تجـــمع البنـــات لاستفســـارات العنايـــة بالبشـــرة والشعـــر

شريتها غير اليوم مزال مدرتش منها

uriage ملاحة جربتها العام لي فات ملاحة وتمد طلة ملاحة للوجه بصحتك اختي

بصحتك فاتي هاذي هي لي بالذات والصفات [ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله تخرج اعليك وتنفعك اكثر ماضرك وتلقاي روحك فيها
نتي سيي دير كمية قليلة 3 ايام االاولى
وكي توالف البشرة ديالك وتتعود اعليها ديريها كيما تحبي يعني الصباح كي تخرجي وعشية
واش من رقم شريتي ولا سقسيتي الفارماسي؟

شريت رقم +50 و سقسيت الفرماسيان قالي متزيتش الوجه و انا البشرة نتاعي دهنية في الصيف و في الشتاء عادية يعني توالمني انا نجربها و من بعد نقولكم على النتيجة . بصح البنات كاينة واحد الحاجة كاين عند مول المكياج نفس الماركة و نفس العلبة بصح ماشي نتاع خارج يعني نتاع البلاد و الثمن نتاعها 25 الف . اللي تبغي تشري تروح عند الفرماسي اضمن .

اوك مليح لي سقسيتيه اواه لي برودوي كوسمتيك سورتو تاع اكرون توتاال الخ
قاع من الفارماسي لخرين نهار كامل وهوما فالشمس ولا مام فالحانوت ماشي مضمونين
الاحسن فارماسي صح تشريها غالية مي ماشي تهلكي وجهك وزيد الوجه هو الصح اذا راح بح



بصحتك وان شاء الله توالمك

عندك الصح اختي بشرة الوجه تتحسس بزاف و مالازمش نخلطو فيها بزاف و اي برودوي تحبي ديريه في وجهك سقسي عليه بزاف و اشريه من عند الفرماسي احسن هكذا باش تضمني البرودوي

سلام بنات عندي استفسارات عاونوني فيهم نمدهم بالطرف اول حاجة اليوم نحب نعرف التقشير تاع الوجه كيفاش نديره بحوايج طبيعية و زيت السعد قالولي يساعد في تخفيف نمو الشعر شكون الي جرباتو تقول راني كرهت من تنحية جد الشعر خاصة جاء الصيف و الله كارثة

fati mostaganem كتب:

عندك الصح اختي بشرة الوجه تتحسس بزاف و مالازمش نخلطو فيها بزاف و اي برودوي تحبي ديريه في وجهك سقسي عليه بزاف و اشريه من عند الفرماسي احسن هكذا باش تضمني البرودوي

صح هاذي هي ربي يحمينا من الغشاشين

رحيق الايمان كتب:

سلام بنات عندي استفسارات عاونوني فيهم نمدهم بالطرف اول حاجة اليوم نحب نعرف التقشير تاع الوجه كيفاش نديره بحوايج طبيعية و زيت السعد قالولي يساعد في تخفيف نمو الشعر شكون الي جرباتو تقول راني كرهت من تنحية جد الشعر خاصة جاء الصيف و الله كارثة

اهلا اختي

التقشير انا مانعرفش فيه مي كاين دي ماسك وبرودويات جي نور تفهمك انا خطيتهم قاع [ندعوك للتسجيل في المنتدى أو التعريف بنفسك لمعاينة هذه الصورة]

اما زيت السعد شريتو والله درتو 3 ليالي كيما قالو بعد ماتنحي الشعر بالرجينة من تم بح مازدتش كملت بيه راه هكاك فالقرعة ريحتو ماشي مليحة وزيد التفنين ولعجز وزيد اللي جربوه جربو النبتة ديالو وراكي تعرفي الجزائر مام تشري اي حاجة علابالك بلي ماشي صالحة يعني لوكان تلقاي النبتة ديالو صح وتخدميه نتي ممكن افيدك مي باش تشري زيت هذاك ماننصحكش باسك باين مغشوش من السعر ديالو 15 الف وزيد انا خفتو كي ونو اسود خفت اغيريلي لون البشرة مع انا بيضة ابان فيا باسك ترقدي بيه مدهونة وتفوحي الدنيا معاك :silent:
يعني ماشي براتيك قاع انا ماقدرتش نكملو وزيد الرجينة نديرها حسنة في سنة كرهت كلش ورجت للرازوار

