خطيبي ديما مقلق قولولي وش ندير

سلام أختي

والله معرفت واش نقول  

ربي يهديه إن شاء الله

ممكن بعد الزواج يتبدل وميبقاش عصبي هك

بصح ديري في بالك الرجال كل هك طبيعتهم هك

حاولي تنحيلو على بالو وكي يكون مقلق ولا عندو مشكل صبريه برك ومتزيديش عليه

وأنتي نقصي لبكاء، وعلاه تبكي؟ الناس كل ساعات راهم لاباس وساعات في حالة

وزيد ديرو رقية شرعية بالاك كشما بيكم عين ولا كاش حاجة 

ربي يعينك أختي أصبري وشوفي معاه

ممكن تتحل مشاكلو يرجع لاباس عليه

nehal et kouki شكرا على الردود ربي يخليكم
بالنسبة للرقية قتلو يدير بصح ماعطاهاش اهمية قالي ندير حجامة على القلقة
انا تاني مادا بيا نليو كيما كنا علابالي لوكان نبقاو هاكا نروحو لحاجة ماهيش مليحة

سلاااااام أختي مرحباااا بيك

أوّل حاجة ننصحك بيها تحلاّي بالصّبر و طول البال و هدوء الأعصاب على قدّ ماتقدري 

إذا كان خطيبك فيه حوايج ياااسر ملاااح يعني رجل صالح و تقيّ إيّاك ثمّ إيّاك تبطلي على جال هاذي المشاكل

أنا نقولك راهي أسباب تافهة على خاطر أنا ثاني جرّبت فترة تاع هبال كيما هكا عليها ننصحك بالصّبر

حاولي ديما تتفاداي المواضيع لي تقلقو و كوني متفهّمة. الله غالب حنا النّساء ديما كيما هك نتحمّلو الهبال و مانعرف نلقاو لي يتحمّلنا ولاّ لا

و ننصحك بحاجة أخرى رقّي انتي و خطيبك بالاك العين راهي لاحقتكم.

نتمنالك الخير و إذا تفكّرت حاجة أني نرجع للموضوع

و الله يا اختي لعزيزة الرجال ماشي كيفنا احنا النسا هوما هكا طبيعتكم و تركيبتهم يتقلقو بالخف و ابسط الامور تزعفهم
عكسنا احنا خلقنا ربي عندنا ميزة مليحة بزاف و هي الصبر باه نقدرو نتعايشو و نتأقلمو مع الرجال 
بالاك كيما راكي تقولي مشاكلو المادية هي اللي تضغط عليه و زيدي يوجد للعرس ماشي ساهلة 
انتي المهم اصبري عليه شوي و كيما قالولك البنات ما تفتحيش معاه المواضيع اللي تزيد عليه و تقلقو 
و انتي رايحة تولي بربي ان شاء الله مرتو يعني انتي هي السكن نتاعو و انتي اللي رايح يفرغلها كامل همومو و مشاكلو
انا نقولك ما تتسرعيش اصبري و شوفي 
و ربي يسهلك اختي و يهنيك.

nehal كتب:

 العفو اختي
عندك الحق القلقة راهي تدير حوايج خري مالا انت عالجي المشكل من ظك متخليش المور تكبر بيناتكم وكل يوم مشكل
كيما قالت كوكي كي تشوفيه مقلق صبريه حاولي تنحيلو على خاطرو

        
 ok:87: ...نحاول انشالله تنفع برك .............اختي نهال معليش نسقسيك.....
 وانت وش عملتي مع راجلك مازالو يقلق

وشكرا ليكم اميرة وسمسومة والله حاسة نحكي مع خواتاتي

العفو أتي

المهم تستفادي من النصائح لي مدوهملك لبنات 

مادام كاين حب بيناتكم بربي أي تتحل المشاكل

راهي فترة وتعدي بربي إن شاء الله

سلام اخت فتيحة

واش انقولك لبنات حفو ووفو

اانا نصيحتى مختصرة

اولا اصبرى عليه و حاولى تعمرى وقتك بكاش حاجة ماتبقايش تخخمى غير فيه وفى ماشاكلو اخدمى كاش حاجة انسايه فاقدى فيه بالكلمة لمليحة استعملى حنانك وانوثتك وماتبقايش تسقسى فيه واش بيك وعلاه مقلقل


مثال عيط وهو مقلق احكى معاه كانو عادى  .واش رايحة تديرى راهم كامل هكدا والله يوم مليح و شهر لالا رايحين يهبلو مساكن ربى يكون فى عونهم راكى تشوفى فى الضروف




صابريه يا اختى والله رح تفرج ان شاء الله


وان شاء الله نسمعو منك خبر مليح

بلا مزيّة أختي رانا معاك 

ماتسمعيش لأختك هاذي باينة مازالت صغيرة 

و جامي تصلّحي الغلطة بغلطة أكبر منها 

و بالتوفيق

يا اختي كامل راهم هاك و درك هو راه داير في بالوا انت مرتو و كلمتو هي اللي تمشي اصبري اللي ما صبر مادار دار و ماديريش على كلام الناس ديري واش يخرج عليك و باينة يحبك و تحبيه بالتوفيق حبيبتي