تجـــمع البنـــات لاستفســـارات العنايـــة بالبشـــرة والشعـــر

شوفو وش لقيت عليها


أولا: فوائد حبوب خميرة البيرة :
أ) تحتوي على فيتامينات عديدة منها :
B1:


يلعب دوراً هاماً في تأكسد الحوامض في المواد الفحمية في الجسم ويساعد على النمو وعملية الهضم ويحفظ الشهية والأعصاب


B2:


يدخل في تركيب الخمائر التي تعمل في التفاعلات الكيميائية في الجسم ويساعد على التخلص من الملح والماء وامتصاص مادة الحديد في الجسم


B6:


يحفظ التوازن الغذائي داخل الأنسجة والكبد والجهاز العصبي ويلعب دوراً هاماً في عمليات تمثيل المواد البروتينية في الجسم


B15:


ينشّط الغدة النخامية ويزيد من مقاومة الخلايا في الجسم للسموم الداخلية والخارجية


PP:
يساعد على تكوين الكريات الحمراء والنمو
عند الأطفال والأولاد وينقل الهيدروجين للجسم ويشترك في تركيب وتجزئة
المواد الفحمية والكحول والأحماض الدهنية


H:


ينقل الهيدروجين وثاني أكسيد الكربون ويساعد على تمثل المواد الفحمية


ب)
من بعض فوائدها :


هذه من أغنى المواد الطبيعية
بالفيتامينات والمعادن والبروتينات.. وإذا أُخذت عن طريق الفم فإنها تحسن
الدورة الدموية، وتبعث في الجسم الحيوية، كما تحسن عامة من حالة الشعر
والجلد والاسنان والأظافر.
كما أنّها إذا استخدمت ظاهرياً للبشرة
فإنها تمتاز بقدرتها الفائقة على التنظيف العميق للجلد، ولذا تدخل في تركيب
بعض الكريمات والأقنعة.

مساء النور
شهرة انا شريت خميرة البيرة اللي تجي دي كومبريمي في بواطة زجاج
ادا راكي على هاديك انا شربت منها مي ما داومتش و ما شفت حتى نتيجة و الله اعلم بالاك مع المداومة تجيب
وشنو قالولي كون تذوبي 2 و لا 3 في ماو الورد و تديريها في وجهك يخرجولك الخدود بصح انا ما جربتهاش عندي الخدود بزيادة و الكور والو ههههه

ههههههههههه

انا شراهالي بابا واقيلا ب 40 الف بصح باطتها تاع نيلون وكبيرة مزال مافتحتهاش باه نشوفهم كيفاه مدايرين
راني قريت عليها وكل راهم يقولو فيها فيتامينات ملاح وزيد مليحة للوزن وللبشرة قالك تصفي الجلد والله اعلم
انا اصلا جسمي قابل للزيادة يعني نسمان ونضعاف مش ملي كنت ضعيفة
ومتاملة تبان النتيجة ان شاء الله

ووجهي حرقاتو الشمس غير تاع هاد اليومين

هههههههه مليح الله يبارك يعودو ينفشو حتى خدودك ههههههه

ههههههههههه سامو وحدك نفخي خدودك مليح هههه

مرسي شهرة

سامو انا قريت على وحدة قالت نصحنو 4 حبات مع ترمس مع قارص ينحي اثار حب الشباب وينقص من ظهورو

كون نديرو ويتنفخو بالخدودبالخشم كيفاه؟
هههههههههههه

كنت راح نجربو

دخت درك

شهرة بصحتك الشامبو
مانعرف انا ماجربتوش
ان شاء الله يخرج عليك


ايه علابالي بهاذوك الحبوب تاع خميرة البيرة
نقلك الصح انا نخاف من الخميرة ماجربتش هاذو الحبوب مام الوصفات اللي فيهم الخميرة ماجربتهمش
نحسها تنفخ نخاف كاش مادير
بصح راني حوست عليها في النت اذا فيها كاش اضرار مالقيت والو وكامل يشكرو فيها
ان شاء الله تخرج عليك وتسمنك

انا راني حابة حبوب زيت كبد الحوت مي سقسيت عليهم قالولي ماكاش
مانعرف نزيد نحوس مليح بالاك نلقاهم

اه مليح

هههههههه قالي بابا هاد وين تخلي حبة تشوفي

والله ماني عارفة قالك بيرياكتين هو لي ينفخ على خاطر دوا تاع حساسية

شوفي وش مكتوب في الباطة
قيمة طاقوية 369 كيلو كالوري
بروتين 42غ دهيدرات الكربون 42.5غ دهون 305غ

منتوج اسباني

وش رايك في المكونات تاعو؟

راح نبدا درك ناكلو
بصح الفارماسي قالو 3حبات صباح و3 وسط نهار و3 الليل
وقيرت في الباطة قبيل الاكل
بصح يبالي 3 بزااااااف
وزيد ريحتو يا لاطيف



وحبوب زيت كبد الحوت وش دير
سمعت بلي زيت كبد الحوت مليحة بصح نسيت لواه
تتباع عند الفارماسي ولا عند تاع العقاقير نسقسيلك ممكن تكون هنا

ايه سارة بيرياكتين دوا تاع الحساسية في الاصل
بصح يفتح الشهية
المهم انا راني ضد الحبوب تاع التسمين على خاطر تحبس السوائل والدهون في الجسم
بصح هاذي تاع الخميرة قتلك نورمالمو مليحة راني مالقيت حتى ضرر منها
وهاذيك هيا مشي بزاف 3 حبات في كل وجبة هكذا نعرف

