عندي استفسار فضلا لا أمرا

والله يالبنات راكم فحلات ماخليتو ختى حاجة بالعامية انا واستفدت منكم هههههههههه




شوفي والله اختي اسما نوافق كامل البنات واش قالولك قاع كنا هكا مع الاول تتلف ولي تعرف تعاون ختها وشعال من عروسة راحت منا ياحسراه وراهم رجعو ويقلو ماكلاه تكلفو نفسكم

اولا البنات ماذكروش اذا تسكني وحدك ولا عندك شمبرة برك

باسك الكمية رايحة تختلف

اذا وحدك رايحة تدي اكثر من دار عجوزتك هاذي ديريها مليح في حسابك

فرضا وحدك رايحة تخمي على كلش كيما قالت شهرة ديري ليستا للمشبرا للصالون للكوزينة الخ يعني تشري شوية شوية من كلش

واذا مع عجوزتك رايحة تخمي تقريبا غير على شمبرتك فراشك باش تبدلي وعلى الجبب باش تبدلي وعلى واش تلبسي داخل شمبرتك اكثر شي هاذو هوما

انا نقلك شوفي ابداي بالحاجة حتى تكملي والجهاز راه كي الغولة قدما تشري مايعمرلكش عينك وماتكلفيش روحك

ابداي بالفراش ادي الابض وادي الوان يكونو مايديموداوش انا كوفروليات ديت غير المشري ونشري غير تاع ترك وفرنسا باسك ستيل ديالهم شباب صح غاليين مي انا بديت بالعفسات صغار ومن بعد باش بديت الكفروليات باسك على حساب دراهم اصلا الصغار هوما لي يدو الدراهم

نتي قسمي دراهم انا كنت كي تكون عندي 100 الف زعمة نشري بيجاما ب60 الف و40 الف اونسوبل سوتيان سليب وهي رايحة مرات نشري حاجات غاليين ومرات نشري رخيس باش نقدر نلحق روحي


اما لي كوفرولي راكي فالعاصمة يعني تعرفي البلايص انا ننصحك برك ماتشريش بلخف يعني كيما ندير انا الحاجة كي تعجبني مانزغدش من الحانوت حتى نشريها ولا نموت من بعد نمشي شوية نلقاها شوية رخيسة
على لي شريت الله غالب ديفو فيا

استناي نبعت هذا تان تروح تريسيتي

ممممممممممم ايوا راهي لالة نهال اعطاتلك روابط وان شاء الله نكمل باقي المواضيع لي كنت رايحة نطرحهم

وعلى شرطك انا نقلك ماتخميش فيه اشري بدراهمك و الشرط هذاك مايدرلك والو كيما تنطقيه كيما يطير لوكان انا نحسب قيس فاليزة وحدة برك والله قادرة تلحق 10 ملاين بلا والو لا ذهب لا حتى حاجة

دراهم تاع راجلك اشري بيهم حاجة تاع ذهب ولا عاوني بيهم روحك بواش خصك مع اللخر تعرفي واش بقالك ونتي راكي تقولي يعطوهملك مع الفاتحة يعني مزال ماتقدريش تستناي حتى لعرسك باش تشري



وهاذي هي مانعرف تخلطولي الافكار في ضربة هههههه " longdesc="28" />

بلعقل برك سارة بالشوي يجيو الافكا ر حبة حبة
انا المشكل نتاعي انو منخرجش بزاف وكي يجيوني دراهم نخبيهم كيما ظك عندي مليون ملقيت مانشري به
قولولي وش ندير؟

