خطيبي لا يهتم بي

السلام عليكم ورحمة الله تعالى وبركاته

حبيت اولا نشكر ادارة المنتدى كي فتحت هاذي العضوية وعطاتنا الفرصة باش نطرحو مشاكلنا دون احراج

انا مخطوبة وعرسي راهو قريب والحمد لله انا وخطيبي نحبو بعض
بصح في الفترة الاخيرة حوالي اشهر لاحظت بلي خطيبي ماهوش يهتم بيا كيما في الاول
وحسيتو ولا جاف شوية في التعامل تاعو معايا وفي كلامو " longdesc="27" />

ولا كامل مايتفكرنيش نهار كامل حتى انا نبعث ولا نعيطلو ومايسقسيش عليا بزاف
حتى كي نمرض ولا مانكونش مليحة يسقسي عليا غير مرة ومنبعد خلاص ينساني
وجامي سقساني على قرايتي ولا اهتم لحاجة تخصني

راني حايرة وش بدلو
بكري كان يهتم بزاف ودوكا لالا

وكي صارحتو قالي اعذريني مشاغل الحياة ومانيش نقعد ونوجد باش نتزوجو ووووو

مع العلم اني عندي ثاني شغالاتي قرايتي والتخرج والجهاز
بصح جامي نسيتو دايما نتفكرو وفي كل وقت

قلت نحاول نعاملو كيما هوا نولي مانتهمش بالاك يفهمني بصح كي درتها زعف مني بزاف وقالي ماكيش مهتمة
وكي نقلو نتا اللي ماكش تهتم يزعف يقلي علابالك بلي انا مشغول اكثر منك

حرت كيفاش نتعامل معاه وكيفاش نخليه يرجع كيما بكري
علابالي بلي يحبني وجامي يخليني ولا يخدعني بصح راني
خايفة مشاغل الحياة تبعدو عليا " longdesc="27" />

اهلا اختي العفو هذا واجبنآ/

شوفي هاذي هي فترة الخطوبة والتجهيزات لازم توالفي لأن الراجل
ماشي كيما المرأة حنا نخمو بزاف فيهم حتى وان كانو عندنا مشاغلنا
لكن هو اذا برونشا بخدمتو ينسى كلش

يعني ماتتقلقيش ممكن ضغوطات نفسية وتخمام لتوجاد العرس وكيفاش ادير
وراكي تعرفي فيها مصاريف ممكن راه اخمم بزاف في مصلحتكم لزوج
واصبري ان شاء الله ربي يكتبلكم وتشبعي منو

تحياتي/

كيما قالتلك الاخت سارة لازم تساعفي و تتفهمي تعذري بزاف بالاك كي لحق وقت العرس راه مقلق شوية و راه لاهي بالتوجاد ياو راهو جهاز الراجل كثر من جهاز المراة شوفيها في روحك برك كي ماتكونيش واجدة لحاجة تولي ما تحكي حتى مع واحد و اللي يحكي معايا تلصقي فيه
انا نقول زيدي اصبري شوية و صلي و ادعي بزاف ربي يقربكم من بعض و يخليكم لبعض و ربي يهنيكم ان شاء الله

ختي اهم حاجة هي انك متاكدة بلي يحبك و راهو يوجد لحياتكم المستقبلية
هادي فترة برك و ان شاء الله تفوت و تنسايها
معليش ما تخمميش بزاف و تفهميه
ربي يكمللكم مع بعضاكم

اختي في هاد الفترة بزاف رجال يكونو مقلقين ويحسو خطيباتهم انهم بعدو عليهم وتصرا للبنات تاني

ماعليش راه مع التوجاد وصح توجاد الراجل راه واعر على المرا فيها حسابات ولكان حنا الجهاز برك هوما يفكرو الدار الخدمة المسقبل
اصبري عليه وان شاء الله ما يكون الا الخير وزيد راكي قايلتها يحبك ومتاكدة ما يخونكش

شوفي ختي الرجال بطبعهم كي يكونو منشغلين بحاجة سيرتو الخدمة تلقايهم منطويين و ما يحبو يحكو مع حتى واحد حتان يفرو مشاغلهم
مش كيفنا تلقاينا حاكيمن السما و الارض و كلللش و توجوغ نلقاو وقت نكتبو مساج و لانعيطولهم
هادي هي طبيعتنا و هاديك طبيعتهم هكا ربي خلقنا
مي كوني ذطكية و بينيلو بلي راكي معاه في كلشي و راكي صابرة باش تتزوجو و تكونو في دار وحدة مع بعض
نقصي اللوام عليه و سقسي دييييما عليه و كي يقولك اسمحيلي ما سقسيتش عليك اعذري مي بيني بلي مالغري بلي راكي متفهمة الوضع راكي زعفانة
مي بطريقة شيطانية و ذكية
و صدقيني رايح يراجع نفسو و يولي كيما بكري
سقسيني انا اللي مريت بهاد التجربة
اسأل مجرب خير من الف طبيب
ربي يهنيك ختي

ربي يهديه ويسهللكم حاسة بيك

سلام لبنات
الرجال ماشي كيما حنا لازم غير نفهموهم ومنخلوش الشيطان يدخل بيناتنا
لان الشيطان اهم حاجة عندو انو يفرق مابين الزوجين وخاصة المقبلين على الزواج

وفي مايخص على انو مش مهتم وميسالش رانا كل هكاك لازم برك منخلوهاش تطوال ونلقاولها حل وهي سخونة
قوليلو رايك بصراحة وتناقشو وضرك يفهمك
لكن انك تجبدي روحك وتزعفي وهو ولا في بالو هادي ماش مليحة



هادا دعاء مليح ننصحك بيه

اللهم اجعل زوجي كما احبه وجعلني كما يحبني وجعلنا كما تحبنا

ربي يسهلكم ويكمللكم بالهناء ان شاء الله

السلام عليكم الاخت****
على حساب النظرة أنو خطيبك وخاصة كي قلتي قريب العرس يمكن راه مشغول بالتجهيزات ديال العرس ماتعمريش راسك بزاف عادي أختي ماتخخميش بزاف والله يهنيكم