اريد مساعدتكم في فاليزة ليلة الحنة

سلااام اميراتنا الحلوات ان شاء الله تكونو بخير




كيما كامل تعرفو في ليلة الحنة(واللي عادة تكون الاربعاء) يجو اهل العريس باش يحنولك و
يلبسولك الذهب و يجيبو معاهم تاني فاليزة فيها بعض الملابس للعروس

في حالتي انا تفاهمت مع اهل خطيبي انهم يمدولي الدراهم اللي رايحين يجهزو بيها و نشرري انا واش حبيت

و فعلا و سار كل شئ على خير و شريت الفاليزة وعمرتها

هنااااااااا دخلني الوسواس " longdesc="171" /> و حبيتكم تعاونوني " longdesc="167" />
رايحة نحطلكم قائمة لواش شريت و نتوما قولولي اذا هكا ولا لا

ساااامحوني طولت الهدرة

باسم الله

-فاليزة بالمالات نتاعها لونهم فيوغوز
-قندورة كوكتال لونها موف بكمامها بصباطها
-عباءة مطروزة الطرز لونو فيوغوز بخمارها
-ديزابيي بيض 4 بياس بصباط نتاعو
-بيجاما ساتان بروب شومبر نتاعها بملابس داخلية كاااااامل لونهم موف
-كوبون قماش نتاع عرس لونو كروفات
-2 قنادر نتاع الدوم
-قندورة ستيل سوري و قندورة اخرى ربيعي)ساتان)
-غوب بلافاست نتاعها نتاع خرجة بخمارهم
-2 اونسومبل ملابس داخلية (غوز و ابيض)
-بشماق نتاع دار
2 دوخيلات
-2 خمارات
-2 مناشف(صغيرة و متوسطة)
-محارم نتاع النيف

المالات فيها ماكياج(باطة فوندوتان و غوج الوفغ لي فارني)

الصوابن و الشومبوانات نديرهم في سلة

واااش رايكم
هداك هو؟؟؟؟؟


-

نورمالمون راكي مانسياي والو
حنا تان يشرو الحنة مع دوزانها يعني البيض و المزهر و لي قون و القطن
الدراجي ولا اي حاجة حلوة

هادا وش تفكرت و ان شاء الله البنات كاشما يفيدوك

ياريت نقدر نساعدك
بصح عاداتكم مشي كيما عاداتنا
ان شاء الله لبنات يفيدوك
مبروك مسبقا

مرسي لبنات

على دوزان الحنة هادي هوما يشروها و على حساب ما فهمت اللي جابوهولي في الفيونصاي رايحين يعاودو يستعملوها للعرس

شكرااا

سمسومت قلبي " longdesc="69" /> مبروك عليك ربي يهنيك ويفرحك راكي قايمة مليح يعطيك الصحة وربي يدوم الفرح ولعقوبة لكامل لبنات يارب

سلام سمسومة
انا تبانلي راكي عندك نقص في سبابط نتاع الخرجة
متنسايش راكي تخرجي كامل السبابط نتاع الشومبرا والعراسي ونتاع الدار في سلة
يضهرلي لازم تزيدي

وتاني كيمينوا نتاع الدوش معلاباليش واش تسموه عندكم
راهم يتباعوا نتاع الرجال ومعاه نتاع نساء

والصابون والشومبوا والريحة تاني لازم كمية معتبرة لانهم يخرجو في سلة وحدهم يعني مراكيش راح تخليها فارغة


ومعليش تقوليلنا قداه سقامتللك الفاليزا *على خاطر انا تاني قالولي نعطوك الدراهم تشري وحدك الدوزان قلتلهم لالا .اشرو نتما خير علابالي ميكفو لوالو الدراهم

مبرووك سمسموم وكيما قالت اسماء راكي ناسية الصبابط يالوكان زوج وكاش صوندال

مي ماشي كامل يعني شغل شريتيهم مع التعمار تاع الفاليزة وقشك لاخر هذاك وحدو

جابلي ربي هذا مكان صبابط برك لي خاصين

*****

اسماء ممكن 7 ملاين وياربي اذا كفاوك باش تشري حاجة هههههه

نتي رايحة تخليهم هوما يشولك انا من رايي تشري وحدك خير هاذوك لي يشروهم ممكن مايعجبوكش وتان تشري على ذوقك وعلى واش خصك احسن من لي يشرولك وماتلبسيهمش

