محتاجة مشورتكم تعالوووووووووووووو

بنات حبيتكم تعاونوني بكاش فكرة جديدة نقدم بيها الدراجي

قالتلي اختي راحت لعرس صحبتها دارت دراجي في القماش اللي مثقب و ملصقتها من التحت في وردة طويلة
ما فهمتش الطريقة بالضبط ادا تعرفو هادي الطريقة ولا تعرفو طريقة اخرى قولولي عليها بليييييييييييييز

شكرا مسبقا

والله ماعلابالي سمية انا كاين لي يشرو الفيلي هذاك ويخدمو بيه وكاين لي يشرو لي بوات سبيسيال تاع دراجي وكاين لي يلصقوهم فالورد

من بعد اذا لقيت دي مودال نديرلك موضوع

والمودال لي راكي تهدري اعليه جابلي ربي عندي فالدار غدوة نصورلك وشوفيه اذا هكاك

شوفي هكا لقيت فالانترنيت

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]




ولا ماتكلفي وحك ماوالو ديري حاجة سامبل اشري كيما هكا


[ندعوك للتسجيل في المنتدى أو التعريف بنفسك لمعاينة هذه الصورة]



وعمريهم


[ندعوك للتسجيل في المنتدى أو التعريف بنفسك لمعاينة هذه الصورة]


ممكن ديري بوقالات داخل او تشبحيهم من فوق برباط اكون شباب



[ندعوك للتسجيل في المنتدى أو التعريف بنفسك لمعاينة هذه الصورة]




او ديري دي بوات


[ندعوك للتسجيل في المنتدى أو التعريف بنفسك لمعاينة هذه الصورة]

سارة نورمالمون هادوك اللي راكي صورتيهم تع الورد اللي قصدتهم اختي
والافكار الاخرين تان شابين
انتي وش رايك عجباتك الطريقة تع الورد ولا لالا؟

لالا ماشي ديالي هاذوك غدوة نصور لي عندي فالدار تاع لي دراجي وشوفي نتي واش يعجبك

مي كي قلتي ورد قلت ممكن هكاك مدايرين لي قالت اختك اعليهم

شوفي انا نقلك حاجة عليك وعلى الدراهم وحدة من زوج ياديري لي بواط شابين ولي دراجي نورمال كيما قاع الناس

ياديري لزوج حاجة شابة وتوب

مي تاع لي دراجي الغاشي يكون راح كاين لي يروحو قبل ماترسبيو الدراجي وممكن يقعدو خخخخخ

يعني ديري حسابك ودوري فالحوانت وين ابيعو باش تدي فكرة من دوك وتشوفي الاسعار

مدام راه الحال مزال وماتتخلطيش من بعد ميزي وشوفي على حساب دراهمك

وعلى فكرة الورد حاجة شابة مي شعال تستقاملك احسبي الورد ودراجي راهي فيها شوية

اني نخمم على جيبك

شفتي خخخخ

[ندعوك للتسجيل في المنتدى أو التعريف بنفسك لمعاينة هذه الصورة]

صح عندك الحق سارة
يعطيك الصحة

سمسومة ماتحمي بزاف ماتكسري راسك ماكان لاه حاجة غالية ومكلفة ومن بعد كي يروحو الغاشي وتشوفيهم في الارض يترماو تحسي بلي رميتي دراهمك كن شريتيهم حاجة لجهازك خير


نصيحة من عندي ديري دي بوات باهيين راهم كاينيين انواع بزاف خير من ورد و ساتان وماعلباليش تبذير برك
كن جات حاجة ياكلوها ماي خسارة


و الهدرة تاع الغاشي فيها فيها كن حتى تحطيلهم في ذهب مالا ديري الي مايكلفكش بزاف ونتي و واش يخرج عليك

سمية انا من رايي ماتخسريش دراهم على الدراجي وتديري حاجة مكلفة
حنا في ختي شرينا لي بوات صغار ودرنا فيهم ماستقامولناش كامل بزاف
اذا ماحبيتيش لي بوات
اشري هاذاك الفيلي وقطعيه دوائر ديري فيهم الدراجي واحكميها بحاشية والسلام
انا لوكان مشي الحشمة نمدلهم في يدهم يروحو يدزو معاهم هههههههههههه

انا رايي من راي سمية
ديري دي بواط و خيري مودال يكون مليح و هزي عليك

و الله حنا نكلفو رواحنا بزاف و نديرو حوايج ما عندهم حتى معنى و يخسرونا برك " longdesc="203" />

قوم اهبط المورال ههههههههههههه

شفتي كيفشا نحبو الاقتصاد باسك العباد مايستاهلوش

ياو اجيولك غير الفناجل خخخخخخ ماتكسريش راسك معاهم

وكيما قالت سمية الهدرة كاينة وتكون

---------

هاجر قتلتيني بالضحك في عرسك ديريها هههههههه

ولا نقلك ديري قفة فيها لي دراجي وتالمو تحبيهم بزاف دوري وتيري اعليهم حتى يتفجخو في راسهم هههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

صح البنات والله عندكم الحق انا ما كنتش ناوية ندير الدراجي اصلا مي ماما قاتلي لازم و حاجة بالطبع و ماعلاباليش راكم عارفين على خاطر كلش خارج من ظهري هههههههه

مالا ندير كيما راكم قلتولي دي بوات و خلاص

شكرا على النصائح

سمية اني صورتلك لي هدرتلك اعليهم وكاين بزااف مالقيتهمش ماما تموت على حوايج العراس

عندها واش راهي مخبية خخخخ



شوفيهم


[ندعوك للتسجيل في المنتدى أو التعريف بنفسك لمعاينة هذه الصورة]

اين انتي ياسوسو

[ندعوك للتسجيل في المنتدى أو التعريف بنفسك لمعاينة هذه الصورة]

موديلات هايلييييييييييين سارة
عجبتني الوردة البيضاء جات روعة بصح اكيد تكون غالية

شكرا سارة
قاتلي اختي نشوفلك عند لي قروسيست تع الورد بالاك يطيحلي رخيس و ادا خرجلي غالي ندير لي بوات و فرات

هاجر ما تعرفيش كاش قروسيست تع ورد عنكم في بليدة؟؟

ايه شوفي عند لي قروسيست بالاك تلقايهم رخاس

بلا مزية سمية

والله مانعرف سمية
كيما قتلك حنا درنا لي بوات لي ختي

معليش هاجر مشكووووووووووووووورة