عاونوني ( خطيبي)

مشكلتك مهيش عويصة والحمد لله
شوفي كوني صارمة واهدري معاه قوليلو لازم نكونو جديين ونحكو في الموضوع ماناش صغار ورانا في مرحلة مهمة باش نبنو حياتنا المستقبلية من درك ونتفاهمو على كلش
على الاقل موعد العرس كيما قلتي باش اديري حسابك لكلش
اذا شفتيه مزال مطنش وماحبش يكون جدي يا ختي حتى نتي ثاني طنشي ماتعمري راسك ماتمرضي روحك
وابداي في جهازك وماديري والو في بالك
ومن ناحية الهدرة اجبدي روحك شوية ونقصي الهدرة معاه او ابقاي ساكتة في اغلب الاوقات
هوا اكيد رايح يلاحظ بلي ماكيش تهدري بزاف
اذا سقساك قوليلو ياك نتا ماحبيتش نهدرو على المستقبل نتاعنا وانا مالقيت حتى هدرة من غير هذا الموضوع

والله ماعلابالي هذا وش جا في بالي
زيدي شوفي مع المخطوبات رايحين يفيدوك بتجاربهم

موفقة اختي

سلااااااام
اممممم بداية
الا راهو يفكر جديا بالزواج بيك فكاين حوايج يبرهنو بيهم انهم باغيينك بالحلال مش هو برك حتى اهلو
الاعياد وعلاه عملوهم غير على جال انك صرتي نتاعهم باش يحننولك قللبك بيهم
الا مايجيبولكش فيها انة

وزيد على هدا من وجهة نضري الا عقد عليك قانونا راهو مخمم فيك جديا.والا راهو يماطل منعرف بالاك تخمامو في تعقاب الوقت لقاك صعيبة من قبل لقى هدا هو الحل
مش قصدي نخوفك هههه
وبالاك مزال موجدش روحو على المصاريف نتاع العرس والدار
المهم لازم تفتحي معاه الموضوع بجدية الا مقدرتيش ماماك ولا باباك يفتحو الموضوع مع اهلو مافيها والو
من جهة كلمة رجال نتي خاطية ومن جهة تتهناي

ولا تقدري تقوليلو بابا راهو يسقسي على العرس وكتاش طولتو مهدرتوش تقلق يحب يتهنا على بنتو

والا منفعوش هدو كل قوليلو بصريح العبارة هنيني راني منرقدش الليل وولو بكلمة باش نزيد نحبك اكثر
جيبيها بالحنانة
قوليلو تحبني طبعا الاجابة نعم قوليلو حتى انا ومن بعد قوليلو نتمنى نكملو حياتنا مع بعض في دارنا نديرو للولاد وقوليلو ونتا الا قالك نفس الشي قولليلو اوكتاش هيا حنوني حدد العرس

نتمنى نكون افدتك
ارجعي وخبرينا على النتيجة برك

يا اختى عجبنى راى هاجر

ومن جهة اخرى ادا راهو خدام وما خصو والو يعنى لاباس بيه منحقك تتقلقى وتحطيه فى الامر الواقع

ولكن ادا راهو نهار مليح ونهار لا قدرى ظروفو مسكين وحاولى تخليه يحكى بلا مايحس خليه يشكيلك همومو قوليلو والله بزاف تكاليف العرس كيفاه رايحين انديرو و اجبديه حتى يحكى

والله ايوفقك يا اختى

والله يختي غير كان عندي نفس المشكل مع خطيبي نجبد الهدرة من فم بسيف وما جنا ندرو لدات تاع العرس حتى قريب هبلت.والمشكل كان فيو هو .يقل ما نهدرش عاى حاجة ما راهيش في يدي وكي نشك يقل انت على بالك بلي نحبك و انت مرتي ما نيش نتمسخر بيك .ودك الحمد لله كي لحق العرس ولا هو يحكي و يحب يدي راي في كلش ويهدر على توجاد تاع العرس.اختي سعفيه ورواح معاه غبر بالعقل والكلام الحلو و نصيحة من عندي ما تضغطيش عليه حتى يكره منك.

اختي انا ما نيش مخطوبة بصح انا راني مع اكلام هاجر عندها الحق طنشيه او ما تزيديش تجبديلو على المستقبل وبداي وجدي روحك

رايي صلي صلاة الاستخارة وكثري منها وشي لي راهو معاك صرالي وذرك كل واحد في طريقو مكملتش لخطبة وصلاة الاستخارة هي الحل وزيد ماتكثريش تعيطيلو ولا تتلقاواختي ما تقلقيش روحك وناكدلك بعد ما تصليها راح تستراحي بزاف ويبالك وش كاين

صح كلام ريم صلات الاستخارة مليحة بزاف
منعرف كيفاه غابتلي ههه

مرحبا اختي بيك والبنات راهم مدو رايهم ويعطيهم الصحة

هي باش تبطلي عى حاجة مكانش هاذي ماشكيتش ديريها تهدري بك هكا مي كي تلحق للصح والله ماتقدري مي نتي سيي كيفاش تجبدي الهدرة منو بشكل غير مباشر واذا قعد يقلك كلش بالمكتوب ماتزيديش تهدريلو كيما قالت هديل تسماطي ويبدا يكره منك ونتي وجدي روحك ونهار ربي يسهلك ماتكونيش ماشي واجدة ديري الاساسيات لي باينين وزيد ادي من راي البنات رهم قالو كلش ماخلاونا والو

ربي يسهلك اختي وكل ماتحرني على الحاجة راهي تزيد تبعد خليها فالنية علابالي قاع نحبو نكونو في ديارنا ونحبو نعرفو لادات مي كاين ظروف مرات مايقدرش يقلك حاجة ومن بعد مايقدرش اعليها انا نفضل مايقليش خير من لي يقلي ونطمع وككي يلحق الحال يقلي مزال ولا واش قالو!!