اميرة القصر في خدمتكم

بارك الله فيك سمسومة على المبادرة الطيبة

ممكن تقولينا وش هوما الحاجات اللي ديتيهم في جهازك وندمتي عليهم يعني ما استعملتيهمش

ووش هوما اللي ماديتيش منهم بزاف وندمتي كي ماكثرتيش منهم

وشكراا

بلا مزية لبنات خلي باش كاشما ينشطو لعرايس شوي

سلام هاجر
لحوايج اللي ندمت كي شريتهم هوما السباط نتاع الريش اللي بالطالون الكبير لوكان شريتو بلا طالون خير

ندمت كي ما كترتش من الدراوات و لي كوات باسك نبدلهم بزاف ندمت كيما كترتش اكسسوارت الدار والشومبرا نتاعي
تاني شريت قش صيف بزاف قنادر صيف بزاف دار عليهم العام كرهتهم وراجلي يقولي عندك خزانة قش ماكلاه تشري

اممم هدا واش تفكرت

اي استفسار اني هنا

يعطيك الصحة سمسومة على الاقادة

شكرا سمسومة على الموضوع صراحة فكرة هاااااااااااايلة
عجبتني بالبزااااااااف
ووجدي روحك للأسئلة ظك نقعد قعادك وندير كناش نكتب فيه وش تقولي
,,,,,,,,,,,
انا ظم راني لاتيا مع ماما وبابا راهم مرضى غدوا ان شاء الله نبدا في الاسئلة

بلا مزية هاجر
///
نهال راني جاهزة و مرحبا بيك
ربي يجيب الشفا لوالديك

ربي يجيب الفا نهال

مرسي سمسومتي اووووو لعروسة الصغيرة راهي معانــا ان شاء الله تكبر ونفرحو بيها

مدام حكيتي على لي درا شعال ندو ماكسيموم واش الالوان لي تنصحينا بيهم؟

صحيتي الفحلة هكا تعاوني لعرايس وتكون عندنا فكرة تاني

انا هداك الصباط تاع الريش مانشريهش بطالون ولا بلا طالون ماعندو حتى معنى في نظري

الأميرة شهرزاد كتب:

صحيتي الفحلة هكا تعاوني لعرايس وتكون عندنا فكرة تاني

انا هداك الصباط تاع الريش مانشريهش بطالون ولا بلا طالون ماعندو حتى معنى في نظري

عاش من شافك شهرة
مام انا هذاك الصباط تاع الريش مانحبوش وجامي خممت باش نديرو

سامية كيما قالن سارة
قداش نديو معانا درولا والفراشات والزور والكواة؟؟؟
انا وماما رانا في حرب على هذو هيا تقلي ياسر عليك وانا نقلها نزيد
وانت واش رايك؟

هكا نشتيكم لبنات تتفاعلو معايا

سقسيتو على الدراوات وال زور ولي كوات
الزور و لي كوات مااااكلاااااه تكترو يجو كادوات غيييييير هوما مازال زور و كواتات من العرس ما استعملتهمش

الدراوات صح باسك كل يومين تلاثة تبدلي هدا الا مش كل يوم باسك تفرشيه على المطرح و يكون عرضة لكلش راكم فاهمين حالة [ندعوك للتسجيل في المنتدى أو التعريف بنفسك لمعاينة هذه الصورة] والفاهم يفهم ههههههههه

العدد ما نقولكمش اشريو الغاليين شوفو اللي يساعدكم هكاك 6 دروات والالوان خيرو اللي يعجبكم ايفيتيو الابيض و الباج
وخيرو اللي ما يفسخوش كانو عندي دراوات خضر واخرين زرق كي نديرهم نصبحو ملونين تشبعو ضحك

و كاينة حاجة تاني
ما تخسروش رواحكم و تشريو كوفرلي نتاع مليون و نص و مليون
انا شريت نتاع 900 راهو فالخزانة والله كاين نتاع 200 الف و يهبلو المهم تغيير اللون والمودال ماش شحال من بياسا فيه هدا 12 بياس و هدا 15 بياس
ديريهم في الاول مباعد تكرهم من لي بياس
والله درك راني مفرشة زاورة نتاع البقرة بمخايدها موف زادت النص في الشومبرا خير من لي كوفرلي نتاع الساتان

هاجر و شهرة علاه مليح كي يكون بلا تستعمليه كي شغل بابوش نورمال شفتهم كونفورطابل و زيد اغلى من تاع الطالون

اي استفسار راني هنا ماتخافوش

شكراااااا سمسومة على الرد

ايه فكرتيني في وحد الملاحظة
هاذوك لي درا اللي يتباعو واجدين اغلبهم يطلقو
ختي مرة دارت واحد في الغوز راجلها الصباح ناض شعرو غوز هههههههههههههه
انا من رايي نشرو القماش تاع 17 الف او 20 الف ونفصلو لي درا مع مخايدهم خير من المشريين
هذا القماش مايطلقش
انا هكذا ندير ان شاء الله

سمسومة حبيت نسقسيك على التصديرة
انا عندي عقدة منها نحسها خسارة الدراهم برك
قوليلي اذا لبستي حوايجك تاع التصديرة بعد العرس؟؟
ووش درتي كامل في تصديرتك

سلااااااااام

هيه هاجر هكاك خير فكرة القماش نتاع الدراوات مليحة اصلا قماشهم خير من اللي يتباعو

اما على التصديرة والله ولات العادات والتقاليد هي اللي تمشينا و تشريلنا لحوايج
اناى ما كترتش و درت التارزي و الكوكتال هادو ما يديموداوش و زدت الوهراني و السطايفي و النايلي و طايور
لبستهم كاامل في اعراس يعني المرة كي تتزوج تعود تتعرض في الاعراس و حنا من عوايدنا انو تلبس هدلا النوع من القنادر

ندمت علىالطايور و ننصحكم في عرسكم اكروه برك صدرو بيه و رجعوه
و كل واحد و عاداتو

samsouma كتب:

سلااااااااام

هيه هاجر هكاك خير فكرة القماش نتاع الدراوات مليحة اصلا قماشهم خير من اللي يتباعو

اما على التصديرة والله ولات العادات والتقاليد هي اللي تمشينا و تشريلنا لحوايج
اناى ما كترتش و درت التارزي و الكوكتال هادو ما يديموداوش و زدت الوهراني و السطايفي و النايلي و طايور
لبستهم كاامل في اعراس يعني المرة كي تتزوج تعود تتعرض في الاعراس و حنا من عوايدنا انو تلبس هدلا النوع من القنادر

ندمت علىالطايور و ننصحكم في عرسكم اكروه برك صدرو بيه و رجعوه
و كل واحد و عاداتو

عندك الحق سمسومة كل واحد يمشي على حساب التقاليد
انا أول حاجة الطايور مستحيل نشريه منيش مقرا فيه خلاص
وراني راح ندير وحدا سطايفي
وقفطان باهي
ومنصوريات برك
انا علابالي بروحي منلبسهمش
وزيد حنا في جيهتنا من نهار العرس متزيدش العروس تلبسهم

سمسومة قوليلي الريدوات شحال ديتي من واحد
والكاش ريدو كيفاه درتيه
تابع للصالون ماروكا ولا للفراش
..............
والطابيات والموكات شحال ديتي؟

ما فهمتش واش تقصدي بالطابيات والموكات؟؟؟ماعندناش هاد الكلمتين ههههههههه