ساعدوني فانا بحاجة الى مشورتكم

السلام عليكم ورحمة الله وبركاته تقبل الله صيامكم وعيدكم مبارك وكل عام ونتم بخير اردت ان اطرح عليكم مشكلتي فلا تبخلوعلي بالمساعدة
انا فتاة كنت مخطوبة لشاب من ولاية تيبازة بعد حب دام سبع سنوات ولكننا انفصلنا في شهر رمضان لانه خانني وتعرف الى فتاة اخرى وخلال تلك الفترة واثناء ذهابي الى المسجد لاحظت بان هناك شابا يقيم في نفس الحي الذي اقيم فيه يتبعني اينما ذهبت وهو شاب ملتزم وملتحي اي هو سلفي وفي اخر ايام رمصان طلب مني رقم هاتفي لانه يريد ان يكلمني في موضوع مهم اعطيته الرقم وكلمني واخبرني بانه معجب بي ويريد ان يتقدم لخطبتي لكن في الوقت الحاضر ظروفه لا تسمح فهو غير مستقر ماديا وطلب مني ان اصبر عليه قليلا فوافقت
لكن في الفترة الاخيرة عاد خطيبي واراد ان نعود كما كنا وانه ندم على مافعله واقنعني باننا سنكون احسن من الاول ولكن عندما نتزوج علي التوقف عن العمل والسكن مع اهله وزوجة اخيه في بيت من تلات غرف
في الواقع انا في حيرة من امري ولا اعرف ماذا افعل لقد صليت صلاة الاستخارة علىالشاب الذي كلمني لكن لم يظهر لي اي شيء و في نفس الوقت انا اميل له اكتر من خطيبي وهذ لتدينه ورضاه رغم انه اخبرني ان تزوجنا فاننا سنقيم مع اهله وسوف اتوقف عن العمل لكني وافقت ورضيت اعينوني من فضلكم وادعو لي ان يسهل الله اموري ويرزقني بزوج صالح

وعليكم السلام اختي خديجة
انا نوافق اختي ReD PeArL
وزيد حسيتك تميلي اكثر للشخص الثاني ومدام راهو ناوي الحلال وانسان مليح ومدين وارتحتيلو مكيش رايحة تلقاي احسن منو حتى واذا كان مزال ماهوش مستعد للزواج بسبب ظروفو مشي مشكل ربي يفرج عليه ان شاء الله
اما خطيبك الاول مدام خانك مرة رايحة تبقاي دايما تشكي فيه حتى واذا قدرتي تسامحيه
يبقى هذا رأيي الشخصي لوكان جيت في بلاصتك
وفي الاخير نقلك حكمي عقلك وصلي صلاة استخارة مشي مرة ومشي زوج
وربي يكتبلك لي فيه الخير وان شاء الله تجي هنا وتفرحينا ونفرحوا معاك كامل
ربي يهنيك اختي

وعليكم السلام ورحمة الله وبركاته وكل عام وانت بخير اختي


يا اختي لي خان عشرة 7 سنين يقدر يخون مرة تانية

ومدام الشخص التاني مليح كيما راكي تقولي كملي معاه
ونحب نلفت نظرك لشيء مهم جدا الاستخارة ماشي لازم تبانلك حاجة في منامك ولا ؟؟؟

لالا اذا مبانتش معناها ربي راه يمشيلك في خطواتك وقراراتك
اذا ماشافش خير ليك مع هادا لي استخرتي من اجلو راح يكون سبب باه تتفارقو
واذا شافلك الخير معاه راح يكمل بيناتكم

يعني ماخاب من استخار

ننصحك بالدعاء والاستخارة
وربي راح يبينلك كل شيء

وعلى الخدمة تهون اذا كان الراجل قادر انو يكفيك
والسكنة مع الاهل تاني قادر تلقاي اهلو ناس ملاح وتتوافقي معاهم وقادر لا تدعي ربي حتى تكون عندك دار وحدك


بصح لوخر راه راجع ويشرط تحبسي الخدمة وزيد يسكنك مع اهلو من 3 غرف راح يديرك في باطة؟؟

اين انت يا خديجة
ان شاء الله تكون انحلت امورك
طمنينا عليك

الاخت خديجة تكون درك دارت عملية جراحية

ادعولها ترتاح
وربي يهنيها

ربي يشفيها امين

ربي يشفيها ويقومها بالسلامة ويهنيها
طهورا ان شاء الله