فراش أو جهاز بنت خالتي

سلام عليكم

كيما وعدتكم صورتلكم فراش ولا كيما تقولو جهاز بنت خالتي كامل

عندي صور ياسر وحرت كيفاه نعدلهم رايحة نحطلكم كلش

تفرجو ولاكان مشرحتش حاجة وتحبو تفهموها سقسيوني برك

بسم الله بدينا

أولا رايحة نحطلكم صينية القهوة والقاطو لي درناهم نهار جاو تاع الفامي والحباب القراب برك شافو الجهاز

[ندعوك للتسجيل في المنتدى أو التعريف بنفسك لمعاينة هذه الصورة]

زوووووووووووووم

السرافت

[ندعوك للتسجيل في المنتدى أو التعريف بنفسك لمعاينة هذه الصورة]

عرايش

[ندعوك للتسجيل في المنتدى أو التعريف بنفسك لمعاينة هذه الصورة]

قنيدلات

[ندعوك للتسجيل في المنتدى أو التعريف بنفسك لمعاينة هذه الصورة]

قطايف

[ندعوك للتسجيل في المنتدى أو التعريف بنفسك لمعاينة هذه الصورة]

كعك النقاش

[ندعوك للتسجيل في المنتدى أو التعريف بنفسك لمعاينة هذه الصورة]

مقروظ

[ندعوك للتسجيل في المنتدى أو التعريف بنفسك لمعاينة هذه الصورة]

بقلاوة

[ندعوك للتسجيل في المنتدى أو التعريف بنفسك لمعاينة هذه الصورة]

***********

وضرك نبدا فالفراش

هاذي كورباي فيها صابو وصبابط تاع الأعراس

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي فيها لي صاك وشوية صبابط تاع خرجة

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي فيها بانتوفات وبابوشات تاه الدار

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي كورباي فيها سلات صغار وكربايات تاع حلفة

[ندعوك للتسجيل في المنتدى أو التعريف بنفسك لمعاينة هذه الصورة]

هاذي كورباي فيها صبابط وصنادل تاع الخرجة

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي فيها بارفان ويودورون وجال دوش وشومبوان 

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي كورباي فيها صبابط وبوشات تاع الأعراس

[ندعوك للتسجيل في المنتدى أو التعريف بنفسك لمعاينة هذه الصورة]


يتبع بعد قليل..

كوكي الله يبارك ماشاء الله 

ربي يزين سعدها و يرزقها بالدرية الصالحة

ولعقوبة ليك ولكامل لبنات ان شاء الله 

شكرا لك عالصور

كوفرلي

[ندعوك للتسجيل في المنتدى أو التعريف بنفسك لمعاينة هذه الصورة]

فراشات برودي

[ندعوك للتسجيل في المنتدى أو التعريف بنفسك لمعاينة هذه الصورة]

مخاد برودي

[ندعوك للتسجيل في المنتدى أو التعريف بنفسك لمعاينة هذه الصورة]

فراش الذهب

[ندعوك للتسجيل في المنتدى أو التعريف بنفسك لمعاينة هذه الصورة]

زووووووووم

[ندعوك للتسجيل في المنتدى أو التعريف بنفسك لمعاينة هذه الصورة]

هذا فراش مشري منعرف واش أسمو خخخخخخ

[ندعوك للتسجيل في المنتدى أو التعريف بنفسك لمعاينة هذه الصورة]

وهذا فراش كروشي

[ندعوك للتسجيل في المنتدى أو التعريف بنفسك لمعاينة هذه الصورة]

كوفرلي ولي على جنب دي ناب
 
[ندعوك للتسجيل في المنتدى أو التعريف بنفسك لمعاينة هذه الصورة]

زووووووووووم

هاذي مخاد point de croix خيطتهم خالتي أم أسماء

[ندعوك للتسجيل في المنتدى أو التعريف بنفسك لمعاينة هذه الصورة]

هاذي زاورة ولخرين كوفر بونكات

[ندعوك للتسجيل في المنتدى أو التعريف بنفسك لمعاينة هذه الصورة]

وكوفر بونكات تاني

[ندعوك للتسجيل في المنتدى أو التعريف بنفسك لمعاينة هذه الصورة]

وهاذو زرابي وكاين وحدة أخرى كانيش أي من جهة أخرى

[ندعوك للتسجيل في المنتدى أو التعريف بنفسك لمعاينة هذه الصورة]

وهاذو تاع الكولوار وتاع الشومبرا تاعها

[ندعوك للتسجيل في المنتدى أو التعريف بنفسك لمعاينة هذه الصورة]

هاذو بساطات 2 صوف و4 إيبونج

[ندعوك للتسجيل في المنتدى أو التعريف بنفسك لمعاينة هذه الصورة]

صينيات النحاس

[ندعوك للتسجيل في المنتدى أو التعريف بنفسك لمعاينة هذه الصورة]

يتبع بعد قليل..

