لو كنتم في مكاني عاونوني؟؟ نصيحة بارك الله فيكم

السلام عليكم ورحمة الله بركاته.. كل عام وانتن بخير

والله ترددت كثيرا في طرح مشكلتي لكن ان شاء الله تساعدوني
انا مخطوبة ومن النوع الغيور جدا الى درجة لاتطاق لكن لست من النوع التي افتعل المشاكل وعندي ثقة عمياء في خطيبي بحكم اني نعرفو من مدة قبل خطبتي.
اسمحولي نهدر بالدارجة لأني تحت التأثير وماقدرتش نكتب ! " longdesc="18" />

خطيبي عندو فايس بووك وعندو امسن لكن ماعندوش اي كونتاكت تاع بنات وعندي مود باس ديالهم لزوج يعني مرة على مرة ندخل نتفقد وعلابالي بلي ماعندوش من غير هاذوك الزوج تاع لي كونت لأنو يستعملهم غير هوما المهم اليوم كعادتي رحت نتفقد الفايس بوك ديالو ولقيت كونتاكت تاع طفلة وعلابلكم شعور ديالي كيفاش رجع .... ! " longdesc="18" />
وزيد غير البارح برك لي اجوتاها وزيد تان هو لي اجوتاها قلبي تقطع " longdesc="18" />
بعدها شفت فالبيانات ديالها لقيتها اكبر منو ب5 سنين وزيد ارملة لكن بعد مشاهدتي لصورها وكلش لقيتها انها صغيرة واي واحد تعجبو ..
لكن بعدما خربت مليح لقيت انو المجال تاع العمل ديالها يترابط مع مجال عمل خطيبي لكن هذا ماشي عذر انو يزيدها فالكونتاكت ديالو

والله ماعرفت واش نهدر تحطمت نفسيتي ضربة وحدة

وزيد الحاجة لي مافهمتهاش علابالو بلي ندخل لتم ونشوف واش تفهمو منها هاذي ؟؟

وهاذ اليامات راني نلقاه بزاف اوناتونت فالليل مي يقلي الخدمة


يعني واش رايكم نستناه حتى يقولي ولا نهدر انا بلي شفت ولا نخبيها في قلبي
ولا نخلي نشوف حتى نحكمو بالجرم المشهود اذا كاشما كاين
ولا انا لي موسوسة بزاف جاوبوني الله يعطيكم الخير

شوفي ختي الشك والتوسويس ما شي ملاح وقادرين يخرب العلاقة لي بينك وبين خطيبك بلا ما كاين حتي حاجة .
انا من جهتي زدي اصبري عليه و راقبيه بلا ما تخليهيحس بلي راك شاكة فيه. وانشاالله ما كاين والو

شكرا على الرد والله ياختي راني محطمة وهاذي ماتدخلش فالتوسويس لاني لقيت كونتاكت يعني شفت وزيد من الصباح وانا نعيطلو مايرفدش اعليا قلت ممكن عندو pus واحدوخرا يستعملها لانني مانعيطوش فالنهار بزاف والله ماعرفت كل مرة نخمم في حاجة وانا باش نخليها في قلبي والله مانقدر

اختي ماتتوسوسيش بزاف ممكن حاجة خاصة بالعمل ديالو لوكان هكاك مايزيدهاش ولا يدير كونت وحد اخر
وياجوتيها بعيد على عينيك

شوفي اذا قدرتي تحمليها خلي عينك من بعيد حتى يقلك هو وحدو ولا ماقالكش خلي شوفي وين ماشية الحالة

واذا ماقدرتيش اهدري ديركت انا في بلاصتك مانحملهاش ونهدرلو

بارك الله فيك يااختي الكريمة
حتى انا خممت هكاك مي مكانش منها هاذي حاجة تاع خدمة تبقى فالخدمة رايحة نهبل
وراه رفد اعليا مي ماهدرت والو مي حس بلي راني مشنفة اعليه يعني الاحتمال تاع la pus راح

لانو قالي كان راقد بحكم مايخدمش اليوم ااه ياربي

شفتي كيفاش حتى تاع التليفون راه بان العذر ديالو

والله ماعلابالي ياختي ان شاء الله البنات ازيدو افيدوك اكثر واصبري ماتهدري والو لحد الان

