عندي استفسار فضلا لا أمرا

السلام عليكم و رحمة الله و بركاته
حبيت نسقسيكم يا بنات، بما أنه أول يوم ليا في هذا المنتدى الراااااااااائع، و بما أنكن صاحبات خبرة ما شاء الله [ندعوك للتسجيل في المنتدى أو التعريف بنفسك لمعاينة هذه الصورة]
حبيت نسقسيكم على حاجة، أنا اتخطبت هذا العام، الحمد لله، و نورمالمون العرس في صيف 2014 ان شاء الله، اذا كان كلش مليح و ما صرا حتى مشكل، ادعييييييييييييييييولي ربي يخليكم [ندعوك للتسجيل في المنتدى أو التعريف بنفسك لمعاينة هذه الصورة]
حبيت نسقسيكم وقتاش نبدا نجهز، علما أنني مانيش خدامة دوكا، مازالني نقرا، و أوضاع الوالد شوية شوية، و لله الحمد، يعني ما يقدرش يعاونني بزاف [ندعوك للتسجيل في المنتدى أو التعريف بنفسك لمعاينة هذه الصورة]،
قلت نستنى حتى يمدولي المهر و نجهز بيه اللي قدرت عليه، لكن عاودت خممت و قلت باللي المهر اقصاه 10 ملاين بالاك، و زيد في عوايدنا المهر يمدوه في الفاتحة، و الفاتحة نديروها قبل العرس بشهر، يعني راني حايرة واش راح ندير

أنا أول بنت نتزوج في دارنا، وراهي مخلطة كامل في راسي واش ندير، اذا نبدا دوك و لا مازال الحال، و كيفاش نقدر نجهز روحي بدون تكاليف كبيرة رايحة نهبببببببببببل [ندعوك للتسجيل في المنتدى أو التعريف بنفسك لمعاينة هذه الصورة]
عاونوني تعيشواااااااااا دبروا عليا كيفاش ندير؟؟؟؟؟؟؟؟

سؤال آخر، ربي يعيشكم، يا ريت تقدروا تساعدوني بصور تاع كوفيرتات و كوات و كوفرولي اللي راهم يديو فيهم العرايس، على خاطر ما نعرف واااااااالو في هذا الدومان، و خايفة نشري حاجة و في الاخر تجي ماشي تاع عروسة، عاونوني بأسماؤ الانواع و الاسعار و ياااااااااااااااا ريت الصور

على بالي كثرت عليكم بزااااااااااااااااااف، لكن على بالي راني مع فحلات اللي مايبخلوش عليا
ربي يخليكم خواتاتي عاونوني
شكراااااا