ربي يخليكم يا الفحلات بزااااااااااااااااااااف اتهليتوا فيا [ندعوك للتسجيل في المنتدى أو التعريف بنفسك لمعاينة هذه الصورة]
بون نبدا بالتقرعيج تاع شهرة خخخخخخخخخخخخخخ
في التصديرة، درت كاراكو بسروال مدور طبعا، سبقت فيه هو الاول نمووووووووووووووووت عليه
درت جبة قبايل بالفضة ديالها
منصورية
قفطان مغربي جابوهولي كادو من المغرب
درت جبة سطايفية
و جبة وهرانية
و بس
هادو كانت ماما تشريهملي بالعقل بالعقل حتى نهار اتخطبت لقيت روحي اتهنييييييت[ندعوك للتسجيل في المنتدى أو التعريف بنفسك لمعاينة هذه الصورة]

اما السكنى رايحة نسكن مع عجوزتي لكن طابق وحدي، فيه زوج بيوت و صالون و كوزينة، و راني حايرة واش ندير واش نخلي،
RED PEARL عجبتني بزااااااف الفكرة ديالك، تع 100 الف تشري بيجاما ب600 و انسوبل سوتيان ب 400، انا كنت كي تطيح في يدي 100 الف نجيب حاجة تاع 100 الف،

nehal كتب:

بلعقل برك سارة بالشوي يجيو الافكا ر حبة حبة
انا المشكل نتاعي انو منخرجش بزاف وكي يجيوني دراهم نخبيهم كيما ظك عندي مليون ملقيت مانشري به
قولولي وش ندير؟

نهال شوفي نتي واش بقالك ووين راكي حاصلة

يعني انا كي تكون سومة هكاك نشري فراش نشري كوفرولي ولي بقاولي نزيد كاشما نبريكولي بيهم بالاك نزيد درا اذا كفاو




ونتي شوفي اذا كملتي القش وبديتي بالتصديرة اشريهم قماش باش تخيطي

ولا مانعرف يعني على حساب نتي واش بقالك

نولي ندير كيما انتي، ساعة غالي و ساعة رخيص حتى يفرجها ربي
و عندك الحق، كي قولتي لي كوفرولي تاع فرنسا و الترك شابييييييييييييين بزاااااااااااااف، يهبلوووووا بصح سومتهوم تقتل بزااااااااااااااف غاليين، بصح يستهلوا، نفضل ندي واحد شباااااااااااب خير من 3 كاملوط ههههههههههههه
و ان شاء الله نزيد نخدم واحد و لا زوج

ايه ثاني قولولي لي درا، شحال ندي؟؟؟؟؟؟؟؟ و كيفاش دايرين لي درا تاع لعرايس؟ هادوك لي يجو في دي بوات؟؟؟؟؟؟ هادوك شابين و متحوفين بصح نخاف قماشهم، كيفاش نقدر نعرف اسكو ملاح؟ كاين اللي يدير فيهم هداك اللي كي شغل حبيبات، نكرههههههم بزااااااف

دائمة الطفولة كتب:

ربي يخليكم يا الفحلات بزااااااااااااااااااااف اتهليتوا فيا [ندعوك للتسجيل في المنتدى أو التعريف بنفسك لمعاينة هذه الصورة]
بون نبدا بالتقرعيج تاع شهرة خخخخخخخخخخخخخخ
في التصديرة، درت كاراكو بسروال مدور طبعا، سبقت فيه هو الاول نمووووووووووووووووت عليه
درت جبة قبايل بالفضة ديالها
منصورية
قفطان مغربي جابوهولي كادو من المغرب
درت جبة سطايفية
و جبة وهرانية
و بس
هادو كانت ماما تشريهملي بالعقل بالعقل حتى نهار اتخطبت لقيت روحي اتهنييييييت[ندعوك للتسجيل في المنتدى أو التعريف بنفسك لمعاينة هذه الصورة]

اما السكنى رايحة نسكن مع عجوزتي لكن طابق وحدي، فيه زوج بيوت و صالون و كوزينة، و راني حايرة واش ندير واش نخلي،
RED PEARL عجبتني بزااااااف الفكرة ديالك، تع 100 الف تشري بيجاما ب600 و انسوبل سوتيان ب 400، انا كنت كي تطيح في يدي 100 الف نجيب حاجة تاع 100 الف،