هي صح باينة بلي مايكفوكش الدراهم ورايحة تزيدي ولوكان ماجيبيش اقلك هذا واش شرات والله كيما ديري تحيري

[ندعوك للتسجيل في المنتدى أو التعريف بنفسك لمعاينة هذه الصورة]

عاداتنا مش كيما لبنات لخرين

سمسومة راكي درتيها من كلش

مليح

بقالك برك صباط برا

مانعرف نسيتي تقوليه ولا كيفاه؟

والصبابط والبشامق ديريهم مع الصوابن في السلة





لبنات هادو لحوايج ماشي تخرجهم معاها

تعطيهملهم نهار الثلاثاء ويجيبوهم معاهم نهار الاربعاء مع الحنة ويجو ويوروهم قدام الحاضرين





ومن بعد اذا حبت هي تزيد تلوح في الفاليزا والسلة

ايه حتى الكومينو تاع الدوش كيما قالت اسماء حطيه معاهميعني في باطو يجيبوهم مع الفاليزا والمالات

والمالات ماراحش تحطي فيها الذهب تاني؟

نعم شهرزاد
عاداتنا متل عاداتكم
يضهري ناقصها صباط نتاع برى والصاك نتاع الخروج مع اللبسا نتاعهم
والكومينو نتاع الدوش
فقط الا تفكرت اني نزيد نقلكم
سمسومة مزادتش طلت علينا باش تقلنا رايها

راهي سير شراتهم بصح ماقالتش عليهم برك

على خاطر اللبسة تاع برا شرات راهي قالت

اما الصباط والصاك اكيد شرات بصح ماقالتش راح تحطها مع السلة ورانا فكرناها

ياو عمبالي ماتنسا والو حبيبتي القرعاجية هههههه

مافهمتش العادات ماش كيف كيف سبحان الله واش رايكم حتى اندير موضوع كل وحدة تشرح العادات تع مدينتها
لكن حسب ماقريت ماخاليتى والو وكلش فيو غوز الله ايباركلك يا اختى وايكملك ويحفضك

مرسي لبنات على اراءكم

اولا على الكيمينو اللي تحكو عليه شراتهولي عجوزتي

ثانيا الصبابط راني فلاليست كتبت واش شريت (هاداك نتاع الكوكتال و نتاع الدار و نتاع ديزابيي و واحد نتاع برا( هادو برك باسك تابعين لفاليزة الجهاز نديرهم في سلة مع الصوابن راني نسيت برك نقولكم السلة ندير فيهم هادو الاحذية 4 مع الروايح و الصوابن

ما تخافوش ماش هدا واش شريت صبابط راني شريت اخرين مي تابعين للشورى هههههه خالوطة ههههه

ثالثا اسماء قلتيلي على البري سقامولي في 7 ملايين مي حنونة انا كي قتلهم مدوهملي دراهم راحو مدولي 3 ملايين بررررررررك قريب نجن مي فتت على خير نصيحتي ليك يمدوهملك دراهم 100الف خير من 20 حاجة ما تعجبكش و بيناتنا اكييييييييد ماش رايحين يعجبوك حنا النسا ما يعجبنا العجب ولا الصيام في رجب[ندعوك للتسجيل في المنتدى أو التعريف بنفسك لمعاينة هذه الصورة] ههههههه

رابعا ههههههه تقول نلقي في درس [ندعوك للتسجيل في المنتدى أو التعريف بنفسك لمعاينة هذه الصورة] هههههه

شهرة الذهب راهو عندهم كي يدو الفاليزة نهار التلاتاء يحطو الذهب فيها

يتبالس كملت[ندعوك للتسجيل في المنتدى أو التعريف بنفسك لمعاينة هذه الصورة]

اهلا بعروستنا
اولا الحمد لله على السلامة
انا قالولي نعطوك 4ملايين نتاع الفاليزا ونتي كيفاه اعطوك 3 ومنين جبتي حتى ولو 7
اما انا قلتلهم احكموهم ليكم والقنادر وهادوك الحوايج انا الي نروح نخيرهم وهوما يسلكو دبرو راسهم

هكا خير يضهرلي اكييييييييد راح يزيدو