فاليزة ليلة الدخلة

سلام بنات وشراكم .الموضوع باين من عنوانو انا بالنسبة ليا لعروسة لازم ترتب هاذ الفاليزة من قبل باش تكون الاز .من الاشياء اللي لازم تكون في هاذ الفاليزة .ديزابيي ابيض مع الصابو نتاعو.نويزات .هدية زوجك.عطور.اشياء كوسميتيك .اشياء رومانسية مثل الشموع .....زيدو قولولنا وش لازم تاني بنات

فكرة مليحة مي على حساب الحوايج يلزم فاليزا كبيرة سع
وكيما قلتي ديزابي ابيض وتوابعو
وكسوة الصباحة قندورة الوردي والبرنوس باش تروح للحفافة

اممم واش تاني.........
نقلكم الصراحة معلاباليش ههههه

هيا لبنات فيدووووووونا

هههههه راكي كيما انا بصح نتي تعرفي خير مني

لازم ديزابيي بيضا + صابو تاعها +برنوس او فوطة تاع الحمام( منشفة كبيرة + منشفة صغيرة اذا مابغيتيش تدي حوايج بزاف) + حوايج تاع الدوش( جال دوش,شومبوان,لابري شومبوان, جال لنظافة و حماية منطقة الفرج, لخزم, الكاسة....) +بارفان +لي ديودورون لاكلاس ( لازم كي يشمها يلصق فيك ههههههه) + سيشوار+ شموع +الورد المجفف باي لون بغيتيه انا نموت على الاحمر + فراش تاع السرير انا درت لي درا تاع الساتان بالاسود و الاحمر + هدايا للزوج ساعة( fistina .swatch. boss. guess.......) +ملابس رياضية و ملابس للنوم + كوفر بارفان . و ضوء خافت باللون الاحمر او اي لون على حسب ذوقك . وعدلي و زيني لا شومبر تاعك كيما لازم حطي لي ناب +لي ريدو + الفراش تاع السرير+ لي دي سوندلي و انثري الورد فوق السرير و على الارض و حطي الشموع في بلاصة بعيدة باش ماتقيسوهمش و تتحرقو لا قدر الله.هههههههه
* اذا كنت راح تروحي فواياج دو نونس ديري وش لازمك من ملابس الخرجة +احذية +خيمارات + فوطة تاع الحمام+ حوايج تاع الدوش + نويزات + لي سوفاتمو + سيشوار+ بارفان + ديودورون و كل وحدة علابالها وش يخصها اذا رايحين للاوتال ماترقدوش على لي درا نتاعهم لازم كلشي نظيف ( لي درا +الادوية ( دوليبران.دواء تاع العادة.......) +الشموع و الورد لازم تفوتو ايامات ماتتنساش
* اذا كنت راح تقعدي للصباحة وجدي حوايجك ( حوايج تاع الدوش + ..............) اذا كنت راح تصدري نوظي بكري ديري دوش و روحي لكوافوز والبسي اللبسة الاولى و روحي لدار شيخك اذا كنت تسكني وحدك و ابداي تصديرتك حتى تكملي و يحزمولك و خلاص ربي يهنيكم و يرزقكم الذرية الصالحة.

بارك اله فيكي ختي والله غير عاونتينا بزااااااااف ربي يجعلها في ميزان حسناتك و يعطيك ما تتمناي

نظن بلي الاخت مون راهي كفات ووفات الله يبارك
يعطيك الصحة اختي ربي يعطيك ماتتمناي راكي افدتي بزاف المخطوبات

وفيكم البركة ياالبنات حنا لبعضانا كل وحدة تلقى ختها انا الحاجة اللي نعرفها ما نبخلش بها عليكم .مدابينا كامل نتعلمو ونديروا حاجة مليحة

بعطيك الصحة الاخت مون
عجبتني هادي هههههههه
( لازم كي يشمها يلصق فيك

وعلى مسالة الدوش هادي وحدة دور عليها مجادلة
احنا عندنا يوصيو العروسة ملزمش تدوش عحتى لنهار 7 تروح للحمام ومن تم للحفافة ويديرولها لعشا


معلاباليش انتم كيفاش

ختي بصح كيفاش متدوش والصلاة متصليش ولا كيفاش لالا لازم تدوش قبل الفجر بصح تدفي روحها مليح باش مايدخلهاش لهوا

يعطيك الصحة مون على حسابك لازملنا ندو معانا قداه من فاليزة ماشي وحدة برك


والله غير فدتينا بزاف بزاف مرسي


و الدوش لازم تتدوشي على الصلاة وعلى السخانة و العرق تفيحي

New sunrise كتب:

بعطيك الصحة الاخت مون
عجبتني هادي هههههههه
( لازم كي يشمها يلصق فيك

وعلى مسالة الدوش هادي وحدة دور عليها مجادلة
احنا عندنا يوصيو العروسة ملزمش تدوش عحتى لنهار 7 تروح للحمام ومن تم للحفافة ويديرولها لعشا


معلاباليش انتم كيفاش

عادة غريبة ومشي مليحة
لازم دوش باش تصلي ولازم تنقي روحها كل يوم تخيلي تقعد 7 ايام بلا دوش يهرب راجلها

يعطيكم الصحة يالبنات هذا وين قدرت نلحق للموضوع اختي مون الله يجازيك كل خير والله راكي هدرتي كلش مكاش نقطة نسيتيها وعلابالي كامل البنات رايحين يكتبو واش قلتي (واتا وحدة منهم) الله يعطيك ماتتمناي ان شاء الله..

