هل انت مخطوبة؟ هل لديك اي استفسار او سؤال ؟

يعطيكم الصحة يا البنات، ربي يجازيكم إن شاء الله

أختي صارة غير أقفزي على عمرك، ماتقعديش للدقيقة الأخيرة (شوفو شكون راهي توصي )

ههههههه والله هكاك وسيلة سورتو انا وحدي وختي صغيرة
مي مزال عرسي ان شاء الله مانجي لهذاك الوقت نكون استفدت منكم ومن اسئلتكم

بلا مزية لبنات رانا هنا نفيدو بعضانا

mme_bou ايه كاين لي مش مطبوع عمبالك علاش بزاف ما يطبعوش سلعتهم على خاطر باه يطبعو لازم يسلكو

وجربيه كيما قلتي ان شاء الله تلقايه فضة

لله يسلمك لبنات لعقوبة ليكم



سمية ويييييييييين يكفيو زادتلي يما فوقهم مليون و نص و مزال تاني تزيدلي براسك مايون



شهرة راني في ورقلة عيينا في بابا يخلينا في اريس ما بغاش ياخي هو مريض بالسكر و يدير لانسولين الوغ قالنا امبوسيبل تخليوني وحدي

RÈÐ PËÃRŁ كتب:

اهلا بيك هاذي غيبة انا مانفهمش فالفضة مي شهرة راهي فاداتك
انا مرة شريتو من بجاية من بيجوتري سبيسيال تاع فضة ماحوستش نفهم

;وبيك يعيشك انا تاني مانفهمش فيهم بالصح شريتو من عند واحد قبايلي معروف عندنا وكي روحت فيريفيتو مالقيتش الطابع

اقتباس :

بلا مزية لبنات رانا هنا نفيدو بعضانا

mme_bou ايه كاين لي مش مطبوع عمبالك علاش بزاف ما يطبعوش سلعتهم على خاطر باه يطبعو لازم يسلكو

وجربيه كيما قلتي ان شاء الله تلقايه فضة

شكرا شهرة بالصح انا قالولي نحط الفوندوتان ومبعد نحك الخاتم عليها ادا كحالت فضة وادا لا تسمى ماهوش فضة و ماكحالتش

وجربتي بالفوندوتان؟؟

حنا نديروه بلا فوندوتان على خاطر بابا بعد يخدم الفضة
نورمالمو الفضة تخلي تراس كحلة

جربتو بلا فوندوتان اختي لي شافت و قاتلي كحالت بالصح بالفوندوتان ماكحالتش

مالا راها فضة ماتقلقيش روحك جامي سمعت بالفوندوتان بابا نشوف فيه كي يجيب الفضة يحكها ليدو

سلام بنات واش راكم باركولي تحدد يوم الفاتحة ههههه راني فرحــــــــــــــــــــــــــــــانه مي دبروا اعليا واش من الغنية اللي نديرها كي اديرلي الخاتم راني حايره تاع الصح وقبل ما ننسى كامل راكم معروضين السمانه 2 مور العيد

ربي يعيشك على العرضة وين باه نجيك ؟

هههههه

الف مبروك اختي
ربي يهنيك

ان شاء الله نخممولك في الاغنية

شهرزاد في الجزائر العاصمه مرحبا بيك

يعيشك مريام

وان شاء الله يجوز هايل ويبقالك ذكرى ولا اروع

وعلى الاغنية نحوسو تراه رغم انو ماعنديش فكرة
ونشوفو لبنات واقتراحاتهم

ألف مبروك ميريام ربي يتمملك بالفرح والهنا ان شاء الله

بنات عندي بعض الأسئلة
1- قريت أحد الردود للاخت وئام قالت بلي المرأة ماترقدش بالنويزات تاع الساتان كي تجي ترقد تلبس حاجة قطنية
واش رايكم؟
2- شكون تعرف عطر خاص بالمنطقة الحساسة؟
هذا واش راني متفكرة

هيه هيبة انا على حساب وش نعرف النويزات تلبسيها قبل العملية و بعد العملية تلبسي كاش ييجاما حرير ولا قطن تدفي بيها روحك

اما على العطر ما عنديش فكرة ان شاء الله كي يجو البنات يفيدوك

سمية مانيش نقصد ليلة الدخلة برك كل الايام العادية

هيه هيبة الايامات الاولى برك تولي تدفي روحك كي تكوني مازالك جديدة ههه راكي فاهمتني و مبعد نورمال

ميرسي سمية ربي يخليك

بنات شكون عندها افكار رومانسية تفيدنا بيهم

يسلمك هيبة بلا جميل

رتبت جهازي كما يلي
فاليزة نشدها عندي درت فيها قنادر التصديرة و قندورة دار نلبسها نهار الحنة
و الحوايج لي نسحقهم كامل في اليومين تاع العرس
كيما الماكياج و الملابس الداخلية تاع لاروب بلونش,,,,,,,,,,,,
فاليزة ليلة الدخلة ودرت فيها ديزابيي ابيض مع 2 بياس، بيجامة حرير روز انديان مع 2 بياس + سيكليست + ليبوند
مناشف صغار، مناديل معطرة، صابو تاع ديزابيي و آخر للدوش سجادة + رداء الصلاة
هذا واش تفكرت

و فاليزة اخرى درت فيها واش نسحق نهار الصبوحي لي نفوتو في دار شيخي
كيما الكادوات لي نمدهم و العباية و نزيد السواري لي نلبسها كي نروح لداري و لوازم الحمام

مرسي عروس الأوراس و يهنيك انتي تاني

مليح هبة كيفاه رتبتيهم

اما على اسئلتك ماعنديش فكرة منكم نستفيد
انا نحساب تلبس ديزابيي ولا وش تحب ووش يريحها

اما الافكار الرومنسية وسيلة عندها شوي افكار تجي تفيدنا ان شاء الله هي لي تعرف كيفاه تعبر هههههه

بنات واش نسيتوني بليز د بروا اعليا واش من أغنية انديرها كي اديرلي الخاتم و اللي متعطينيش رايها مانيش رايحه نعرضها