هل انت مخطوبة؟ هل لديك اي استفسار او سؤال ؟

أنا مادابيا يخلوني وحدي هاداك النهار ، بصح ماشكيتش يروحو المهم أنا ندوش يوجدو الدوش ولا ميوجدوش ، نوجدو أنا وخلاص ، المهم الصلاة

فريال انا يبالي لالا لازم تنحي لاغوب تبدل سعا عليها قبل العملية (ضحكتيني كي قلتي وش العملية)


نسيمة نورمالمو يوجدو الدوش واذا ماوجدوش قولي لاختو مثلا كي تدخلك اذا واجد الدوش هي تقهم روحها
وان شاء الله كلش يفوت على خير
وكيما قلتي الصلاة هي اهم شيء لازم ودوشي على خاطر كون مادوشيش تما يولو يهدرو عليك

ولا لوتال هو يسهل كلش

حنا عتدنا قليل وين تقعد العروس في دار العايلة ديما يروحو اوتال ولا دار خوه ونورمالمون اللي يقعدو في دار العايلة هوما يتكفلو بالدوش يالوكان تقولي لاختك ولا امك تقولهم

البنات حبيت نسقسيكم نهار اللي يدفعو و يفتحو في الليل يديرو حنة و عشاء ولا حتان للفيونساي
والله ما فهمت كل واحد وش يقولي و حنا في دارنا انا الكبيرة و انا الاولى اللي راح نتزوج في الدار علاهاديك ماناش عارفين وش يديرو

اهلا ميمي وشراكي حنونة
حنا عندنا الدفوع وحدو على خاطر العرس مازال حتى العام الجاي و حنا الفيونساي يديروها ايامات برك قبل العرس على هاديك حرت
قالولي ليلة الدفوع كاين حنة يسموها حنة العطية ولا مانعرف
والله غير راهي تالفتلي

صحيتي حنونة

يعطيكم الصحه على هاد المواضيع الهايله اناتاني راني مخطوبة من حوالي 5 أشهر وتعلمت من هاد المواضيع حوايج بزاف واختي سمية راكي كي حالتي انا تاني الاولى اللي رايحه نتزوج في الدار و بالزياده انا الكبيره أنا على حسب ما نعرف الدفوع وحدوا ولفيونساي وحدوا على خاطر انهار لفيونساي اتفتحي وديري عشا و النهار الدفوع يكون ايام قبل العرس و ماشي شرط العشا

وانا عندي سؤال ادا لازم الفيونسي كل ما يجي عند خطيبتوا يجيبلها حاجه في يدوا ولا عادي ايجي بلاطاي وكل وحده تحكيلنا على تجربتها

مشكورة على المشاركة ميريام
نورمالمو الراجل ماشي شرط كل مايروح لخطيبتو يجيبلها حاجة لكن زيادة في المودة يدي حاجة في يدو

بنات أنا جاني سؤال اخر راهوا محيرني العروسة انهار الصبوحه كي تولي من لوتال تلبس البرنوس ولى ادير ملاية وواش تلبس قالولي اتجي بأنسنبل يعني سروال والعفسة تاعوا ومن بعد تبدل مي واش تلبس وياريت اديرولنا دي مودال اي صور تاع واش تلبس صبح العرس

مرسي ميمي على الاجابة تعرفي انا تاني بانتلي صبح العرس نلبس منصورية و تاني يوم نلبس روب خليجي دوك ادا قدرت انزل الصورة اللي راني حابه كيفها وقولولي رايكم على خاطر ادا متوالمش مكاله انعي روحي ونشريحها ولا نخيطها

اهلا بيك اختي ميريام معنا
انا منيش مخطوبة
ان شاء الله لبنات يفيدوك

أهلا ميريام
حنا العروس تجي من لوتال بعباية و تحتها جبة روز شابة
البرنوس ما يلبسوهش عندنا خلاص

يعطيكم الصحة نسيتو قاع الموضوع هذا خخخ

++++++++++

نسيمة اذا نتي متفاهمة مع راجلك اهدرليو ديركت وهاذي نورمالمو حاجة باينة لازم دوشي صباح يفهمو ماتقلقيش روحك

+++++++++
وعلى سؤال مريام كيما قالت هبة اذا هو يجي بزاف ماشي شرط اجيب حاجة غير اذا طول ماجاش برك نورمال على قدر المستطاع

اما سؤالك على اللبسة فالصبوحي تقريبا راهم اجو قاع بطايور لي تصدرو بيه والا بالخليجية مي البرنوس قليل لي يلبسو ومانعرف

شكرا بنات على الاجوبة تعرفوا علاش سقسيت ادا لازم ايجيب حاجه في يدوا ولا لا على خاطر عندي 6 أشهر ملي راني مخطوبة عمروا ما جاب حاجه فب يدوا شرالي خطره 2 حجابات على خاطر حبني نلبس حجاب كامل على هاد الشي راني حاساتوا مشحاح وانتوما واش رايكم ؟؟؟

يا أختي مريام أنا لوكان نقولك عندي عامين ونص وأنا مخطوبة ، ماطلبت من خطيبي والو ، هو يقولي واش نجيبلك وأنا نقولو لالا ، كي نشوفك بزاف علي ، وباش كل خطرا يجي يجيبلي معاه بزااااااااااااااااف حطي نفسك مكانو ، أنا شرالي في العيد تايور راني مصوراتو ، هاداماكان ، المهم كي تروحي لعندو مايبخلش عليك ، وانتي تعرفي ظروف خطيبك ، وربي يهنيكم

صارة أنا راني متفاهمة مع خطيبي مام خياتو نورمال ماعنديش مشكل معاهم ، بصح راكي عارفة العرس والبايتين تم والله غير حشمة ، المهم أنا ندوش ونصلي ، ( حبيت ندوش مع الفجر ونصلي ، ان شاء الله نقدرلها )

miriam lazem nti ta3rfi b tariktak ida kane mechehah wla non essaie ki tgasri m3ah posélou des questions w choufi wla kach marra tkouno thadrou 3la kach haja asakhfi 3liha w goulou ki tji djibhali b dahka w choufih ida yéchfa w ydjibha wla non nomrale matkalkich rohék dorka ygollék makach une occasion li ydjiblék fiha bsah normale ki ydji l3ide ydjiblék wach lazem wla ki ykouno des occasion kima l'anniversiare dialék kima 8mars w haka matkhammich mba3da yétbadlou kamel khatar ywalli yhas rohou responsable 3lik surtout ida kounti matakhadmich

mala khlate 3lih ida kol matétlakaw ydjiblék haja surtout ida makanch b3ide alik ana khatibi b3ide 3lia bzaf w mayakderch ydji bzaf sah ki ydji ydjibli tjr bsah machi charte bsah howa ki ytowal bark za3ma li ydjiblék w meme ki ydjib hwayédj simple kima pyjama , parfum ay hadja lmohim ki yétfakkar wallah hadik hi dénia w ma fiha homa tani msakéne rabi m3ahoum

مرسي لبنات راني ديكوفريت بلي ماشي مشحاح غير انا كنت ظالماتوا

البنات عندي استفسار و نتمنى تجاوبوني

العروس وش تفرش نهار الدخلة و وش تفرش نهار الصبوحي
انا مرة يقولولي غرزة الحساب نهار الدخلة و اخرين يقولولي في الصبوحي

والله يا سمية غير تقول دخلتي في مخي حتى انا كنت حايره مي قالولي واقيل في الصبوح اللي تفرش عفسه مخدومه باليد وان شاء الله لبنات ايفيدونا اكتر