فراش العروسة

السلام عليكم

بنات حبيت تساعدوني
انا ماعنديش بزاف ملي انخطبت وهذا وين بديت نجهز
قلت نبدا بالفراش نتهنى منو
خاطرش الذهب خلاص عندي شوية

شوفو لاليست اللي درتها وقولولي وش نزيد وش نقص

كوات وكوفيرطة ندير وحدة وحدة خاطرش خطيبي ثان يشري والباقي نورمالمو يجونا دي كادو
ان شاء الله برك مايديروهاش بيا هههههههههه

لي كوفرولي
واحد ابيض تاع ليلة الدخلة
واحد شباب من هاذوك الغاليين
لي بارير تاع درا هاذوك اللي يجو مخدومين نشري زوج مختلفين
نزيد واحد مخدوم باليد ندير اما غرزة الحساب اما برودي
قولولي نزيد كوفرولي؟؟

لي درا تاع دايما اللي يجو من تحت هاذو حرت شحال ندير
غلافات تاع المخايد ثاني قولولي شحال ندير

زربية مع لي ديسوندلي تاعها

زيدو فكروني وش نسيت

اهلا بيك دلال

ومبروك اعليك الخطبة ديالك ربي يهنيك ان شاء الله

لي عودة للاجابة ان شاء الله تان البنات اعاونوك رانا حكينا على الفراش من قبل فالتجمع تاع العرائس

ممكن ماشافوش الاستفسار ديالك

بالنسبة للفراش راكي حطيتي واش حابة تشري كيما كوفيرة اشري وحدة مليحة من النوع المليح
هي والكوات وقاع رانا طامعين في لي كادووووو



كيما لي كوفرولي تاع ليللة الدخلة باين وواحد للصباح ديالك ولازم تزيدي زوج يالوكان سامبل تبدلي بيهم ولا قدر المستطاع على حساب دراهمك راهم كانينين ملاح وماشي غاليين بزاف تاع دياما 250 الف بزوج مخايط

+++++++++++

لي درا ديري البيوضة ولا صفورة الالوان على حساب الفراش لي تشري مي هاذو لي يمشو كثر وكاين غوز كي تخرجي تشوفي واش تحبي مام لي اوس لي يجو بالاستيك اشري منهم

++++++++++

غلافات تاع المخايد والله ماعلابالي شعال ديري اصلا يجو كي تشري لي كوات ولا لي درا قاع فيهم المخايد يعني ديري حسابك كاش 8 ولا قل خخخخ مانعرف

انا وتلفتلي

+++++++++++

زيدي ستور ولا كاش ستور على حساب واش حابة ديري في شمبرتك

لي نابرو

التلايق وعلاقات تاع المفاتح

ممممممم هذا واش تفكرت

اذا حابة تدي مطارح تاع صوف يعني تشري صوف وغلافاتو وطرحيهم
وتشريلهم غلافات تاع الكنابي وووالخ راكي علابالك

لي تابي تاع الدوش

اذا ساكنة وحدك قوليلنا قبل باسك اذا مع عجوزتك نورمالمو تدي فراش بيتك برك