات يا بلا

ماعليش ميار ندخل مانيش مخطوبة بصح نقلك حاجة لاثراء النقاش و التفاعل

ماهيش فكرتي حاجة واقعية


نتي راكي تقولي كن مانتزوجش بيه مانتزوجش بغيرو ابدا

راكي مفتحة وعاقدة نقولو بعيد الشر والمكتوب بيد ربي سبحانو

اتخيلي ماهوش من مكتوبك وماكيش مكتوبو ومكتوبة غيرو تتزوجي بيه

لأنو ربي سبحانو كي يكتب حاجة لواحد تلحقو تلحقو حتى وكانت ماهيش الغاية تاعنا وماناش حابينها

لازم تكون هاذي الفكرة ثاني في راسكم علاه


علخاطر بعيد الشر يصرا طارىء تكوني على الاقل نفسيا كاينة في بالك



و الله اعلم


ربي يهنيكم كامل مع زواجكم و يتملكم على خير


وميار ربي يخليكم لبعض وماتكوني غير ليه

لالا حنونة ماكيش غالطة ورايك قريتو في الرد الي قبل وعجبني

راني قتلك ماهوش رايي هاذا حطيتو برك لاثراء الموضوع وباه نزيد نهدرك اكثر " longdesc="52" />


ايا مليح كي فرغتي وش كاين في قلبك

وراني قتلك قبل مادامني مانيش مرتبطة مانقدرش نعطيلك رايي حسب الشخص اذا يستاهل ولا لالا

تقبلي مروري