شكرا اختي على الاهتمام ربي يجازيكم ان شاء الله
والله راني لاصقة فالموضوع نستنى ارائكم لأنو انا نحكي معاه فالليل اكثر شي وحابة يكون عندي حل قبل الليل خطيبي مقلق وعلبالي يديرها بلعاني يتقلق باش مانحاسبوش مي والله مراه سالك اليوم

ماعليش اختي ماتقلقيش دوك يدخلو البنات ان شاء الله ويعطوك نصائح
مي ضحكتيني علابالي ماشي وقت ضحك

مي كي قلتي والله مراه سالك هههه روحي معاه بالسياسة برك

حتى انا راني قريتها وضحكت على روحي والله من التقلاق ماعرفتش واش راني نهدر الله غالب كاشما بقالي عقل والله ماقدرت ندير والو اليوم فشلني . " longdesc="212" />" longdesc="211" />" longdesc="210" />

حبيت نقللك رايي
كي لقيتي هاديك علاش مااجوتيتهاش عندك واحكي معاها عادي وبربشي ملييييييييح انا في بلاستك نديرها
من رايي تاجوتيها عندك وتروشارشي مليح واش كاين من وراها
من بعد اسمعي راجللك واش يقول وواجهيه باش عرفتي طبعا دائما بضحكة
خاصة الضحكة انا مرة هدرت مع راجلي بصيغة منرفزة وحااسبتو سكتلي من بعد سلكتها غالية

وماتقلقيش روحك كاين حوايج كي يفوتو انتي تضحكي على روحك كيفاش كان تصرفك

وزيد متقوليلوش خليه يقللك وحدو وخاصة بللهجة وعلاش رجال ميحملوهاش وميحبوش المرا تحاسبهم
ومتخليهش يحس بلي مراكيش مدايرة فيه الثقة

يعطيك الصحة اختي على الرد ديالك والله جامي حاسبتو وجامي عسيتو ديما هو عقابي ويحاسب فيا تخليت على كلش علاجالو ومن بعد يخرجلي بهاذ الخرجة غير هاذي لي مانجوزهالوش صح صباح كنت مقلقة بزاف باسك كنت هذاك وين شفت العفسة مي دوك راني تكالميت شوية وبديت نخمم في واش نصحتوني مي انا من الشخصيات لي مانقدرش نخبي كي نتأثر ولا كي نكون مقلقة ولا زعفانة يعني يبان فيا الغش المهم انا رايحة نشوف واش ونستناه اذا يقلي هو باسك راه غير البارح صرات وماهدرتش معاه نصبر على سعدي رغم اني رايحة نطرطق ونسيي مانبينلوش واش كاين... اما على ناجوتيها ياختي مانقدرش باسك ندير حاجة عيانة وانا نعرف روحي فمي ماشي ليا وتولي كبيرة راني نخبركم ان شاء الله ولي تدخل لمشكلتي ماتبخلش اعليا ربي يهنيكم

السلام عليكم

ختي انا من رايي ماني شايفة حتى مشكل كون حاب يدير معاها حاجة كاين التلفون و يقدر يشوفها ديراكت علاه حتى ياجوتيها في كونت نتي تقدري تدخلي ليه
ما تتقلقيش و خلي عندك ثقة في روحك

ولاكان قلقتك لحكاية للدرجة هادي اهدري مع خطيبك بالسياسية و بلعقل و قوليلو شكون هاديك اللي اجوتيتها و خلاص
ما تكبريش الحكاية انا هدا رايي

صح كيما قالت نور متقلقيش روحك

وخبرينا واش درتي بالاك يصرالي موقفك كاش نهار هههه حتى انا غيورة ومنحملش

انا رايي من راي نور
كون حاب يدير وحدة علاه ياجوتيها في كونت انتي تقدري تدخليلو يقدر يدير كونت اخر و هادي حاجة ساهلة

ما تقلقيش روحك و كثري من الاستغفار و اصبري شوية و ادا ما حكالكش قوليلو انتي بقسرة شكون هاديك اللي اجوتيتها ياك علابالو بلي راكي تدخلي للكونت ديالو

أختي كي اجوتاها معنتها عادي وعلابالو بلي عندك المودباس ديالو ولا باه يغيرك يشوف ايدا تغيري راهم في الشك في زوج