الفاليزات تاع قشها

[ندعوك للتسجيل في المنتدى أو التعريف بنفسك لمعاينة هذه الصورة]

الحديد والطابلة تاعو

[ندعوك للتسجيل في المنتدى أو التعريف بنفسك لمعاينة هذه الصورة]

صالون تاع 5 هاذا 3 و2 لخيرن في جهة أخرى

[ندعوك للتسجيل في المنتدى أو التعريف بنفسك لمعاينة هذه الصورة]

موبل دو شوسير

[ندعوك للتسجيل في المنتدى أو التعريف بنفسك لمعاينة هذه الصورة]

2 بونكات صورت واحد برك لاخر تاني كيفو

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي صور جماعية تاع الفراش كيفاه حطيناه وباه تقرعجو كشما نسيت هههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

والحمد لله كملت 

هكا نسما بريت ذمتي معاكم وكي شغل حضرتيو معانا وشفتو كلش

بصح بربي مبقيتش نوعدكم عيييييييييييييييييت

ههههههههههه نضحك برك والله راكم خاوتي

في انتظار ردودكم

ماااااااااااااااا شاء الله 

تبارك الله والله ياكوكي بصحتها 

سورتو القش اللي داتو الله يبارك 

الزرابات هايلين 

كاين حاجة نتوما و القسنكينيين تعجبوني فيها 

عنكم الصينية تاع النحاس متفرطوش فيها 

حتى فالاعياد تجبدوها عادة مليحة

حنا ماعندناش هدي العادة 

ميرسي مرة اخرى شتي راني نتبع

مرسي بنات ربي عيشكم ولعقوبة ليكم تعملو خير من هك

ههههههههه امينة صحيتي تبعتي معايا خطوة بخطوة

إيه صينية النحاس نديوهم فالجهاز ونحطوهم فالمناسبات

في قسنطينة كاين سوق كامل تاع النحاس هاذو خالتي شراتهم من تم

شمس فراش الذهب عادة قديمة ياسر عندنا وهو أهم حاجة فالجهاز أصلا هو لي يزينو

أنا تاني نحبو وناوية نخيط واحد أزرق غامق

لازم يكون لونو كي القندورة تاع الفتلة هاذيك الثقيلة لي نحزمو عليها

وعلى الماشينة هاذيك جاتها كادو من عند خالتي

وتاع الصبابط شراتها هي

حنا عادي ولاو يديو كلش يقدرو عليه ولي متقدرش مش لازم عليها

شكرا بنات على ردودكم العطرة

بارك الله فيكم

بلا مزية كوكي 

صح قسنطينة معروفة بنحسها الحمد الله اللي بقات 

ولاية شادة في العادات متل هك 

وكيما قالت شمس وكنت راح نسقسيك وحشمت حنا 

la machine a laver و و 

ماتديهاش معاها  حتى تروح ادا هو شراها 

ولا تشريها من بعد و الله لوكان نحسبو لجهاز لعروسة 

لازم ميزانية كبيرة كل مرة تحسي خاصتك حاجة

ربي يقدر كل وحدة وربي يهنيها ان شاء الله

شكرااااااااااا عينيا على الصور

العقوبة ليكم الكل البنات و تعملو خير من هك ان شاء الله

شكرا بنات لمروركم

وعفوا هذا واجب عليا كيما نحب نقرعج لازم نخليكم تقرعجو هههههههههههههه

ماشاءالله تبارك الرحمن 

دارت حوايج يهبلوا و متحوفين كلش هايل 

عجبني فراش بوان دو كروا يعطيها الصحة ام اسماء و تاع الرودي مخيط ولا شراتو هكاك 

و فراش الذهب او الفتلة متقون يهبل بصح قوليلي هي شراته والا خيطاته و كيما عدنا القندورة تكون بنفس لفراش 

صنيات  النحاس تاني روعة 

ربي يعطيم صحتك كوكيتا و لعقوبة ليك  ان شاء الله تقولي حضرنا معاكم  و لوكان ديري مزية نشوفو نهار حنتها اذا ممكن و تصديرتها اذا مافيهاش مانع

اههه اني نسيت نسقسيك مطارح الصوف ادتهم تاني ؟؟

عبالي دوختك بالاسئلة سامحيني هههه

ماشاء الله تبارك الله
ربي يهنيها
كللللش باهي
حتى انا نموت على حوايج النحاس يهبلو
عجبني تاني الفراش لي خدماتو ام اسماء ماشاء الله يعطيها الصحة
اسما قولي لامك نجي تعلميني نتقن الخدمة كيفك
شحال جابت فيه باه كملاتو؟ والرشمة شرتها واجدة؟ والله تحفة 