شكرا اختي و الله حصلة فينا انا نحي بالرجينة و براون بالصح بالخف ينوض الشعر
حاجة اخرى حبيت نسقسي عليها انا شعري جاف و متضضرر مسكين شهقة و يموت غسلت بدوف هلكهولي بالموليف نورمال ما فادني ما ضرني رجعت لهادل شولدز ضرك شهرين ما دارلي والي درت فينوس تاع الجوائر ساعد الشعرة و هلك الجلدة بالقشرة حابة حاجة تساعدني باه نغذيه

بلا مزية ختي
انا رجينة ديرلي مسامات يبانو وكي ينوض انوض تحت الجلد
وينوض معاه الحب امالا مانديرها ماندير لي سيكاتريس لعمري

[ندعوك للتسجيل في المنتدى أو التعريف بنفسك لمعاينة هذه الصورة]

والله كيما قلتي حصلنا في جدو كي تكوني براسك نورمال مي كي تتزوج
ي تم الندبة الكبيرة مافهمتش واش نديرو وين راه الحل

رحيق الايمان كتب:

شكرا اختي و الله حصلة فينا انا نحي بالرجينة و براون بالصح بالخف ينوض الشعر
حاجة اخرى حبيت نسقسي عليها انا شعري جاف و متضضرر مسكين شهقة و يموت غسلت بدوف هلكهولي بالموليف نورمال ما فادني ما ضرني رجعت لهادل شولدز ضرك شهرين ما دارلي والي درت فينوس تاع الجوائر ساعد الشعرة و هلك الجلدة بالقشرة حابة حاجة تساعدني باه نغذيه

انا شعري فيه لاكولور وزيد لي ماش يعني اصفر مي نغسل بلي شمبوان لي مخصصين للشعر المصبوغ كنت ندير fructise

[ندعوك للتسجيل في المنتدى أو التعريف بنفسك لمعاينة هذه الصورة]

انا خرج اعليا مليح وقبل مايخلاصلي شريت دوك هذا

[ندعوك للتسجيل في المنتدى أو التعريف بنفسك لمعاينة هذه الصورة]

وتان مليح خرج اعليا

--------------
جربي هاذ la gamme ta3 garnier راهي ماركة مليحة ومعروفة

جربي فروكتيز للشعر الباهت راه يرطب الشعر مليح ممكن ادير 24 الف او 27

اخطيك من سانسيلك ماشي مليح

بالموليف جربت البرتقالي مليح بزااف

رحيق الايمان كتب:

سلام بنات عندي استفسارات عاونوني فيهم نمدهم بالطرف اول حاجة اليوم نحب نعرف التقشير تاع الوجه كيفاش نديره بحوايج طبيعية و زيت السعد قالولي يساعد في تخفيف نمو الشعر شكون الي جرباتو تقول راني كرهت من تنحية جد الشعر خاصة جاء الصيف و الله كارثة

اختي اهلا بيك و ان شاء الله نعاونوك في استفساراتك كامل
التقشير فائدته انه ينحي الخلايا الميتة اللي تغم البشرة و تسبب الحبوب....الخ و كيما تقشري وجهك بانتظام تلاحظي نعومة اكثر وتستفادي اكثر من اي مرطب ولا زيت تحطيه على وجهك لانهم يروحو طول لبشرتك مش يبقاو فوق طبقة الخلايا الميتة

كاين مقشرات جاهزة ممكن تشريها كيما انا نستعمل هدا

[img][ندعوك للتسجيل في المنتدى أو التعريف بنفسك لمعاينة هذه الصورة][/img]
و عجبني بزاف

تقدري تضشري وجهك بحوايج طبيعية كيما..زيت الزيتون و السكر ولا العسل وشوية دقيق و يقولو العسل مع الدقيق مش غير يقشر الوجه يخفف الشعر تاني و الله اعلم
لاكان رايحة تستعملي العسل جربيه على بلاصة صغيرة اولا لانك ممكن تتحسسي منه كيما انا يحمرلي وجهي بزاف مانقدرش نستعملو


زيت السعد يقولو مليح بصح لازم يكون الاصلي من الافضل تشري نبات السعد و تغليه مع زيت الزيتون وتدهني بيه خير من تشري الزيت جاهز

و رانا كامل نعانيو مع الشعر ربي يهنينا منه

رحيق الايمان كتب:

