صور منتجاتنا للعناية بالبشرة و الشعر و اسعارها

جوهرة الايمان28 كتب:

نفس الهدرة بالحرف الواحد خوه

حتى انا درتو بين الافخاذ و درتو في المرفقين و الركبتين البلايص الي فيها سواد و درتو في رقبتي لى خاطر جرباتو الطفلة الي وراتولي في رقبتها وفادها وانا لاحظت الفرق عليها


بصح انا جلدي حساس واش ندير " longdesc="59" />

مدام البشرة تاعك حساسة حكي غير بالشوية و ماتكتريش منو بزاف

غدوة ان شاء الله نجربو و نقولك رايي فيه

hadjer كتب:

سموني حلزونة وفرات ههههههههههه

بصحتكم بنات وش شريتو كامل

نور ضحكتني بونبونة تاعك مسكينة غير صغيورة قدام الجال دوش ههههههههههه

مالة ملح اليوكو مايستعملش للمنطقة الحساسة؟؟؟؟؟
انا قريت من قبل في المنتديات يديروه ثما نورمال

اوكي نتي حلزونة و انا بونبونة " longdesc="28" />

مانعرف بالاك على حسب درجة حساسية البشرة ..نجربو و نشوف

مساء الخير حبيباتي سامحوني و الله عندي مدة وانا نتبع في الموضوع تاعكم بصح التفنين قتلني مع الخدمة المهم اليوم باه قدرت نصورلكم المنتوجات تاعي الشوية و بديت شوية نهتم بروحي درت الصباح قناع تاع الطين و لا الطفل بالما ورد عجبني هايل يصفي و درت النشا و ماء ورد بين الفخدين حشاكم و طيبت الرجيبنة بصح ماعرفتش كيفاه نخدم بيها خبيتها في الثلاجة حتى نهار يفرج ربي و نعرف كيفاه نديرها . لبمهم هادو شوية المنتوجات اللي راني نستعمل فيهم

[ندعوك للتسجيل في المنتدى أو التعريف بنفسك لمعاينة هذه الصورة]


هدا ماسك شريتو عندي قريب شهرين عجبني مليح يرطب الشعر يدير 450دج
[ندعوك للتسجيل في المنتدى أو التعريف بنفسك لمعاينة هذه الصورة]
هدي فازلين تاع الكاكاو نظن صارة تستعملها ماشفيتش المهم ريحتها تهبل و ترطب عندي برك سمانة ملي شريتها بصح عجبتني و السعر نظن 400دج

[ندعوك للتسجيل في المنتدى أو التعريف بنفسك لمعاينة هذه الصورة]
هادا الشامبوان تاع الماسك الأول انا والم شعري و عجبني هدا زعمة ليساج ههههه بصح كون ماتديريش السيشوار وععععععععععععع و يدير 350دج
[ندعوك للتسجيل في المنتدى أو التعريف بنفسك لمعاينة هذه الصورة]



هادي كريم تاع الشعر تديريها بعد الدوش تخلي شعرك خفيف و حيوي و كاين اللي تزيتلهم الشعر انا شخصيا مازيتاتوش بصح اختي زيتلها منها كل واحد و شعرو نظن تدير 350دج عندي واحد 3 أشهر و انا نديرها

[ندعوك للتسجيل في المنتدى أو التعريف بنفسك لمعاينة هذه الصورة]
هدا لاكتاسيد يدير 380دج هايل ريحتو كيما لولي تاع ليبيبي خاص للمنطقة الحساسة و عجبني كي تقدري تغسلي بيه كل مرة يعني ماشي كيما سافورال مرة و لا زوج في الأسبوع هدا تغسلي بيه كيما تحبي انا نديرو 2 مرات في النهار مرة الصباح و مرة في الليل كي نجي نرقد. و كي شريتو مدولنا هاديك الصاك دو توالات معاه زعمة تاع 8 مارس :225:

[ندعوك للتسجيل في المنتدى أو التعريف بنفسك لمعاينة هذه الصورة]

هادي زيت الياسمين قالولي مليحة تعطر زعمة المنطقة و الجسم بصح انا صراحة ريحتها ماعجبتنيش مانيرهاش بزاف شريتها بلاك 150دج

