خطيبي و التلفون

صباح/مساء الخير

مشكلتي مع خطيبي و تقدرو تقولو زوجي عن قريب هي قلة الكلام في التلفون و حتى في الواقع
خطيبي يخدم بعيد عليا و وسيلة الاتصال الوحيدة بيناتنا هي التلفون
منين يعيطلي ما نلقاش وش نحكي معاه و نبقى نسقسيه وشراك وشراهم داركم واش درت اليوم و تبقى نفس الاسئلة السخيفة تتكرر و هو مايبذلش اي مجهود باش يحكي 2 كلمات يبقى ساكت و بصراحة انا قلقت من هدا الوضع و ماعلاباليش كيفاش نقدر نخليه يحكي يا لوكان شوية برك
ياجماعة مدة المكالمات بيناتنا ما تتعداش دقيقة واحدة في احسن الاحوال
نحير في صحاباتي كل واحدة تقول ساعات يجوزو الليل بطولههي و خطيبها غير يحكيو في كل المواضيع

لبنات انا هدارة بزاف و ماقدرتش نخرج منه كلمة ماعلاباليش كيفاش رايحة نعيش مع عبد ما يهدرش
راهي دخلت الوساوس لراسي و شكيت بلي يعرف وحدة اخرى منين يخدم و هي مملية عليه حياته عليها مايحكيش معايا " longdesc="27" />

قولولي واش ندير

يا اختي والله ماني عارفة
بصح رجال يغلب على طبعهم اقلة الكلام

صارحيه تراه قوليلو علاه انا نهدر وانت لالا احكي معايا احكيلي وش افكارك وش حاب دير وش مقلقك
وانا تاني هكا باه نعرفو بعضانا اكثر ونوالفو ببعضانا ونصارحو بعضانا

وان شاء الله لبنات يزيدو ينصحوك وتلقاي الحل لي يخرج عليك

السلام عليكم
لازم تعرفي لاكان هدا هو طبعو في هادي الحالة تقبليه و مع الوقت ان شاء الله يوالف بيك و يولي يحكي اكتر
ولا ممكن كاين سبب اخر مخليه ما يحكيش ممكن مشاكل في الخدمة ....الخ سقسيه و شوفي معاه و ماتقلقيش روحك بزاف الرجالة اللي يهدرو بزاف و الله يمرضو

بالتوفيق

انا من رايي تهنيتي من الهدرة الزايدة في التليفون خاطر تجيب المشاكل وتمرضك خاطر يولي يحب يعرف عليك كل كبيرة وصغيرة والله انا وحدة من الناس خايفة يروح السر تاعي من ورا الزواج خاطر كي يعرف عقليتك واش يبقى باه يكتشفو بعد الزواج

الرجال قع كيما هاك ما يحكوش بزاف و هي نورمال على خاطر الرجل ما يعرفش يعبر بالهدرة و يعبر بالافعال و حنا نتديروها حاجة كبيرة وديرو عليها وساوس

انا نمدلك نصيحة عن تجربة شخصية انا تان كي كنت جديدة مانلقاوش وش نحكو بالرغم انو عندو لا لين و هو دايما ساكت و مبعد بقسرة و خفة دم قلتلو نديرو الدالة كل يوم يحكي واحد و الحمد لله ولا الوقت ما يكفيناش تالمون اللي ولاو الحكايات بزاف

عجبتني فكرتك سمية

مليحة جربيها اختي وشوفي

وتاني وش قالت ميمي نقصتي عليك هدرة بزاف من بعد يولي يتحكم فيك

وانا من راي البنات وكثرة الهدرة تزيد المشاكل راكي تهنيتي من تكسار الراس عادي احكي واش كاين وبادري انتي باسك الراجل مايهدرش بزااف ماشي كيما نسا وربي يصلح احوالك

عجبتني فكرة سمية معقولة و الله الموفق

احكي على الامور اللي تخسكم وعن الدار وكيفاش تعمروها وكيف تكون مرتو وهو واش يحب واش يكره وكيف تكوني في البيت مع بعض وكيف تتعاملو وعن امور الحياة كلها كيما رانا عايشين

يا اختى حيرتينى؟ درك يدخل فيها قداش انحاجة كاين اسئلة لازم تجاوبيها باش تحطى روحك فى الامر الواقع و المراة لازم تدير حسابها للمليحة والباشعة

درك قداش عندكم وانتم مع بعض؟ تعرفيه من قبل؟ من المدينة او الريف؟ لكان مدة قصيرة نقولو راهو حاشم ومازال ما والفش؟ وادا عندك مدة وتعرفيه ومايحكيش؟ غريبة صراحة انا توسوست؟ لكن انقولو عندو امراة اخرى يحكى معاها ؟ لكن ايجى نهار وين تلقايه يحكى معاك وايطول؟
يا اختى هدا انسان طبعو هكا ان اكدلك يحشم و ايقادرك بزاف وعقلو كبير ويحبك امدايرك شريكت عمرو او ايقول درك نزوجو ونحكو مليح؟

ولكن فى نفس الوقت او قاعد يستنى منك الاهتمام مثال اتصلى به وقت انشغاله و قوليلو اتوحشتك كى تكون قاعد عيطلى ؟ وكى ايعيطلك قوليلو احكيلى واش درت فى نهارك كامل ؟ وهك انتى اعرفى كيفاش تحكى

انقولك حاجة ارواحى عندى رسائل خاصة نعطيك ايمايلى ونحكيو مليح انديرلك دروس خصوصية لانك لازم تتعلمى شوية او الهدرة ماكانش ؟