شكرا اختي و الله حصلة فينا انا نحي بالرجينة و براون بالصح بالخف ينوض الشعر
حاجة اخرى حبيت نسقسي عليها انا شعري جاف و متضضرر مسكين شهقة و يموت غسلت بدوف هلكهولي بالموليف نورمال ما فادني ما ضرني رجعت لهادل شولدز ضرك شهرين ما دارلي والي درت فينوس تاع الجوائر ساعد الشعرة و هلك الجلدة بالقشرة حابة حاجة تساعدني باه نغذيه

انا تاني نستعمل براون و ساعات الرجينة كون تدهني بزيت الزيتون من ورا ماتنحي تلاحظي بللي الشعر يخف و يطول باش ينوض

شعري انا تاني كان متضرر شبعتو زيوت و وليت نقصلو النهايات تاعو كل فترة تحسن شوية بصح مزال خفيف انا حابة نلقى حاجة تكثفو شكون تعرف حاجة تكثف الشعر

باه تغذي شعرك ديريلو صفار بيض و زيت زيتون ولا مايونيز و شوفي النتيجة

مساء النور البنات
عندي يومين برك ملي اكتشفت هادا التجمع الممتاز و عجبني بزاف
ديت يومين و انا نقرا فيه من الاول و هادا وين كملت
ان شاء الله نفيد و نستفاد

البنات بالنسبة للشعر في الوجه قريت مرة في منتدى الجلفة كاتبة اختنا وئام الروح بلي كانت ندير صابون مبشور مع اوكسيدون
ادا كاينة وحدة سامعة بيها تفيدنا و اجرها على الله

SAMOU1989 كتب:

مساء النور البنات
عندي يومين برك ملي اكتشفت هادا التجمع الممتاز و عجبني بزاف
ديت يومين و انا نقرا فيه من الاول و هادا وين كملت
ان شاء الله نفيد و نستفاد

مساء الخير
اهلا بيك معانا اي استفسار عندك راانا هنا و نستناو مساهماتك

SAMOU1989 كتب:

البنات بالنسبة للشعر في الوجه قريت مرة في منتدى الجلفة كاتبة اختنا وئام الروح بلي كانت ندير صابون مبشور مع اوكسيدون
ادا كاينة وحدة سامعة بيها تفيدنا و اجرها على الله

ماسمعتش بهاد الطريقة من قبل اللي تعرفها تفيدنا

SAMOU1989 كتب:

مساء النور البنات
عندي يومين برك ملي اكتشفت هادا التجمع الممتاز و عجبني بزاف
ديت يومين و انا نقرا فيه من الاول و هادا وين كملت
ان شاء الله نفيد و نستفاد

اهلا بيك سامو صح كاين بزاف لي ماشفوش مزية لي عجبك وكنتي قرعاجة وكملتيه [ندعوك للتسجيل في المنتدى أو التعريف بنفسك لمعاينة هذه الصورة]

وهذا تجمع العطور تان

سور ماشفتيهش



[ندعوك للتسجيل في المنتدى أو التعريف بنفسك لمعاينة هذا الرابط]

SAMOU1989 كتب:

البنات بالنسبة للشعر في الوجه قريت مرة في منتدى الجلفة كاتبة اختنا وئام الروح بلي كانت ندير صابون مبشور مع اوكسيدون
ادا كاينة وحدة سامعة بيها تفيدنا و اجرها على الله

والله ماسمعت بيها نعرف بلوندور اوكسيدون تخفيه بشوية ماء
باش مايحرقكش وديريه مي ماطوليش بيه باش يصفار الشعر

صحيتي شهرة راني شفت الموضوع و عجبني بزاف مع انا ماعنديش خبرة في الروايح 00000000000

ههههههههه اوك مليح سامو ماعليش كي تقراي تولي عندك خلفية على العطور وتولي خير منا قاع

لبنات شرالي بابا شامبوان فاتيكا هدا
نجربو ونعطيكم النتيجة
[ندعوك للتسجيل في المنتدى أو التعريف بنفسك لمعاينة هذه الصورة]

حقا شرالي اليوم خميرة البيرة
قريت عليها بلي تسمن ههههههه
وزيد مليحة للبشرة
تاني كي نجرب نعطيكم النتيجة

نور وهاجر وش رايكم يعني ماعندهاش اثار جانبية
كاش ماسمعتو عليها؟