كرهت حياتي مع خطيبي قلولي وش ندير

بسم الله الرحمان الرحيم أختي الحبيبة أخواتي الفضليات
السلام عليكم ورحمة الله تعالى وبركاته
أنا نقولك بلي ما فهمتش مليح مشاكلك وعلابالي ما تقدريش تفهمينا مليح باسكو بالاك بزاف ما يجوش ضربة وحدة هاذي وحدة برك أنا فهمت منها بلي انت تحبيه بزاف قبل ما تشوفي هو كيفاش داير نقوللك احكيلي على روحك
انت هذا الراجل تعرفيه من 5 سنين وباينة تموتي عليه وخايفة يخليك
اذا ما تقدريش تفرطي فيه ولا تعيشي بلا بيه حاولي تشديه صح وما تزعفيهش إذا كنت واثقة من حبو ليك
أنا متزوجة وحابة نمدلك عقلية جزنا منها كامل في فترة الخطوبة أنا قريت مع راجلي 07 واتخطبت لمدة عام وراني متزوجة في 03 سنين وكنت كيما انت نموت على خطيبي وحاسباتو يموت عليا ما نقولش لالا يحبك خطيبك كيما كان يحبني خطيبي بصح المشكل فيك إذا كنت هكذا خايفة تفارقيه معناها هو يعرف بلي ما تقدريش تعيشي بلا بيه وهذا ما يخدمش المرأة خاطرش يستغل الفرصة وبعد الزواج يجريك
ثقلي روحك قد ما تقدري خليه يتوحشك كيما قالتلك الأخت من قبل
ما تخليهش يشبعك يعود يهبل عليك نقولك حاجة الرجال بطبيعتهم يغيرو من النسا قد ما كان عندو مكانة أنا وراجلي نحضروا للدكتوراه بفضل الله وندرس ويغير عليا ومني تأكدي حتى مع أهلوا كي يحبوني نخلص أنا
ما تستنايش من راجل يقولك كوني خيرمني تفضلي لازم انت إذا كنت تثيري الغيرة ديالو بالاكي هذا أكبر خطأ لأنو يهز الثقة بيناتكم ما تحسسيهش بلي عندك حياة واحدة أخرى أحلى مع زميلاتك وتحكيلو عليها نقصي الكونتاكت بيناتكم
وإذا شفتي روحك نسيتيلو مشاكلو وغفرتيلو لأنو البعد والوقت يداوي ارجعيلو وتعلمي تسيري معاه بذكاء وإذا بقيتي مجروحة وصح كرهتي حياتك معاه اليوم مخطوبة خيرمن متزوجة
وألف من يتمناك كيما يقولو وأنا نقول إذا قاسمولك ربي تديه ولازم تعرفي تسيري معاه وإلا قاسملك واحد آخر وانشاء الله يكون صالح ويعرفلك قيمتك
خاطر قبل الزواج سورتوا كي يقرب يكون الضغط
بصح ماتنسايش الضغط اللي بعد الزواج نتاع الدار والمصروف والواجبات
منين تهربوا منها إذا كان واعي ويستاهلك يعرف يفرق بين زوجتو ومشاكلوا وإذا نقراش على كلش ثم صح اللي تكره المرأة حياتها
وانشاء الله نكون نفعتك اختي العزيزة وربي يوفقك وما تنمناولك غير الهنا انت وكل المومنات

اشاء الله حبيبتي ربي يهنيك معاه
ويفرحكم ببعضكم البعض