كلش عجبني خاصة فراش الذهب حابة ندير كيفو بصح عمبالي يتعب
شفت فراشات قبل بصح هدا متقون ماشاء الله خدماتو والا شراتو والا خدمهولها؟
عجبتني رشمتو تهبل

اممممم نسيت واش لي جذبني بزاف تاني ههههههه
هو كلش تحفة يعطيكم الصحة

مرسي بنات على ردودكم

لينا البرودي واحد مشري والثاني مخيط عند وحدة نعرفوها

وفراش الذهب تاني مخيط عند وحدة 

والمطارح تاع الصوف دارت 6

وعلى الحنة أني صورت العطية تاعها ضرك نحطلك الرابط

[ندعوك للتسجيل في المنتدى أو التعريف بنفسك لمعاينة هذا الرابط]

بصح قشها وقنادرها مزالت ملبستهمش كي تجي مالفواياج نديرو السابع باه تحزم وتلبس قنادرها ونصورهملكم بربي

*************

شهرة الفراش هاذاك جابت فيه شتاء كامل وهي تخدم فيه 

بصح حكملها الوقت خاطر هي خدمت الرشمة مش شراتها

كل طرف شافتو في بلاصة ولمتهم وحطتهم في مخدة وهك حتى كملت دارت 8

هي تنقلهم بالفوتر فوق الكنفا وتخيطهم

وفراش الذهب تاني خدمتو عند وحدة وهاذيك الرشمة راهي متوارثة من قبل جداتي كل دارو نفس الرشمة

وأي سؤال راني هنا

ماشاء الله كلش توب
ربي يهنيها ولعقوبة ليك ان شاء الله
ومشكوورة على المجهودات اللي راكي ديري فيهم
ربي يعطيك وش تتمناي

الف الف الف مبروك كوكى وماشاء الله وربى يرزقها الدرية الصالحه


ايه يالبنات مازال عندنا زقاق النحاس ومرحبا بيكم عندنا فى قستطينة  ارواحو النحاس عليا 


ايه كوكى الفراش تع الدهب و البوان دوكروا كانو يديروهم بكرى مازالو عندكم لدرك؟
 صراحه باهى ايهبل هبل عليه مى قالتلى ماما يفسد ويكحال مع لغسيل و لقعاد؟ قالتلى كان عندهم بكرى فى دارهم

اما فى الماشينا تع لغسيل و البورث شوسوغ عندنا فى قسنطينة العروسة حرة الى حابة تجيبو وعادات لامود تع لى ماشين ووو اصلا بزاف عليه مسكين الراجل وكيتكونى فى مقدورة تدى معاك وعلاه لا .

الف مبروك مجددا وشكرا على المجهودات ولعقوبة ليك

شكرا هجورتي هذا واجب عليا ولعقوبة ليك إن شاء الله

لميس مرسي حنونتي ولعقوبة ليك تاني

فراش الذهب لازم تحافظي عليه برك ميكحالش ليه ليه وزيد ميتحطش ديما 

غير في مناسبات يعني ميتغسلش خاطر باينة يفسد

مثلا كي تكون العروسة جديدة تحطو مدة برك

ومثلا كي تولد تزيد تحطو ولا فالعيد ولا في طهور ولدها

يعني ميتحطش ديما مش تاع كل يوم وعلى هاذي ميفسدش

والبوان دوكروا مبقيناش نديرو فراش كامل يعني كيما هك مخاذ برك

ولا ناب وسرافت يعني حوايج خفاف برك

mabrouk 3liha khti, juste bghit nssa9ssik 3 la hadou
[ندعوك للتسجيل في المنتدى أو التعريف بنفسك لمعاينة هذا الرابط]
kifech dertoulhoum hadouk doré
w teni sucre cheftou coloré, kifech  dertouh, w eske maylawench l9ahwa

سلام أختي 

شوفي هادوك لي سارفيات رولاتهم نورمال و هادوك الدوغي شراتهم كيف كيف عند لي يبيعو الحوايج تاع الاعراس

و الله كاين الهمّ الكلّ عليك و على صواردك 

ترولي لي سارفيات و ادّخل فيهم هادوك الدوغي باه تبقا مروليا برك

و السكر خدمتو مرا كاين على شكل قلب أو وردات كيما تحبي 

و دارت فيهم الكولوغون برك مايبدّل لون القهوة مايبدّل طعمها .نوووووووووورمال

شكرا على الرد أختي

عينيا شكرا كي جاوبتي

أختي أي جاوبتك سمسومة راهي أختي

شكرا على مرورك