حبوب زيت كبد الحوت راهي فيها فوائد بزاف
هي فيتامينات وتفتح الشهية وتسمن وزيد عندها بزاف فوائد
تتباع عند الفارماسيان

اوك شكرا

شكرا هجورة

شكرا هاجر على المعلومات
انا كليت موديستامين دي كومبريمي حبة صباح و حبة عشية تولي كي السكرانة النهارات الاولى في شهر زدت 7 كيلو و مبعد حبس وزني ماحبش يزيد بالاك الكور ديالي هاداك وش يقدر يزيد
وحدة صحبتي كلاتو كيما انا ولات بابور حتى حبساتو
مش عارف كل واحد و جسمو
كون نقلكم حاجة تضحكو هادوك الايامات خلاص هادا الكاشي من لي فارماسيان كل ما نروح نسقسيه يضحك عليا و يقولي رانا نجيبوه مي ماخلاوهش البنات
اسمحولي طولت عليكم

بنات حبيت نسقسيكم كاش وحدة تعرف شمبوان ولا بوماد اللي يرطب الشعر و تنعمو انا عكسكم شعري جاف بزاف و حابة نقص منو تالمون قاوي يعني نقدر نسلفلكم منو كامل و يفضل ههههه
يعيشكم ساعدوني قبل ما نتزوج وش راح ينفعني كل يوم سيشوار

هههههههههههه
الجزائر كامل
يا تلقايها حابة تنقص يا حابة نزيد


انا جايتني لطاي تاعي نورمال صح نقصت شوي بصح عادي
ماما والناس قاتليني لي يشوفني يقلي قريب تموتي
وبابا قالي قريب تولي صورة برك وندير عليك فوتوكوبي
هههههههههههههه

سامو انا تاني شعري قاوي وجاف وزدت سيبتو حتى تهردلي بلي فورش
درك قصيتو قصير خلااااااص

وقلت نديرلو زيوتات
وهداك الشومبوان شراهولي بابا راه مكتوب للشعر الجاف والمتجعد وكلمة نسيتها ههههههه

نجربو تراه ونشوف

وزيد كاين خلطة ممكن تنفعك
1 ياغورت + 2 مغارف كبار مايونيز حطيهم على شعرك وخليهم ساعة او اكثر وحطي على شعرك بوني نيلون وسربيته فوقو سخونة
ومرة في الاسبوع

هذا يرطبو ويعطيه لمعان

مشكورة اخني درك نسيي و نشوف و لا راح كامل تهنينا منو و خلاص ههههه

هههههههههه والله مهابل وتلاقاو كيما قلت من قبل حرنا في روحنا ربي يجيب ساعة الخير

----------

سامو الشعر الجاف ممكن من الشامبوان لي تستعمليه ممكن ماوالمش شعرتك ولاز كل شهر أو شهرين تبدلي الماركة ولوكان تقدري مدامك خدامة [ندعوك للتسجيل في المنتدى أو التعريف بنفسك لمعاينة هذه الصورة]
اشري توجور معاه الماسك تاع شامبوان باسك نص التغذية راهي فالشبوان والباقي قاع فالمرطب هو لييساعد الشعرة
ولازم ديري حمام زيتي ولا ماعلاباليش انا مانديرش مي قريت بلي ينفع ويرجع
الشعرة ماشي مكسرة وتولي طبيعية مع الوقت

نتي واش راكي ديري لشعرك وواش من ماركة راكي تغسلي بيها؟ [ندعوك للتسجيل في المنتدى أو التعريف بنفسك لمعاينة هذه الصورة]

لبنات قريت وحدة قاتلك سروم زيرو فريز مليح للشعر الجاف ويعطي لمعان تاني

[b]مجموعة متكاملة من زيرو فريز مخصصة للشعر التالف والمتقصف
شامبو*بلسم*حمام كريم*سيرم
[ندعوك للتسجيل في المنتدى أو التعريف بنفسك لمعاينة هذه الصورة]

[/b][ندعوك للتسجيل في المنتدى أو التعريف بنفسك لمعاينة هذه الصورة]



هدا عندنا في الجزائر؟
وبقداه يدير؟

شهرة جامي سمعت بيه
ان شاء الله البنات يكونو يعرفوه

schwarzkpf ماركة عالمية ومليحة للشعر منتجاتها متوفرين عندنا مثل شمبوان وابري شمبوان وراهي ماركة مليحة بزااف مي ه\اك ماشفتوش مي نضن اكون ويكون شوية غالي على حسب الماركة قادر يلحق 70 الف او 100 الف نورمال للقرعة

ايه قريت بلي غالي بصح قالك يطول باه يخلص


مليح كي موجود عندنا

RÈÐ PËÃRŁ كتب:

schwarzkpf ماركة عالمية ومليحة للشعر منتجاتها متوفرين عندنا مثل شمبوان وابري شمبوان وراهي ماركة مليحة بزااف مي ه\اك ماشفتوش مي نضن اكون ويكون شوية غالي على حسب الماركة قادر يلحق 70 الف او 100 الف نورمال للقرعة

كيفاش تتقرى هاذي الكلمة

هههههههههه

مام انا كي شفتها عييت نقراها
حرت

[ندعوك للتسجيل في المنتدى أو التعريف بنفسك لمعاينة هذه الصورة] تامني ياختي هاجر ماجيت كتببتها نطلع ونهبط نشوف الحروف ياربي
تقولي شنوية ماقدرتش نكتبها كيفاش تحبي ننطقها هي نورمالمو

شوارسكوف ههههههه