اما على الدوش لازم دوشي مكانش منها جامي شفت عروسة مادوش اصلا كي تدخل لشمبرا اول حاجة هي دوش انا مانقدرش نقعد بكيلو مكياج ولاكواف فوق راسي وتصلي المهم مراحش يهرب الراجل يستنى هو قاع ماستناش وتان مور كلش تزيد دوش وتعطيها برقدة هههههه اذا كانت في وقت الفجر تصلي وترقد واذا داتها عينها كي تنوض تصلي واذا زاد هبلها راجلها تزيد دوش نورمال هههههههه رايحين نديرو ابولمون فالدوش



العوايد هاذو اخطوكم منها ومكانش حاجة لتمنع الدوش رانا نشوفوهم عرايس دوشو وراهم لاباس اعليهم بالذراري وكلش


وانا نحير فالمرا لي تبقى بلا دوش يالهي كارثة خخخخخ اسما اخطيك من العادات دوشي ودفي روحك مايقيسك والو يالوكان ديري بروتاج سليب من الهوا

New sunrise كتب:

بعطيك الصحة الاخت مون
عجبتني هادي هههههههه
( لازم كي يشمها يلصق فيك

وعلى مسالة الدوش هادي وحدة دور عليها مجادلة
احنا عندنا يوصيو العروسة ملزمش تدوش عحتى لنهار 7 تروح للحمام ومن تم للحفافة ويديرولها لعشا


معلاباليش انتم كيفاش

راهم جاوبوك البنات حنا في هذيك الليلة اللي تروح فيها العروسة من العرس تدير دوش فما بالك من بعد الماتش .ديري في بالك بلي مراح يصرالك والو ديري دوش تاع 5 دقايق باش تطهري و تصلي و خلاص مكيش راح تقعدي ساعتين.زيدي اذا حب راجلك يعاود الماتش ما تصلحش يعاود على ( الخماج ).نزيد نحبسلك راسك حنا عندنا المراة النافسة كي دير يومين تدوش ماتقعدش 40 يوم .هاذو خرافات تاع جداتنا .مكانش قد النظافة مكلاه تعمري راسك بحاجة ماعندها حتى معنى.

لكم كل الشكر ياالبنات على الردود العطرة.

والله ماعلابالي الصلاة كيفاش راهم يديرو......
اما النضافة من العرق والماتش كيما قالت مون ههه لازم نضافة بصح مش دوش كامل من الراس لرجلين معلاباليش علاه راهم يقولو هكدا

سارة هههههههه واش يحسابلك متقيسش الماء هاي لازم
بصح هادي متاكدة منها دوش نتاع قعاد مش مليح بالوقفة وليه ليه هكا راح ندير ان شاء الله على قد ما يقيسني الما برك

وشكرا لكل من فادتنا يعطيكم الصحا على طرح الموضوع

هههههههههه مليح الماتش الخوف ليحب البرصا عندو واش اماركي هههههههههه يفوت ميسي





لالا اسما دوش واقفة تنحي العرق

انا من لي كبرت مادوتش قاعدة هههههه

هههههههه سارة قتلتيني بالضحك .والله غير عندك الحق انا من نهار اللي كبرت ووليت ندوش وحدي وليت نحس بلي راني نحرحر ونخرج .كانت ماما تكيسلي الله الله تخرجني مجروحة ههههه نكره حياتي

هههههههههههه شفتي كي تحكمك بالكاسة ياخاه الهربة تسلك تقولي راهي تنحيلك فاللحمة

كيما نهار تحكمك تمشطلك شعرك ايام العسكر خخخخخخخ

والله صح انا تامني غير التكياس ونعجز نكيس مرات كي نخرج من الدوش لحمي تاكلني هههههههه

تـــالمو ننسى نكيس مي كل يوم ندوش كيما الفرنسيس ونخرج بيضة امالا كي نكيس نرجع ترونسبارو

خخخخخخخخخ

هههههه وحدك سارة

بدون تعليق

لبنات والله راكم فدتونا بالبزاف صدقوني خوتاتي انا عرسي وقيل في العيد لكبير والله ماني فاهما فيها والو لا ماتش لا فليزا لا والوووووووووووووووووووووو
مون راكي وفيتي شكرا ليك

بارك الله فيك مون راكي فدتي المخطوبات وفدتينا حنا تاني هكا مانبقاوش نسقسيو من وك

سارة يا المهبولة ولات فيها بارصا

شفتو والله غير نخرج من الدوش مرات نبكي كي كنت صغيرة اللحمة قريب تتسلخ من الكاسة اما ضرك رانا غير كب الماء واخرج ههههههه

دوشي يتعبا البسان ماااااااااااااء ونقعد فيه كيما نتتاع الافلام هههههههه
بالواقفة ميتسماش دوش

اسماء أنا مرات ونضرح من الباسان كب الماء ليه ليه ونخرج ههههههههههههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

نظن لبنات كفاو و وفاو سيرتو الاخت مون ربي يحفظكم

برك حبيت ناكد على حاجة

لي بوند لازم ما تنساوهمش و غسول المنطقة الحساسة من لا فارماسي اشرو سافورال و لا لاكتاسيد و فيزو

هادو بعد انتهاء العملية روبوزي شوية و روحي اغسلي بالغسول و البسي بوند و سليب و فيزو باش يضمك

اما على الدوش العروس لازم تدوش للصلاة اكيد و مام واش يخرج منك عمرها النظافة ما كانت تمرض

برك الا خفتي يدخلك البرد اكيد لازم تغسلي بالما الدافي مهما الوقت اللي زوجتي فيه صيف و لا شتا

و الغسول هاداك طول ما يخطيكش طوال هاديك الفترة و بعد كل كونتاكت

على الصبحية الا ما عندكش برنوص ديري عباءة و القندورة نتاع الصباحية لازم تكون غوز

و ربي يهني كل عروس على وجه الدخول

مرسي سامية وبارك الله فيك على نصائح ديالك