[ندعوك للتسجيل في المنتدى أو التعريف بنفسك لمعاينة هذه الصورة]

هادا زيت نبات السعد نظن غني عن التعريف بصح انا حسيتو كلي مادارلي والو بالصح راني موظبة عليه و ماعنديش بزاف نزيد نكمل بيه شوية و من بعد نشوف

[ندعوك للتسجيل في المنتدى أو التعريف بنفسك لمعاينة هذه الصورة]

هادا زيت اللوز ندير بيه وجهي كل يوم في الليل و شعري مرة في الأسبوع يعجبني مليح

[ندعوك للتسجيل في المنتدى أو التعريف بنفسك لمعاينة هذه الصورة]
و هادي هاديك الصا دو توالات اللي دات مع لاكتاسيد هههههه

[ندعوك للتسجيل في المنتدى أو التعريف بنفسك لمعاينة هذه الصورة]

سامحوني مانعرفش نعدل حجم الصور اللي تدخل مورايا تقوم بالواجب تعيشو


هادو هوما ان شاء الله يكونو عجبوكم حبيت برك نقولكم على هداك lactacyd صدقوني هايل شريتو 380دج غير كيما عندي واحد السمانة دارو promotionتاع عيد المرأة كي تدي باطة يمدولك معاهم ساك دو توالات مالا ختكم ماتراطيش هههههه

شكرا اختي على المشاركة بصح اسمحيلي حنونة ماقدرتش نشوف الصور كبااااااااااااااااااار فوق اللازم

وماذابيك تصغريهم وتكتبي نبذة على كل منتج واش هيا استعمالاتو و مفيد ولا لالا و الثمن اذا امكن

جوهرة الايمان28 كتب:

شكرا اختي على المشاركة بصح اسمحيلي حنونة ماقدرتش نشوف الصور كبااااااااااااااااااار فوق اللازم

وماذابيك تصغريهم وتكتبي نبذة على كل منتج واش هيا استعمالاتو و مفيد ولا لالا و الثمن اذا امكن

تقدري تشوفي الصور درك سمية راني عدلتهم

اه خلاص راهم الصور بانو صغار

تبا خلاوني حتى رديت وصغارووووووووووووووو


المهم ما زالت الملاحظة الاخرى
وماذابيك تكتبي نبذة على كل منتج واش هيا استعمالاتو و مفيد ولا لالا و الثمن اذا امكن

وبصحتك ماشريتو انش اء الله يفيدوك

. . .

يعطيك الصحة على المشاركة القيمة طمين ياسمين

قوليلي lactacyd القرعة تاعو صغيرة؟؟ شفتهم كيما هدرو عليه في "ممنوع على الرجال" في نسمة

و هدا ماسك للشعر؟؟ و واش رايك فيه

[ندعوك للتسجيل في المنتدى أو التعريف بنفسك لمعاينة هذه الصورة]

ميرسي مرة اخرى على المشاركة

شكرااا ياسمين على المشاركة وبصحتك الصوالح اللي شريتيهم

ممكن تقولينا زيت الورد وزيت الياسمين في وش تستعمليهم

هههههههههههه مليحة نور

مام انا اذا شريتو راني نجربو
انا مانبردش حتى نجرب الحاجة بيدي ونشوف النتيجة بعيني

نور الجزائر كتب:

يعطيك الصحة على المشاركة القيمة طمين ياسمين

قوليلي lactacyd القرعة تاعو صغيرة؟؟ شفتهم كيما هدرو عليه في "ممنوع على الرجال" في نسمة

و هدا ماسك للشعر؟؟ و واش رايك فيه

[ندعوك للتسجيل في المنتدى أو التعريف بنفسك لمعاينة هذه الصورة]

ميرسي مرة اخرى على المشاركة

نور القرعة تاع لاكتاسيد ماشي كبيرة بزاف الحجم تاعها 120مل .مام انا شفتهم كي هدرو عليها و صدفة غدوا من داك كي خرجت لقيتهم في الصيدلية يبيعو فيه .
الماسك عجبني مليح كيما قلت لك يرطب

hadjer كتب:

شكرااا ياسمين على المشاركة وبصحتك الصوالح اللي شريتيهم

ممكن تقولينا زيت الورد وزيت الياسمين في وش تستعمليهم

زيت الورد عجبني بزاف ريحتو مليح و قالو بلي تعطر المنطقة الحساسة و الجسم انا راني ندهن بيها في الليل و كي ندوش و زعمة قالو بعد استعمال طويل و مواظبة تولي رايحة الجسم تاعك كيما ريحتو رانا نتبعو ههههه تبع الكداب لباب الدار .