مليح اسماء انا اسمي سارة باش مايجيكش اسمي طويل



مليح راكي سلكتيها فالتصديرة تهنيتي

انا نكري مانشريش بالاك قفطان برك وقبايلي وطايور والباقي نكريه

وعلى السكنة مليحة كي تسكني وحدك

شوفي نتي ابداي تخمي بيت بيت كيما قال القذافي مي ماشي شرط تشري كلش باسك امبوسيبل تكملي

اشري بلعقل ابداي زعمة نقولو لي سوفاتمو سلكيهم شوية

من بعد سوطي لي بيجاما تاع شتا شوية
من بعد تاع صيف من بعد جبب كيف كيف صيف وشتا ولا واش تلبسي

المهم خيري واش تحبي نتي ماتتقديديش بالليستا باسك رايحة تفوتيها او تشري قل منها

المهم يكونو عندك رؤوس اقلام باش ماتنسايش هذا مكان

وروحي للرفاش اشري لي كوفرولي راهم كاين ولا اخدمي لحبيتي تخدمي

وبلعقل حتى تكملي وكيما قالو البنات من قبل فالردود كي تخرجي تشري يبداو ابانولك العفايس حتى تولي خبرة كيما حنا

دائمة الطفولة كتب:

نولي ندير كيما انتي، ساعة غالي و ساعة رخيص حتى يفرجها ربي
و عندك الحق، كي قولتي لي كوفرولي تاع فرنسا و الترك شابييييييييييييين بزاااااااااااااف، يهبلوووووا بصح سومتهوم تقتل بزااااااااااااااف غاليين، بصح يستهلوا، نفضل ندي واحد شباااااااااااب خير من 3 كاملوط ههههههههههههه
و ان شاء الله نزيد نخدم واحد و لا زوج

ايه ثاني قولولي لي درا، شحال ندي؟؟؟؟؟؟؟؟ و كيفاش دايرين لي درا تاع لعرايس؟ هادوك لي يجو في دي بوات؟؟؟؟؟؟ هادوك شابين و متحوفين بصح نخاف قماشهم، كيفاش نقدر نعرف اسكو ملاح؟ كاين اللي يدير فيهم هداك اللي كي شغل حبيبات، نكرههههههم بزااااااف

شوفي نقلك ماشي المفيد فالغالي والرخيس المهم كي يكون عندك ذوق شباب قادرة تشري حاجة رخيسة ويهبلو عليها الغاشي باسك تعرفي تشري وهذا هو السر

ولازم تشري عفاسات علابالك بلي مايديموداوش والالوان تان ركزي على الالوان لي يكونو يمشو في قاع المواسم

-----------

صح لي كوفرولي راهم بزااف شابين كيما انا راكي شفتي نورمالمو الصور راني حطيت لي شريت مي شريت اخرين ماصورتهمش برك وراحولي لي كانو فالبيسي اللول

مي كاين خير ربي دراهم برك حتى الذوق تاع شمبرتك لازم تدي الوان يمشو قاع العوام

انا ليا مانحبش التزركيش وتخربيشين ومانحبش لي مخييطين ومانحبش لي يدوهم العرايس لي جايين بيوضة تقول ليزور تاع السبيطار

نحب غير لي يزلقو وتاع المرفهين هههههه تحسي روحك اميرة



دوك نرجع على لي درا

اتشرفت بيك سارة [ندعوك للتسجيل في المنتدى أو التعريف بنفسك لمعاينة هذه الصورة]

خلاص رايحة ندير كيما قلتيلي دار دار بيت يت زنقة زنقة هههههههههههههههههه
بصح قوليلي كيفاش نعرف لي درا اذا قماشهم مليح و لا لا، خاطيني هاد العفايس، و نخاف نتدرح هههههههههههههه

ŔεÐ ρЄǻŘζ كتب:

دائمة الطفولة كتب:

