ممكن نصيحة !!

لبنات انا عندي مشكلة بالاك تبانلكم جايحة
كانت عندي علاقة مع شاب .......... يقرا معايا فالجامعة عندها اكتر من عامين
لكن هدا العام تعرف هو على شخص جديد و تقرب منو بزاف
و بحكم الصداقة لي بينهم
كنت نهدر معاه مرة على مرة بعلم من .......
مع الوقت ظهر هدا الشخص بلي انسان لاباس بيه و انسان متخلق
و بديت نحس بالملل اتجاه .........
واش ندير راني مقلقة بزاف
+
و راني خايفة ادا وليت مع هدا الشخص الجديد
....... يحكيلو امور تفسد علاقتي بيه

اختى حبيت نسقسيك
هذاك الشخص الاول اللي كنتي معاه كان جدي وناوي يتقدملك ويكمل معاك
ولا كانت مجرد علاقة ؟؟

كيما قالت الاخت سارة

ماشي مليحة لسمعتك

وزيد الثاني يقول بلي راها من واحد لواحد والدليل انو كنتي مع صاحبو
والاول ايضا نفس الشيء

سلام أختي
تبانلي في زوج ماهمش جادين الأول لو كان جا سيريو معاك وناويك للحلال مايخليش صاحبو يهدر معاك
والثاني مابينلكش حتى حاجة
تاخذي رايي اخطيك منهم في زوج

سلام اختي ربي يهنيك و يسعدك
رايي من راي عروس الاوراس
اخطيييييييك منهم في زوج و اللي باغيك يجيك لباب داركم ماشي من الطاقة
ممكن تقولي في بالك هكا ما نتزوجش قاع و لا العقلية تاع درك مش كيما بكري
انا نقولك اللي كتبهالك ربي هاديك هي
و ماكاااانش منها بنت فاميليا محترمة لاباس بيها ما يخزر و ما ينويها حتى واحد
ديري ربي في قلبك و اخطيك من توسويس الشيطان

(رايي المتواضع)

انا تان من راي البنات كون جا ناويك صح ما يخليش اصلا صاحبو يهدر معاك و ما يحرقكش و يقول هادي راهي معايا و التاني قادر درك راه يبانلك مليح و حتى و تروحي معاه بعيد مي يبقى شادلك بلي كنتي معا صاحبو و يولي في اي مشكل يعايرك بيها الرجال ما ينساو والو مش كيما حنا
و ربي يقدملك اللي فيها الخير

يا اختى ماش انتى الى كنتى تحكى على الخطبة؟ راكم دوختونى؟ ديرو اسماء باش انفرق :(


المهم ديرى كيما قالو لبنات تقلى روحك

اهلا اخت ملكة الجزائر

هاد العضوية اسمها مشكلتي لكل وحدة عندها مشكلة وماحبتش تحطها باسمها

مالا تحطها بهاد العضوية

شكرا ع التوضيح يا اختى لكن انا قلبى اتقطع قلبى مع هاديك الى تشكى على خطيبها درك هادوك كامل ماش وحدة برك يعنى كل قصة وعندها مولاتها؟ يا انا الدابة

ملكة الجزائر كتب:

شكرا ع التوضيح يا اختى لكن انا قلبى اتقطع قلبى مع هاديك الى تشكى على خطيبها درك هادوك كامل ماش وحدة برك يعنى كل قصة وعندها مولاتها؟ يا انا الدابة

ههههههههههه والله ماقدرت مانرد اعليك ملكة ضحكتيني



اضحك الله سنك