و زيت الياسمين ماعجبتنيش ريحتو بصح نديرو غير كي تخلاص لي زيت الورد نديباني بيها .

شكرااا ياسمين على الرد
حتى انا كنت نحوس على زيت عطري

مشكوييييييييييييييييييييييييييييين على الموضوع القيم

يعطيك الصحة ياسمين ربي يحفظك

تعبناك اسمحيلنا


راكي متهلية في روحك

عجبني الاول الماسك تاع الشعر على خاطر ماعنديش منتجات لشعري ومانحبش نخرب فيه اذا مليحة نشريها ونجرب

سؤال برك اذا شريت الماسك لازم الشمبوان تاعو ولا لالا ؟؟؟؟؟؟؟؟؟؟؟؟؟




عاشقة الجزائر اهلا وسهلا بيك ننتظر تفاعلك معانا

صباح الخير

هاجر حتى انا لازم نجرب الحاجة اول مانشريها بويسك من بعد تسماطلي و ننسى عليها

ياسمين يعطيك الصحة على التفاعل و الاجابة على اسئلتنا

سمية حتى انا حابة نشري ماسك لشعري و ماعرفتش وش نجيب


ملاحظة للبنات تقدرو تشاركونا بصور لمستحضرات جربتوها من النت ..مثلا اذا جربت واحدة صابون و عجبها تحطلنا صورتو من النت و تقولنا سعره و رايها فيه

سلام

جربت ملح الحليب و عجبني للتقشير يخلي البشرة رطبة وحنينة لكن التبييض مايبانش من اول استعمال
ريحته كيما ريحة الزبدة+السكر كيما خرجت من الدوش تقول تدوشت بالقاطو هههه

ان شاء الله رايحة نداوم عليه و نقولكم على النتيجة النهائية

نور الجزائر كتب:

سلام

جربت ملح الحليب و عجبني للتقشير يخلي البشرة رطبة وحنينة لكن التبييض مايبانش من اول استعمال
ريحته كيما ريحة الزبدة+السكر كيما خرجت من الدوش تقول تدوشت بالقاطو هههه

ان شاء الله رايحة نداوم عليه و نقولكم على النتيجة النهائية

نفس الملاحظة تاعي ايا مليح رانا نجربو ونشوفو

يعطيك الصحة ياسمين على الافادة
انا تان خاصني ماسك للشعر انا شعري جاف و مجعد جربت شحال من سيروم مي ما دارولي والو

جوهرة الايمان28 كتب:

تفكرت هذا تالك كيما شراتو سمية انا عندي من بكري و نحتاجو بزاف خاصة بين الافخاذ عندي حساسية لتم انشف بيه في الصيف و فادني بزاف


و عندو واحد الاستعمال آخر تاع غش في الاعراس كي تكوني لابسة سواري ايا ديري منو لذرعيك و الابط و سيقانك تخرجي تووووووووووووب شووووووووووويا برك ترجعك بيضاء وناعمة ومايسيلش كيما الفوندوتان ولا يخسر

بنت خالي في عرسها عمرتها بيه " longdesc="51" /> " longdesc="52" />

[ندعوك للتسجيل في المنتدى أو التعريف بنفسك لمعاينة هذه الصورة]

اه سمية شكرا على المعلومة حنونة انا شارياتو مي ما عرفتش فاش نستعملو

مشكورين على الموضوع المميز

شكرا ياسمين على المنتجات ديالك وعلى المشاركة المميزة

شفتي ريحتو شعال تهبل هذاك الفازلين يوووو تقولي ناكلو

بصحتك مجددا

مرسي على النصائح لبنات

ومرسي نور على مشاركة التجربة

[ندعوك للتسجيل في المنتدى أو التعريف بنفسك لمعاينة هذه الصورة]

وصال تسنيم كتب:

مشكورين على الموضوع المميز

العفو
يا ريت تشاركينا " longdesc="52" />