نولي ندير كيما انتي، ساعة غالي و ساعة رخيص حتى يفرجها ربي
و عندك الحق، كي قولتي لي كوفرولي تاع فرنسا و الترك شابييييييييييييين بزاااااااااااااف، يهبلوووووا بصح سومتهوم تقتل بزااااااااااااااف غاليين، بصح يستهلوا، نفضل ندي واحد شباااااااااااب خير من 3 كاملوط ههههههههههههه
و ان شاء الله نزيد نخدم واحد و لا زوج

ايه ثاني قولولي لي درا، شحال ندي؟؟؟؟؟؟؟؟ و كيفاش دايرين لي درا تاع لعرايس؟ هادوك لي يجو في دي بوات؟؟؟؟؟؟ هادوك شابين و متحوفين بصح نخاف قماشهم، كيفاش نقدر نعرف اسكو ملاح؟ كاين اللي يدير فيهم هداك اللي كي شغل حبيبات، نكرههههههم بزااااااف

شوفي نقلك ماشي المفيد فالغالي والرخيس المهم كي يكون عندك ذوق شباب قادرة تشري حاجة رخيسة ويهبلو عليها الغاشي باسك تعرفي تشري وهذا هو السر

ولازم تشري عفاسات علابالك بلي مايديموداوش والالوان تان ركزي على الالوان لي يكونو يمشو في قاع المواسم

-----------

صح لي كوفرولي راهم بزااف شابين كيما انا راكي شفتي نورمالمو الصور راني حطيت لي شريت مي شريت اخرين ماصورتهمش برك وراحولي لي كانو فالبيسي اللول

مي كاين خير ربي دراهم برك حتى الذوق تاع شمبرتك لازم تدي الوان يمشو قاع العوام

انا ليا مانحبش التزركيش وتخربيشين ومانحبش لي مخييطين ومانحبش لي يدوهم العرايس لي جايين بيوضة تقول ليزور تاع السبيطار

نحب غير لي يزلقو وتاع المرفهين هههههه تحسي روحك اميرة



دوك نرجع على لي درا

هههههههههههههههه اسكتي برك حتى انا ما نحبش تزركيش، و كي نروح نشوف يوريلي تاع العرايس ما يجبونيش بزاف ، فيهم كامل العقاش و البريون وععععععع
انا نحب كيما قلتي اللي يزلقو هههههههههههههه شفتي اللي تديرهم سمر يخاااااااااااااااه ايهبلوووووووا
و ثاني كاين اللي يجو مودارن ماشي تاع الساتان، يجو قماش بصح ساااااااااااااامبل ستيل تاع لهيك بزااااااااااااااف شابين
راني ناوية ندي منهم زوج و لا ثلاثة و خلاص

كاين موضوع تاع لي درا تاع واش شريتي وواش بقالك نورمالمو درنا صور ماشفيتش المهم

لي درا اشري لي راهم يتباعو انا شريت منهم تاع 5 بياس لي مرسومينوكيان الوان خير ربي كل مرة تشوفي تقولي نزيد مي لازم تشوفي الكاليتي تكون شابة باش مايرشاوش بلخف ومايحولوش

ولي درا قدما تدي قدما مليح المهم نتي ديري حساب 5 شابين و 3 تاع كل يوم

مع تان تشري لي اوس تاع لي ماطلا والغلافات تاع مخايد ونتي ديري حساباتك

وعلى حسب مقدورك ماتكلفيش روحك ادي واش قدرتي وكي يخصك تخرجي مع راجلك تشري

هههههههههه مهبولة

والله ماعلابالي انا نشري واش يعجبني والله مرات يكونو مغلوقين مانفتحهمش قاع

حتى نجي للدار مي تقريبا لي راهم يتباعو قاع كيف كيف سقسي شهرة تقلك نوعية القماش
انا نعرف نتوشي ونشري ماعلاباليش واش اسموه ههههه

البنات درتلكم بروسي كتبت بزاف كيما عذبتوني نتوما

تعيشي سارة حطيلي المواضيع اللي فيهم التصاور ما زال ما شفتهمش، ما علاباليش وين نلقاهم

خخخخخخخخخخخخخخخخخخ امالا بصحتك واش شريتي و ان شاء الله تلقايهم ملاح و تتهناي بيهم

خلاص راني لقيته هههههههههههههه

شوفي كاين تجمع العرائس الاول والثاني راه فيه بزاااااااااااااف حوايج رايحين افيدوك كل مرة اقراي شوية ردود ورايحة تدي فكرة على واش راكي تحوسي تقريبا قاع



الاول
[ندعوك للتسجيل في المنتدى أو التعريف بنفسك لمعاينة هذا الرابط]


الثاني هذا حطي تساؤلاتك فيه رايح اكون مرجع لكل وحدة يعني تم حطي الاستفسارات ديالك ونعاونوك باذن الله اوك

[ندعوك للتسجيل في المنتدى أو التعريف بنفسك لمعاينة هذا الرابط]


وهذا تاع لي درا مي مافيهش الصور حسبت حطيت ممكن حطيتهم فالشات والله ماعندي صور دوماج مي ماعليش كي نصور نحط فالموضوع

راهي دايرة نهال واحد

[ندعوك للتسجيل في المنتدى أو التعريف بنفسك لمعاينة هذا الرابط]

اسلمك اسما لعقوبة ليك تشري ونشوفو حوايجك

ومرحبا بيك ونتكل اعليك تطلعي للتجمع هكا باش نشطو الدعوة حتى حنا نسحقوك تفيدينا بواش تعرفي

اتهلاي في روحك رايحة نخلي البيسي لختي

سلام

ربي يخليك يعطيك الصحة سارسورة
خلاص راني ساعة ساعة ندخل للتجمع و نحكيو
اتهلاي في روحك يالسلامة

سلام
اسما جاتك سارة ومخلات متهدر وتحكي عييت وانا نقرى
ههههههههههههههههه
.................
المهم كيما قاتلك سارة
كل يوم شوفي بالشوي في الأقسام الخاصة بالعرائس
أكيد راح تلقاي وش تحوسي
وهكذا نكونو عاوناك باشي لي نقدرو عليه
..............
بصح متنسايش الاقسام لخرا
التجمع وال تغطية و الشات و..............
أظربي طلة لينا باه نقصرو

يوووووه كتبتو بزاف
ماقريتش كلش مي على حساب وش فهمت هدرتو على لي درا
حبيت نقلكم برك هاذوك les parures de draps اللي راهم يتباعو ويجو مخدومين بالخيط تشوفيهم في الباطة نتاعهم مخدومين مليح بصح كي تشريه وتفتحيه تلقايه مخدوم غير شوية ملفوق والباقي كااااااامل فارغ
يعني كي يطبقوه يديرو جهة الخدمة في الواجهة تاع لابوات

السلام عليكم و رحمة الله و بركاته، اسمحولي بطيت باش نشكركم على مشاركاتكم، كنت في فترة امتحانات
ربي يخليكم و يعيشكم، عاونتوني بزاااااااااااااااااف و نشكر كل وحدة فيكم على كل مساعدة عاونتني بيها

العفو اسماء كي كملتي المتحانات أكل لباس
المهم رانا فدناك برك
ومتنسايناش وتروحي وتخلينا ههههههه
زيدي روحي للتجمع هدا الرابط تلقاي فيه وش تحوسي وتتواصلي مع الاميرات اكثر وأكثر
[ندعوك للتسجيل في المنتدى أو التعريف بنفسك لمعاينة هذا الرابط]

تعيشي نهال هذا وين شفت الرابط هههههههههههههه مهبولة أنا

هههههههههههههههههههه
مكي مهبولة ما والو مزلتي برك ظك تولي تعرفي وحدك